Cantares 6:11 - Biblia Enxet

¹¹ Ekmeyákxeyk axta ko'o m'a apkemhakxa nak yányetsene apto sekmako alanok ma'a yenta'a kaxwe nak ekyápaqmáteykegkokxa áwa' aqsok ma'a yókxexma ekyapwátegweykenxa nak xapop; tén han sekmako alanok kaxwe éltektépeykekxa m'a anmen yámet tén han yántakyexna exnamok.

Cantares 6:11 ပူးပေါင်းရင်းမြစ်များ

Génesis 2:9

Apkelántekkessek axta nahan ekyókxoho mók ektémakxa yenta'a éltaqmalma, ekha nak ekyexna ektaqmalma nak antók. Apkeneykekxeyk axta han yámet ekyennaqtéssamo nak egnények neysekso nak aqsok apkeneykekxa', tén han ma'a yámet segyekpelchássesseyam nak aqsok ektaqmela, tén han aqsok ekmaso.

Génesis 40:10

ántánxo aktegák. Keltektekkek axta m'a anmen yámet, kelyapwa'ak axta han, ekyexna ekmakhetmo axta han tamhákxak ma'a exnamok nak.

Cantares 5:1

Eyáxeg, sekpagkanma, ektaxnegwa'akteyk kañe' séneykekxexa pánaqte exnók ahagkok. Élmákxeyk kaxwók ma'a yámet ánek ahagkok ekmátsa nak ekpaqneyam tén han ma'a élmátsessamo nak élpaqneyam aqsok. Ektókek kaxwók yányawhéna' apyegmenek ahagkok, ekyenchek nahan ma'a vino ahagkok tén han ma'a weyke nagkeygmenek ahagkok. Énámakkok sélásekhayo, kóltawák, kólyenák nahan, ¡kólyenák ekwánxa enxoho kélmaka!

Cantares 6:12

Keñe natámen may'ásegko ektáhakxa ekwokmoho sekwet'a sekha xamo' kañe' yátnáxeg apyenyawasso m'a wesse' apketkok ahagkok.

Cantares 6:2

Exchek apmeyákxak ko'o sekpagkanma m'a apkeneykekxexa nak pánaqte exnók apagkok, émpeykxa nak ekpaqneyam ekmátsa, apmako elagkok pa'at ma'a nepkések apnaqtósso tén han peya elyaqténwakxak ma'a pánaqte exnók élyexwase nak.

Cantares 7:12

Keñe sa' axto'ók ólmeyekxak ma'a émhakxa nak anmen yámet, anlanok yetneyk kexa éltekteyapma, kelmayheykxeyk kexa nahan axanák ma'a exnók nak, kelyapwágkek kexa nahan ma'a yántakyexna. ¡Sa' agkések ekyókxoho ektémakxa seyásekhayo exchep ma'a sekpagkanma!

Cantares 7:13

Kempássek ekpaqneyam ma'a pánaqte élmeykencha'awól'a kelán'a kaltamhok kótak étche. Hágkek ekyókxoho mók ektémakxa aqsok ekyexna m'a átog egagkok nak: cham'a yámet ekyexna élyamaye nak tén han ma'a yámet ekyexna kaxwe nak kélnakxo, séltaqmelchessesso axta exchep, sekpagkanma.