Daniel 10:8 - Biblia Enxet

⁸ Exakkók axta ko'o ektamhákxak sekwet'a xa aqsok sélxekmósso magweteya nak. Mopeykxók agko' axta nahát, ekyekpelcheyk axta han ekmassa sekyennaqte.

Daniel 10:8 ပူးပေါင်းရင်းမြစ်များ

Génesis 32:31

Tekkek axta ekhem apxega Jacob apkeñama m'a Penuel; apyaqteyágkek axta eyke apxega eñama ekleyamaxche awhak apyók.

Éxodo 3:3

Tén axta ektáha élchetama apwáxok se'e: “¡Aqsok magweteya katnehek sekwet'a! Atyánegwomhok hana, yaqsa kexa ektáha megkamyeta nak xa maktek nak.”

Daniel 10:16

Tén axta appaknegwa'awo ahátog aphémo énxet. Axta ektáhak seyáneya m'a apkenmeykha axta emonye': ‘Wesse', eñassásegkók ko'o m'a aqsok sekwete nak, meyke sekyennaqte etnessásak.

Daniel 10:17

¡Mowanchek ko'o apaqhetchesek xép, ko'o sektáha nak apkeláneykha, méko agko' ko'o kaxwók sekyennaqte, massék han ekmako kaxek sénnama!’

Daniel 7:28

“Cháxa néxa ekxénamaxche'. Tamháha agko' axta ko'o ewáxok, ko'o Daniel, mopékxeyk axta nahát sekyegwakto; axta eyke altennásak xama énxet enxoho xa aqsok nak.”

Daniel 8:27

“Ko'o Daniel, eklegágkok axta ekmassa sekyennaqte, yáma wenaqtémók axta han sekháxamáxche'. Tén axta sekhákxo néten sekmákxo makham sektamheykha axta segkésso m'a wesse' apwányam. Temessáseyha agko' axta eyke ko'o ewáxok ma'a aqsok sekwete, hakte axta ay'ásegwokmok.

Daniel 8:7

apkelekkexchásawók axta ánet apkepet'ák, axta énnák peya yenmexekxak ma'a nepkések apkennawo nak. Tén axta yát'ay apkennawók apyaqnegkesa náxop ma'a nepkések apkennawo', apkelteyammeyha axta, méko axta yaqwayam enxoho kawagkasek teyp.

Habacuc 3:16

Xama axta ko'o sekleg'a xa, eyekak axta. Kelpexyennamágkok axta sekpeywa, kelyelqáxchek axta exchakkok, massék axta ekyenna ekyókxoho émpehek. Aleyxek sa' eyke aqsa ko'o meyke sekpekhésamaxche m'a ekhem yaqwánxa sa' ellegássesagkohok Dios ma'a sẽlpextétamo sennaqtawáseykegkoho nak.