Cantares 6:8 - Biblia Enxet

⁸ Sesenta ekyókxoho apnaqteyegka'a m'a kelwesse'e apkelwányam, keñe ochenta m'a apkelmeykha naqsa nak, xámók agkók eyke m'a kelán'a étkók kaxwe éktega nak,

Cantares 6:8 ပူးပေါင်းရင်းမြစ်များ

1 Reyes 11:1

Háwe axta wánxa xama faraón apketche apchásekhayo m'a wesse' apwányam Salomón, xámok axta han ma'a kelán'a éleñama nak mók apkelókxa: kelán'ák moabitas, edomitas, sidonias tén han ma'a kelán'ák nak hititas;

1 Reyes 11:3

Setecientos axta ekyókxoho apnaqteyegka'a élánamáxkoho kelwesse'e étkók, keñe trescientos ma'a apkelmeykha naqsa, cháxa ekyenyókassama axta m'a Dios.

2 Crónicas 11:21

Dieciocho axta ekyókxoho apnaqteyegka'a m'a Roboam, keñe sesenta m'a apkelmeykha naqsa, Maacá axta eyke aqsa chá'a apchásekhayók apagko', neyseksa m'a ekyókxoho nak. Veintiocho axta apyókxoho apketchek apkelennay'a, keñe sesenta m'a apketchek kelwán'ák.

Salmos 45:14

Apkeltaqmalma aptáxama ektaxno kélyentamak ma'a aphakxa nak wesse' apwányam, kelxegkek han natámen ma'a kelán'a élxegexma'a nak chá'a.

Salmos 45:9

Heykha han kelwesse'e étkók neyseksa m'a kelán'ák ekheykha nak ma'a aphamakxa nak; kenmeykha han ekpayhókxa apkelya'assamakxa aphamakxa m'a wesse' ekwányam, yetlo ekwakhésamaxche m'a sawo ekyátekto élmomnáwa éltaqmalma agko' nak.

Cantares 1:3

Atsók agkók chá'a atekhánek ekpaqneyam ma'a sokmátsa apagkok, máxa entemék apwesey m'a sokmátsa élyegkenamaxchel'a. ¡Cháxa keñamak ekmámenyého nak chá'a m'a kelán'a étkók!