Cantares 8:11 - Biblia Enxet

¹¹ Axta yetnók apkeneykekxa anmen yámet Salomón ma'a yókxexma Baal-hamón. Apnegkenmék axta nahan énxet aptaqmelchesso m'a, tén axta m'a ekwokmo enxoho chá'a ekhem eknakxamáxchexa ekyexna, elmésagkok chá'a mil sawók selyaqye ekmomnáwa xama xama.

Cantares 8:11 ပူးပေါင်းရင်းမြစ်များ

Génesis 20:16

Keñe axta Sara aptáha apcháneya s'e: —Mil sawok selyaqye hawók sekmésa exche' xeye' yapma', cháxa yaqwayam sa' katnehek ekwetamaxche exche', meyke élane xama aqsok ekmaso, nápaqta'awók ma'a apyókxoho apheykha nak axagkok. Méko sa' kaxénmakha ekmaso exche'.

Eclesiastés 2:4

Éláneyak axta ekyawe agko' sektamheykha, eknaqxétekháseykegkek axta tegma apkelyawe ahagkok ahagko', yetneyk axta han séneykekxa anmen yámet ahagkok ahagko'.

Cantares 1:6

Nágkóllano aqsa ektémakxa ekpésyam émpehek, tén han ekwatno émpehek ma'a mayáhat. Etaqnagkamchek axta ko'o m'a élyapma, tén axta apkeltémo atnehek séláneykha m'a anmen yámet apkeneykekxa, ¡keñe maláneykencha'a m'a ektáha axta séneykekxa ahagko'!

Cantares 2:3

Máxa yámet manzano émhal'a neyseksa yenta'a élyawe naxma aptemék nepyeseksa apnámakkok wokma'ák ma'a sekpagkanma nak. ¡Atsek chá'a axek ma'a kóneg pessesse agkok nak! ¡Atsek chá'a atwok ma'a ekyexna nak!

Cantares 7:12

Keñe sa' axto'ók ólmeyekxak ma'a émhakxa nak anmen yámet, anlanok yetneyk kexa éltekteyapma, kelmayheykxeyk kexa nahan axanák ma'a exnók nak, kelyapwágkek kexa nahan ma'a yántakyexna. ¡Sa' agkések ekyókxoho ektémakxa seyásekhayo exchep ma'a sekpagkanma!

Cantares 8:12

Salomón, xeyep apagkok ma'a mil sawók selyaqye nak, keñe doscientos ma'a ektáha nak aptaqmelchesso anmen yámet; ¡sektaqmelchesso ahagko' eyke ko'o m'a anmen yámet séneykekxa!

Isaías 7:23

Cháxa ekhem nak, katnekxak sa' émhakxa yenta'a ekha nak am'ák tén han ekmompánaqma m'a émhakxa axta chá'a ekxámokma agko' ma'a anmen yámet, ekteyapmo axta chá'a ekyánmaga mil sawók selyaqye sawo ekmope élmomnáwa nak.