Daniel 10:6 - Biblia Enxet

⁶ Kelyenmawók axta m'a apyókxa, máxa axta m'a meteymog élyenmál'a, kelyenmawók axta nápat, máxa axta takha' apkelyenma, máxa axta han táxa eyáléwe m'a apaqta'ák, kelyenmawók axta han ma'a apaktegák tén han apmagkok, máxa axta sawo ekyexwase, máxa axta han énxet apxámokma m'a appeywa.

Daniel 10:6 ပူးပေါင်းရင်းမြစ်များ

Éxodo 28:20

keñe sa' ma'a ektáhakxa nak cuatro éléweykekxa keytek ma'a meteymog ekyátekto, tén han ma'a meteymog ekmope, tén han ma'a meteymog éltaqmalmal'a ektáxama élmakteykha.

Cantares 5:14

Sawo ekyátekto élmomnáwa nahan ma'a apkelatchesso nak naxta'a apmék élpaxqamáxche nak ektáxama m'a meteymog élyátekto. Hawók nahan ekmope apyókxa m'a yánnapóxeg apma'ák kéláxñáseykekxal'a kélpáxaqteyáseyak la'a ektáxama m'a meteymog élyápaqmate ektáxama.

Ezequiel 1:14

Yahamók axta chá'a elwaták elxog ma'a apho nak énxet, máxa axta etnehek ma'a ektémól'a takha' apkelyenma.

Ezequiel 1:16

Hawók axta nahan mók ma'a cuatro ekho nak yátnáxeg apyenyawasso amagkok, tén han ma'a ektémakxa axta élánamáxche', kelyenmawók axta nahan, máxa axta m'a meteymog ekyátektól'a. Máxa axta nahan ekyetnól'a chá'a mók kañe' anlanok xama m'a ekho nak yátnáxeg apyenyawasso amagkok.

Ezequiel 1:24

Ekleg'ak axta nahan élpáwá apxempenák apkelxega: máxa axta m'a ektémól'a wátsam kapáwak awáxok kayákxak yegmen, máxa axta m'a Dios ekha nak apyennaqte appeywa, hawók axta m'a ektémól'a sẽlpextétamo apxámokma énnegkesek exma. Apchaqnágwokmek axta agkok chá'a, elweykásenták axta chá'a apxempenák.

Ezequiel 1:7

kelpéwók axta nahan ma'a apyay'ák, máxa axta nahan weyke étkok aphék ma'a apophék nak, kelyenmawók axta nahan ma'a, máxa axta m'a ektémól'a sawo ekyexwase kélyenmassamo kélagko' la'a.

Ezequiel 10:9

Ekwet'ak axta cuatro ekho yátnáxeg apyenyawasso amagkok nápakhaw'ék ma'a apho nak énxet ekha apxempenák, xama xama axta chá'a yetnók ma'a xama nápakha. Máxa axta nahan meteymog ekyátekto élyenmal'a m'a amagkok nak.

Ezequiel 40:3

Eyentegkek axta ko'o Wesse' egegkok ma'a, ekwet'ak axta nahan xama énxet aphémo m'a sawo ekyexwase élyenmál'a. Apkenmáha axta m'a átog nak, apáwa nápakha apwenaqte apkeláxñe axta nahan apmeykha tén han xama yámet nélyetsátéyak nak chá'a ekwánxa ekwenaqte xama aqsok.

Ezequiel 8:2

ekwet'ak axta nahan ko'o xama aqsok aphémo énxet. Ekwet'ak axta ekhémo táxa nepxet ekweyktámho kóneg ma'a apho nak énxet, kelyenmomchek axta m'a néten aptétamap nak ekweykekxoho m'a néten nak, máxa axta m'a ektémól'a sawo kélyenmassól'a.