Cantares 8:6 - Biblia Enxet

⁶ Epekken apwáxok sekwesey, ¡elqahes nahan apaktog! Kayhek ektémakxa m'a nélásekhamaxkoho nak, ektémól'a m'a nétsapma. Mogwanchek nahan agyetnaqhássók ma'a ekmámenyého nak egwáxok, máxa m'a ektémól'a takhaxpop. ¡Nélásekhamaxkoho ekteme m'a táxa eyáléwe ekmexanma agko' la'a!

Cantares 8:6 ပူးပေါင်းရင်းမြစ်များ

1 Crónicas 11:18

Keñe axta apqántánxo apkelyennaqte apkelántaxnegwokmo m'a apkelpakxeneykegkaxa axta filisteos, apyekwokmek axta yegmen ma'a yámelchet ekyetnamakxa axta m'a nentaxnamakxa nak Belén, apsákxéssek axta m'a David. Axta eyke emakók ének, apyegkenchek axta aqsa apteméssesa apmésso naqsa Wesse' egegkok,

Salmos 120:4

¡Elyátak sa' ma'a yágke élmahamta ektémól'a apkelmeykha kempakhakma yapmeyk! ¡Elyetnak sa' ma'a átex élyexwáseykekxa nak élápogwate!

Salmos 63:1

¡Dios ahagkok, xép apteme Dios ahagkok! Étámawók ahagko' ko'o exchep, hakte émenyeyk ko'o exchep; amenyeyk xép ewáxok, ektémól'a xapop ekyamaye meykel'a yegmen.

Salmos 84:2

¡Émenye nak la'a ko'o axnamok ma'a kañe' tegma appagkanamap apagkok, pekheykha ewáxok amhagkok! ¡Ekmeneykmássessek ko'o ekmátsa agko' ekweykmoho kañók agko' ewáxok ma'a Dios memassegwayam nak!

Éxodo 28:21

Doce sa' nahan katnehek ma'a, hakte doce apkelwesey m'a Israel apketchek nak. Máxa sa' kólteméssesek ektémól'a kólqahaksek kélqahasso, kóltaxaksek chá'a xama meteymog apkelwesey m'a doce pók aptémakxa nak chá'a énxet'ák ma'a Israel.

Proverbios 25:22

sa' kañék apmegqágweykekxa pók eñama apteméssesso exchep xa ektáha nak, Wesse' egegkok sa' eyke eyaqmagkásekxak ma'a ektémakxa nak xép aqsok apkelane.

Proverbios 6:34

Hakte máxa táxa aplo m'a énxet apkelmeyeykha nak chá'a aptáwa', megkapyósegwomek elanok pók ma'a apyaqmagkásekxo enxoho mók apteméssessamakxa';

Cantares 5:8

Kelán'ák Jerusalén, kélwet'ak sa' agkok sekpagkanma, kóltennés sa' ekmáheyo ko'o heyaqhek ma'a ektémakxa nak seyásekhayo tén han sekmámenyého.

Isaías 49:16

Élqahassegkek ko'o exche' awáxok emék, yókxoho ekhem sekwete m'a kélhaxta nak neyáwa'.

Jeremías 22:24

Aptáhak apcháneya Wesse' egegkok Jeconías, wesse' apwányam nak Judá, Joaquim apketche nak: “Naqsók ko'o sektáha sekxéna exchep se'e, sektáha nak Dios mamassegwayam: Naqsók eykhe exchep apteme sétchesso ephék sélqahasso nak chá'a, sétchessama nak sélya'assamakxa', magweyxek sa' eyke alkok,

Hageo 2:23

Ataqmelchesek sa' ko'o exchep xa ekhem nak Zorobabel, apteme nak séláneykha, sa' atnéssesek ma'a ektémól'a sétchesso ephék sélqahassól'a, hakte élyéseykha ko'o exchep. Ko'o sekxeyenma xa, sektáha nak Wesse' ekha sekyennaqte.”

Zacarías 3:9

Ekpekkenchessek ko'o apmonye' Josué xama meteymog siete nekhaw'ék, ko'o ahagko' sa' nahan alqahaksek ektémakxa eknaqtáxésamaxche. Keñe sa' xama ekhem agko' amasseksek apkeltémakxa melya'assáxma énxet'ák se'e apchókxa nak.

Números 25:11

—Finees ko'o apmasseyásak séltaqnawéyak ma'a israelitas, hakte hawók ko'o ektémakxa nak sélmeyeykha apkelmeyeykha énxet'ák ma'a. Cháxa keñamak mamasséssekmo nak ko'o israelitas meytlákxoho m'a ektémakxa nak seklo sélmeyeykha.

Números 5:14

Temék agkok xa ektáha nak, katlakkasek aqsa katyapok apwáxok apkelmeyeykha aptáwa' m'a énxet eñama ektémakxa m'a aptáwa'. Awanchek eyke nahan elmeyawha aqsa chá'a aptáwa' énxet neyseksa meyke ektemegweykmohóxma m'a aptáwa'.

Deuteronomio 32:21

Elókassegkek ma'a xama aqsok kéláyókxa megkatnaha nak Dios, elókassegkek ma'a aqsok apcháyókxa élmowancha'a amya'a nak; ¡Wának sa' eyke nahan ko'o kólnathak kéxegke m'a pók énxet'ák melya'áseyak nak Dios, wának sa' kóltaqnaweygkok ko'o kéxegke m'a énxet'ák megkalmopmenyého nak elya'asagkohok aqsok!