Cantares 5:7 - Biblia Enxet

⁷ Éltahanya'awók axta m'a apkeltaqmelchesso axta m'a tegma apwányam apkelhaxnenchámeykha axta chá'a m'a nepyáwa'; etekpagáha axta, eyensássek axta nahan; ¡apkelyennaqtéssek axta apyempe'ék sémentama seyaqlamaxche m'a apchaqneykha axta chá'a m'a nentaxnamakxa nak tegma apwányam!

Cantares 5:7 ပူးပေါင်းရင်းမြစ်များ

Salmos 141:5

Hepasmok chá'a ko'o señassásegkoho enxoho m'a énxet meyke nak aptémakxa, máxa sokmátsa ekmátsal'a ekpaqneyam chá'a katnehek ma'a sepaqhetchesa enxoho ekyennaqte. Mataqnókkehek chá'a ko'o xa sepékessáseyak nak; alenxanmagkohok sa' aqsa sélmaxnagko, neyseksa setekpageykha.

Cantares 3:3

Élmaxneyáha axta m'a apkeltaqmelchesso nak tegma apwányam apkelhaxnenchámeykegko axta chá'a m'a nepyáwa. Axta ektáhak séláneya s'e: ¿Yagkólwet'ak kéxegke sekpagkanma, ekmámenyého agko' nak ko'o ewáxok?

Cantares 5:8

Kelán'ák Jerusalén, kélwet'ak sa' agkok sekpagkanma, kóltennés sa' ekmáheyo ko'o heyaqhek ma'a ektémakxa nak seyásekhayo tén han sekmámenyého.

Cantares 8:11

Axta yetnók apkeneykekxa anmen yámet Salomón ma'a yókxexma Baal-hamón. Apnegkenmék axta nahan énxet aptaqmelchesso m'a, tén axta m'a ekwokmo enxoho chá'a ekhem eknakxamáxchexa ekyexna, elmésagkok chá'a mil sawók selyaqye ekmomnáwa xama xama.

Isaías 3:23

tén han ma'a nélanyantáxama agkok, tén han ma'a apáwa apkeláxñe apkelexyawe agkok nak, tén han ma'a élatchesso akqatkok, tén han ma'a apáwa élpextete nak chá'a akqatkok.

Isaías 62:6

Énxet'ák Jerusalén, eyáncháseyha ko'o néten meteymog kélhaxta nepyáwa tegma apwányam kélagkok ma'a apkeleyxcháseykha nak chá'a, yaqwayam sa' etnehek chá'a elpaqmétek yókxoho ekhem tén han yókxoho axta'a s'e: “Kéxegke, kélwóneykha nak chá'a Wesse' egegkok, nágkólwanmeyak aqsa,

Oseas 6:5

Cháxa keñamak sekteméssesa nak kélnápakha'a kélketkók, eñama seyásenneykekxa m'a énxet'ák apkellegasso nak sekpeywa, sekpeywa keñamak sélnapma. Máxa élseyéxmal'a temék ekteyapma m'a ektémakxa nak ekpéwomo sektémakxa.