Daniel 11:19 - Biblia Enxet

¹⁹ Emyekxak sa' eyke makham wesse' apwányam ma'a tegma apkelyennaqte apagkok apchókxa nak; kasógwakxak sa' eyke apxega, yetsapok sa', megkólya'asagkehek sa' han ektáhakxa.

Daniel 11:19 ပူးပေါင်းရင်းမြစ်များ

Job 20:8

Máxa negwanmagko sa' etnehek emassegwók, ektémól'a aqsok negwetél'a axta'a, megkólwetekxók sa' chá'a.

Job 34:24

Metegyaha amya'a yaqwayam elántekkesek ma'a ekha nak kéláyo, yaqwayam elyaqmagkasek pók.

Salmos 27:2

Apchaqnákxeyk agkok yaqwayam hektámegmak ma'a élmasagcha'a nak apkeltémakxa, sélenmexma nak, tén han apmako enxoho hemasséssók, elpelapmok sa' apagkok elyaqnenagkok ma'a.

Salmos 37:35

Ekwet'ak ko'o énxet ekmaso nak aptémakxa eyeymáxkoho agko' apwáxok, apsawheykekxoho yókxexma ektémól'a yámet ekyawe ekxámokmal'a áwa';

Salmos 37:36

keñe sekmeyákxo makham ma'a, ekmassa sekwet'a, étamchek axta eykhe, axta eyke óteyákxa'.

Isaías 24:20

Máxa anmen áto' sa' katnehek kayawheykha, máxa tegma aphápak sa' katnehek kayawheykha meykel'a apyennaqte apkelánamap. Yentexók agkók ma'a megkay'assáxma, teyekmek sa' agkok, megkólxátekhásekxeyk sa' chá'a.

Jeremías 46:6

¡Mopwanchek apkenyahágko m'a apkelyennaqte apagko' nak apkenyehéyak, mopwanchek han apkelxeganakmo m'a apkelyennaqte apagko' nak! Apkelpelápegwokmek ma'a neyáwa nak wátsam Éufrates ekpayho nak nexcheyha, apkelyaqnenágkek nahan.

Ezequiel 26:21

Aqsok ekmaso agko' sa' atnessásekxak xép, magwetekxók sa' chá'a. Ektamakpok sa' eykhe chá'a, megkólwetekxeyk sa' eyke. Ko'o sekxeyenma xa, sektáha nak Wesse'.”

Daniel 11:7

Keñe sa' xama námakkok ektamagkok ma'a sẽlpextétamo apheykha nak nexcheyha, emok sa' ma'a tegma apyennaqte, wesse' apwányam nak apagkok, elmallánek sa' kempakhakma m'a apkelxegexma'a nak.