Cantares 8:5 - Biblia Enxet

⁵ ¿Yaqsa ekxegakmo nak yókxexma meykexa énxet, ekyepetchesakmo nak akqátek ekpathetakmo m'a ekpagkanma? Kóneg yámet manzano axta exche ekxátekhássék: eklegeykegkaxa axta ekmáske m'a egken; ektémakxa axta naqláwa egken ektegkessama exche'.

Cantares 8:5 ပူးပေါင်းရင်းမြစ်များ

2 Crónicas 32:8

Énxet apkelyennaqte apchásenneykekxak ma'a, keñe negko'o apheyk Dios Wesse' egegkok yaqwayam hempasmok némpakhe.” Xama axta eklegáxko appeywa m'a wesse' apwányam Ezequías, apkelyennákxók axta m'a énxet'ák.

Salmos 63:8

Yepetcheyak ko'o exchep sekyókxa; meheyenyeykekxak semeykegko apmek apkelya'assamakxa.

Salmos 63:9

Epallamok sa' kañók agko' takhaxpop ma'a apmáheyo nak chá'a ko'o heyaqhek;

Cantares 2:3

Máxa yámet manzano émhal'a neyseksa yenta'a élyawe naxma aptemék nepyeseksa apnámakkok wokma'ák ma'a sekpagkanma nak. ¡Atsek chá'a axek ma'a kóneg pessesse agkok nak! ¡Atsek chá'a atwok ma'a ekyexna nak!

Cantares 3:11

Kelán'ák Sión, ¡Kólántép, kóllano wesse' apwányam Salomón! Apketchessek apqátek ma'a apkelháxaqxo élyenma élánésso axta egken yaqwayam emha m'a élyamhopa sa', ekhem ekpayhekxexa agko' sa' apwáxok.

Cantares 3:4

Axta nahan kanéwók sekyeykhe apchaqnágkaxa m'a énxet nak sekwetákxo m'a sekpagkanma sekmámenyého ahagko' nak. Ekmeyk axta apmek sekyentamákxo m'a kañe' méme axagkok, meyke sekyenyeykekxa, cham'a séñamakxa axta ko'o sekteyapma.

Cantares 3:6

¿Yaqsa ekxegakmo nak yókxexma meykexa énxet, ekxegakmo nak ekho éten ekpánma ekmeyeykekxa néten, ekxegakmo nak yetlo émpasso ekpaqneyam ma'a yámet ánek ekmátsa nak ekpaqneyam tén han ma'a aqsok ekmátsa nak ekpaqneyam éten agkok, tén han ma'a ekyókxoho mók ektémakxa nak chá'a sokmátsa?

Cantares 4:8

Sekpagkanma, hétlanta', ólántépok se'e Líbano nak. Kanmexentámho m'a xóp ekyapwate neyseksa énmeykha m'a étseksek egkexe nak Amaná, tén han ma'a étseksek nak ma'a Senir tén han ma'a Hermón, tén han ma'a yámakméwa axanák nak, tén han ma'a egkexe apkelyáqtamakxa nak neptána.

Cantares 6:10

¿Yaqsa élteyányeyncha'a nak, ekho nak ekhem éltátchessól'a axto'o? Tásók agko', máxa m'a pelten aptaqmalmal'a, máxa m'a ekhem éltátchesso ektaqmalmal'a ¡ekteyeykmohol'a egwáxok agweta' aptémól'a elxog ma'a sẽlpextétamo!

Cantares 8:1

¡Etnoho anna axtal'a exchep eyáxeg ahagko', ekwánegkessól'a apto m'a méme nam'agkok! Tén axta sekwet'a enxoho chá'a m'a ámay nak, apetsesek chá'a, méko axta nahan chá'a ko'o hésmaksek;

Isaías 36:6

Ekweteyak ko'o exchep apchásenneykekxo m'a Egipto. Máxa eyke yámámok énté m'a Egipto, aptasqapáha agkok xama énxet, kalyetxa', kamallahanwomhok nahan apmek. Cháxa apteméssessamakxa apyókxoho ektáha nak chá'a apyepetchegwayam ma'a faraón, wesse' apwányam nak ma'a Egipto.

Isaías 40:3

Táhak xama kélpeywa ekyennaqte s'e: “Kóllanés xama ámay Wesse' egegkok ma'a yókxexma meykexa nak énxet, kóllanés xama ámay ekpéwomo Dios egagkok ma'a yókxexma megkatyapmakxa nak xama aqsok.

Isaías 43:19

Alának sa' ko'o kaxwók axnagkok aqsok, kaxwók sa' kólwetak katyapok. Alának sa' ko'o xama ámay ma'a yókxexma meykexa nak énxet, keñe sa' wátsam ma'a xapop megkatyapmakxa nak xama aqsok.

Jeremías 2:2

“Exeg sa' elpaqhetchessók ma'a énxet'ák Jerusalén; énnaqtés sa' appeywa, yaqwayam sa' kataqmelek apkelháxenmo: ‘¡Keso aptáhakxa nak appeywa Wesse' egegkok se'e! Xénwákxók ko'o ewáxok ektémakxa axta étkok, meheyenyaweykencha'a axta chá'a, cham'a sektémakxa axta etáwa', seyásekhayo axta chá'a, sétleykencha'a axta chá'a m'a yókxexma meykexa nak énxet, xapop megkólcheneykekxexa nak aqsok aktek.’

Oseas 12:4

Apkelnápomákpek axta han xama Dios apchásenneykha, apwatneyk axta han ma'a Jacob, apwóneyk axta, keñe apkeltamho kapyóshok elano'. Apwetágwokmek axta nahan Dios ma'a Betel, appaqhetchessek axta nahan ma'a.

Miqueas 3:11

Elmok chá'a takha' elxawagkok selyaqye m'a énxet'ák segyekpelchémo nak tegma apwányam, selyaqye aqsa chá'a eltamhok elxawagkok ekyánmaga apkelxekmósso apnámakkok ma'a apkelmaxnéssesso nak Dios énxet'ák apagkok, keñe m'a apkellegasso nak chá'a Dios appeywa, elmok chá'a ekyánmaga apkeltenneykha elxénmakha appasmo m'a Wesse' egegkok, etnehek chá'a apkelpeywa s'e: “Apheyk negyeseksa negko'o Wesse' egegkok; méko xama aqsok ekmaso awanchek hegáhapwak negko'o.”