Cantares 7:5 - Biblia Enxet

⁵ Máxa nahan egkexe Carmelo ekyetnama néten ekyókxa m'a akqátek nak; Máxa nahan yátépépe' hómáyok la'a m'a áwa' nak, ¡momchek apwáxok wesse' apwányam xa áwa' éltaqhe nak!

Cantares 7:5 ပူးပေါင်းရင်းမြစ်များ

Génesis 32:26

Keñe axta énxet aptáha s'e: —Heyenyekxa', kelsake'. —Mayenyekxék eyke m'a mexéna enxoho hepasmok, —axta aptáhak Jacob apchátegmowágko.

Salmos 68:24

Oh Dios, Dios ahagkok, Wesse' apwányam ahagkok, apkelwetákpek apkelxegakmo énxet'ák ma'a tegma appagkanamap apagkok, apkelsawássessamo nak xép eñama apkelmallanma.

Salmos 87:2

Apchásekhayók Wesse' egegkok ma'a tegma apwányam Sión, kaxnók ma'a apyókxoho apxanák nak Jacob énxet'ák apagkok.

Proverbios 5:19

cham'a kelán'a ektaqmalma nak ekyókxa'! ¡Megkatnehek sa' chá'a megkásekhayo! ¡Kamok sa' chá'a apwáxok ekteméssesakxa'!

Cantares 1:17

Yámet élyawe sa' katnehek éltegyésso m'a enxagkok, tén sa' yámet ciprés katnehek ekhéyak nempakxanma m'a néten.

Cantares 4:1

¡Tásók agko' nak la'a exche', sekpagkanma, tásók agko'! Máxa apqánet wáx'ay la'a elyagqak aqta'ák ma'a teyp nak eyáhakkasso nát apáwa apkexyawe; máxa yát'ay apketkók apkelnextegeykhal'a néten meteymog élekhahéyak Galaad ma'a áwa' nak.

Cantares 4:4

Hawók ayespok ma'a tegma apwenaqte aptaqmalma kéllánesso axta m'a David, apkelánamap nak ma'a meteymog kélpáxqatma. Kélmakheyáseykha nahan mil kéláhakkásamáxche m'a, apkeláhakkásamap nak ma'a kempakhakma yapmék.

Cantares 5:11

Cháxña'awók agko' nahan ma'a nápat; éltaqhe nahan ma'a apwa', tén han ekpésyam, máxa m'a náta ekpésyam la'a áwa';

Isaías 35:2

kalántekkásekxa makham ma'a pánaqte exnók ektémól'a m'a pánaqte exnók élyápaqmate éltaqmalmal'a, kalpayhekxoho agko' kélwáxok. Dios sa' etnéssesek ektaqmalma agko' ektéma nak ma'a Líbano, tén han megkéssamakxa katyapok aqsok ektéma nak ma'a Carmelo tén han ma'a ekyapwátegweykenxa nak xapop ma'a Sarón. Apyókxoho énxet sa' elwetak Wesse' egegkok élseyéxma apagkok tén han ma'a Dios egagkok apcheymákpoho nak.

Miqueas 7:14

¡Wesse', eltaqmelches énxet'ák apagkok, aptáha nak nepkések apnaqtósso apagkok apagko', apkelweynchámeykha nak apxakcha'awók naxma, ekwakhaya nak xapop éltaqmalma! Enaqlakxa m'a ekhakxa nak pa'at Basán tén han Galaad, ektéma axta m'a nanók axta.

Números 21:26

Tegma apwányam Hesbón axta aphamakxa m'a Sihón, wesse' apwányam apagkok axta m'a amorreos. Apkempakhayak axta Sihón ma'a apmonye' axta wesse' apwányam ma'a Moab, apyementamomchek axta ekyókxoho xa xapop nak ekweykekxoho m'a wátsam Arnón.