Cantares 6:9 - Biblia Enxet

⁹ wánxa eyke ko'o xama m'a sekpagkanma, ekho nak wáx'ay aptaqmalma; eyásekhayo nak wánxa xama m'a egken ektáha axta ektegkesso. Kelwet'ak agkok chá'a m'a kelán'a étkók xamo' nak, kalmések chá'a élpayheykekxa awáxok; kaltaqmalmakha chá'a élpeywa kalxének ma'a kelwesse'e apkelwányam apnaqteyegka'a nak, tén han ma'a apkelmeykha naqsa nak.

Cantares 6:9 ပူးပေါင်းရင်းမြစ်များ

Génesis 30:13

tén axta Lía ektáha s'e: “¡Payhekxeyk agko' ko'o kaxwók ewáxok! Hexének sa' ko'o kaxwók kelán'ák ekpayheykekxo ewáxok. Aser axta han temessásak apwesey m'a sakcha'a nak.”

1 Reyes 11:3

Setecientos axta ekyókxoho apnaqteyegka'a élánamáxkoho kelwesse'e étkók, keñe trescientos ma'a apkelmeykha naqsa, cháxa ekyenyókassama axta m'a Dios.

Salmos 126:2

Néllektegmeykha egagko' axta, nélwóncháseykha axta élpayheykekxo egwáxok; keñe axta melya'áseyak nak Dios aptáha apkelpaqmeta s'e: “¡Apkelánessek ekyawe agko' aqsok Wesse' apagkok xa énxet'ák nak!”

Salmos 45:9

Heykha han kelwesse'e étkók neyseksa m'a kelán'ák ekheykha nak ma'a aphamakxa nak; kenmeykha han ekpayhókxa apkelya'assamakxa aphamakxa m'a wesse' ekwányam, yetlo ekwakhésamaxche m'a sawo ekyátekto élmomnáwa éltaqmalma agko' nak.

Cantares 2:14

“Sekpagkanma ekhémo nak wáx'ay, ekyexanmomo nak chá'a m'a neyseksa meteymog élpaqxo, tén han netnók agko' nak tén han ekxámokmakxa nak élyapwáteyak meteymog. Heyho ótak nát, heyho añak ekpeywa. ¡Tásek ko'o alanok nát xeye'! ¡Atsek nahan weyxhok ekpeywa!”

Cantares 5:2

Ektenchek axta ko'o, keñe ewáxok megkatyena. Ekleg'ak axta appaqméswa'akto sekpagkanma m'a teyp átog ahagkok nak. Aptáhak axta s'e: “¡Hemeykesses átog, eyáxeg, sekpagkanma, ekhémo nak wáx'ay aptaqmalma! ¡Yássessek ko'o épátek yálye! ¡Kelpexyawánteyk éwa' yálye ekteyeykmoho nak axta'a!”

Números 23:9

Ekwet'ak ko'o neyseksa sénmeykha s'e netnók meteymog ekwenaqte nak, élanawók neyseksa sénmeykha s'e néten egkexe étseksek nak: apteme énxet'ák apheykha apxakcha'awo', megkólpáxaqtésso m'a pók énxet'ák nak.

Deuteronomio 33:29

Apkeleñémo exchep, Israel, ¿Yaqsa kélwanchek kólhéshok xép? Wesse' egegkok apagko' apwagkasso teyp xép; cha'a aptaqmelchesso chá'a exchep ma'a tén han appasmo chá'a, ¡cha'a apteme sókwenaqte apagkok segmallahanchessamo nak chá'a m'a! Elmésakpok sa' xép ma'a apkelenmexma nak, keñe sa' xép emasséssesek apkeleymákpoho.”