Cantares 5:2 - Biblia Enxet

² Ektenchek axta ko'o, keñe ewáxok megkatyena. Ekleg'ak axta appaqméswa'akto sekpagkanma m'a teyp átog ahagkok nak. Aptáhak axta s'e: “¡Hemeykesses átog, eyáxeg, sekpagkanma, ekhémo nak wáx'ay aptaqmalma! ¡Yássessek ko'o épátek yálye! ¡Kelpexyawánteyk éwa' yálye ekteyeykmoho nak axta'a!”

Cantares 5:2 ပူးပေါင်းရင်းမြစ်များ

Génesis 29:20

Aptamheykha axta Jacob ekweykmoho siete apyeyam apmáheyo emok ma'a Raquel, máxa ekyaqwátama axta han temék ekhem apkelányo m'a, hakte apmenyeyk axta.

Salmos 119:1

Apkeleñémo énxet meyke nak apkelane xama aqsok ekmaso, apyetlókasso nak chá'a m'a ektémakxa nak Wesse' egegkok segánamakxa apagkok.

Salmos 81:10

Ko'o sekteme Dios Wesse' kélagkok, ektáha axta sélántekkesso m'a Egipto; kólmayhe sa', alyaqkánegkesek sa' ko'o kéxegke.

Proverbios 23:26

Hatte, etaqmelchesho chá'a apháxenmo ekyókxoho sektáhakxa enxoho chá'a sekpeywa ko'o, kalkoho apwáxok se'e sektémakxa nak ko'o;

Cantares 1:16

¡Aptásók apagko' nak la'a exchep, sekpagkanma, aptásók apagko'! ¡Pa'at ekpayhe ektaqmalma áwa' sa' katnehek ma'a negyetnamakxa néten!

Cantares 2:10

Aptáhak seyáneya sekpagkanma s'e: “Kampekxa néten sekpagkanma; nók, ólxog.

Cantares 2:14

“Sekpagkanma ekhémo nak wáx'ay, ekyexanmomo nak chá'a m'a neyseksa meteymog élpaqxo, tén han netnók agko' nak tén han ekxámokmakxa nak élyapwáteyak meteymog. Heyho ótak nát, heyho añak ekpeywa. ¡Tásek ko'o alanok nát xeye'! ¡Atsek nahan weyxhok ekpeywa!”

Cantares 2:8

¡Apkexyekmek sekpagkanma! ¡Ekleg'ak kaxwók appeywa! Apnextegánteyk néten apkexyekmo m'a néten meteymog élekhahéyak nak, apnextegánteyk néten apkexyekmo m'a egkexe étseksa'ák nak.

Cantares 3:1

Étamchek axta sekpagkanma sekyetnamakxa néten axta'a. Étamchek axta, maxta eyke óteyákxa'.

Cantares 4:7

¡Tásók agkók xe', sekpagkanma; tásek ekyókxoho ekyókxa! ¡Méko exche' xama enxoho eyesagkexa émpehek!

Cantares 4:9

Meyk xeye' ewáxok, eyáxeg, sekpagkanma; xama sélányo eykhe entáhak ekma ewáxok, xama sélányo eykhe ektáhak ma'a eknatanma nak, ekma ewáxok.

Cantares 5:11

Cháxña'awók agko' nahan ma'a nápat; éltaqhe nahan ma'a apwa', tén han ekpésyam, máxa m'a náta ekpésyam la'a áwa';

Cantares 6:9

wánxa eyke ko'o xama m'a sekpagkanma, ekho nak wáx'ay aptaqmalma; eyásekhayo nak wánxa xama m'a egken ektáha axta ektegkesso. Kelwet'ak agkok chá'a m'a kelán'a étkók xamo' nak, kalmések chá'a élpayheykekxa awáxok; kaltaqmalmakha chá'a élpeywa kalxének ma'a kelwesse'e apkelwányam apnaqteyegka'a nak, tén han ma'a apkelmeykha naqsa nak.

Cantares 7:9

keñe sa' átog, kaxhok ma'a ektémól'a vino ektaqmalma élpexyaweykental'a chá'a ekmátsa m'a átog nak tén han ma'a am'ák nak.

Cantares 8:7

Ekyókxoho yegmen ekyetno nak ma'a wátsam élyawe, yawanchek kamasseksek ma'a ektémakxa nak nélásekhamaxkoho; yawanchek nahan kaspanchesek ma'a wátsam étkók nak. Yetneyk agkok nahan xama énxet apmáheyo eyaqmagkásekxak ekyókxoho aqsok apagkok ma'a nélásekhamaxkoho nak, apkesmésamap aqsa exka'.

Isaías 50:6

Ekméssek nahan yaqwayam etekpogmakha éyapok ma'a apmáheyo nak chá'a etekpogmakha, ekméssek nahan yaqwayam yeptek áwa' ahátog ma'a apmáheyo nak chá'a heyápetchesek. Makpóssásak han nahát ma'a sey'ásseyam nak chá'a ekmaso tén han ma'a séxpaqhe nak chá'a apyamánog.

Isaías 52:14

Cháxa ektáhakxa nak apxámokma énxet élpelakkasa apkelwete xa, apkelwet'a ektáhakxa m'a nápat ekyaqmagkasa mók ektémakxa, ekmassa ekhawo m'a ektémakxal'a nápat énxet,

Daniel 8:18

“Eyapchek axta han ko'o neyseksa sepaqhetchesso, ekyetneyk axta náxop; epaknegwokmók axta eyke sémpásekxo néten,

Zacarías 4:1

Apwa'akteyk axta makham ma'a Dios apchásenneykha sepaqhetchesa axta ko'o. Exátekhássa'akteyk axta, axta aptáhak ma'a ektémól'a kólxátekhaksek xama énxet apteyenma. Axta aptáhak sélmaxneyeyncha'a s'e: