Daniel 11:27 - Biblia Enxet

²⁷ Tén sa' ma'a apqánet kelwesse'e apkelwányam nak, élxeyenma nak apkelwáxok etnéssessamhok exma ekmaso pók, exmakha sa' etawagkok aptéyak nekha mésa, keñe sa' epaqhetchesek chá'a pók yetlo apteme apmopwána amya'a, megkatyepek sa' eyke xama enxoho m'a ekxénakxa apkelwáxok etnahagkok, hakte megkawokmok makham ma'a ekxénamaxchexa katnehek.

Daniel 11:27 ပူးပေါင်းရင်းမြစ်များ

2 Samuel 13:26

Keñe axta Absalón aptáha apcháneya s'e: —Sa' agkok emakók exog xép, yáphés sa' hẽlyetlakxak ma'a eyáxeg Amnón, wesse'. —¿Yaqsa ektáha apkeltamho nak étlakxak Amnón? —axta aptáhak apkelmaxneyáncha'a m'a wesse' apwányam.

Salmos 12:2

Elyexanchesha aqsa chá'a pók; atsek chá'a katnehek apkelpeywa háwe eyke naqso', eyaqmagkasek chá'a mók ektáhakxa apkelpeywa.

Salmos 52:1

¿Yaqsa ektéma apxéneykencha'a nak chá'a aptémakxa ekmaso, xép apyennaqteyásamákpoho nak chá'a? ¡Megkayaqmagkassemek ektémakxa m'a Dios segásekhayo!

Salmos 58:2

Megkóltemék chá'a kéxegke xa ektáha nak, yetlo ekmaso élchetamso kélwáxok chá'a kóllának aqsok ekmaso; kéltekkessegkek chá'a nenyennaqteyáseykha egyempehek ma'a apchókxa.

Salmos 62:9

Aphawók énxet ma'a xama negwátekhapma ekmanyehel'a kamaskok, cham'a énxet meyke nak aqsok apagkok, tén han ma'a ekxámokma nak aqsok apagkok; kélyetsátegkek agkok xama kelyetsáteyák xa apyókxoho nak, exhok pók apkelexyawe.

Salmos 64:6

yának han chá'a méko kategyaha amya'a apkeltémakxa ekmaso. Sa' eyke etegyaha amya'a apkeltémakxa m'a apya'áseykegkoho nak kañók agko' élchetamso apwáxok énxet.

Proverbios 12:20

Ekmowána amya'a yetnók apkelwáxok ma'a énxet'ák élmasagcha'a nak apkeltémakxa', élxeyenma nak chá'a apkelwáxok elanagkok aqsok ekmaso; ekpayheykekxa egwáxok akke yetnók apkelpeywa m'a énxet'ák aptekkesso nak meyke ektáhakxa egwáxok.

Proverbios 19:21

Xámok chá'a katnehek ekxénakxa apwáxok elának aqsok ma'a énxet, wánxa eyke aqsa chá'a katyapok ma'a apkeltamho enxoho Dios.

Proverbios 26:23

Weygke apkelánamap nak yelpa', kéltexneykegkokxa nak apyempehek ma'a sawo ekmope égmenek élyenma nak, máxa m'a énxet ektaqmeleykha nak chá'a appeywa henlána', asagkók eyke m'a élchetamso apwáxok.

Ezequiel 17:9

“Etne sa' exének sektáha sekpeywa s'e: ‘Keso aptáhakxa exchek appeywa Wesse' egegkok se'e: Megkataqmelek sa' se'e anmen yámet nak. Kalpátekkesek sa' kepmenák ma'a náta ekyawe ekwe exchek amonye', kapalchessásegmak sa' ma'a ekyexna; megkólwasqápek sa' nahan kólpátekkesek ma'a awhak nak, megkólmenyeyk sa' apxámokma énxet yaqwayam epátekkesek, kalyameygkok sa' ma'a ekyókxoho áwa' kaxwe éltekteyapma nak.

Daniel 10:1

Apwet'ak axta aqsok kélxekmósso ekmámnaqsoho m'a Daniel, mók apwesey axta han Beltsasar, ekweykmo axta apqántánxo apyeyam apteme wesse' apwányam Ciro m'a Persia, askehek axta eyke agya'asagkohok ektémakxa. Aptaqmelchásawók axta eyke apkelányo m'a Daniel, apya'ásegwokmek axta han ektémakxa m'a aqsok apwete.

Daniel 11:28

Etaqhohok sa' makham apchókxa m'a wesse' apwányam apkeñama nak nexcheyha, yetlo apkelseykekxa aqsok ekxámokma apkelma neyseksa kempakhakma, yenmexek sa' ma'a ektémakxa nak kélpeykessamo Dios; elának sa' ma'a ekxénakxa apwáxok elána', keñe sa' etaqhohok makham ma'a apkeñamakxa.

Daniel 11:29

Wokmek sa' agkok ma'a ekhem ekxénamaxchexa', ektágkásegkokxak sa' makham sẽlpextétamo apagkok yenmexek ma'a apheykha nak nepyeyam; memallánek sa' eyke kaxwók xa apketámeykegkokxa nak, ektéma axta m'a sekxók axta.

Daniel 11:35

Etekyók sa' han nápakha m'a apkelxekmowáseyak axta apnámakkok, yaqwayam enxoho kóllanok aptamhéyak éláxñeyo apkeltémakxa, tén han kólteméssesek éláxñeyo agko' apkeltémakxa, ekwokmoho ektemegwánxa néxa ekxénamaxchexa nak katnehek.

Daniel 11:40

“Wokmek sa' agkok néxa, ektamagkok sa' wesse' apwányam apha nak nepyeyam ma'a wesse' apwányam apha nak nexcheyha; elanyexegmak sa' eyke, máxa éxchahayam ekyennaqte sa' etnehek ektamagkok ma'a apheykha nak nepyeyam, esawheyásekxohok sa' yátnáxeg apkelyenyawasso apkenchesso nak kempakhakma ekyókxoho apchókxa', tén han apxámokma apkelchánte yátnáxeg, keñe han ekxámokma agko' ma'a yántakpayhe.

Daniel 8:17

“Keñe axta sey'awa ko'o m'a. Égwakkassek axta, ekháxahánteyk axta ekwokmoho sektekxeya ekpayhakxa nahát xapop, aptáhak axta seyáneya s'e: ‘Énxet, ey'asagkoho sa' se'e aqsok apwete nak, ekteme m'a ektemegwánxa sa' néxa ekhem.’

Daniel 8:19

aptáhak axta seyáneya s'e: “Altennaksek sa' ko'o exchep yaqwánxa katnehek ekwokmo sa' néxa aplo m'a Dios, hakte cham'a aqsok apwet'a nak ekteme ektemegwánxa néxa ekhem.

Habacuc 2:3

Makke kawokmok makham yaqwánxa katnehek xa aqsok kélxekmóssamo nak, katnehek sa' eyke. Eleyxek sa' eyke aqsa exchep, kánéxchek sa' eykhe yehémek katnehek, kammok sa' eyke yaqwánxa katnehek.