Cantares 5:15 - Biblia Enxet

¹⁵ Keñe apyay'ák ekhawo m'a meteymog élámha éláxñe élyennaqtél'a, kéláncheséyak la'a kélnegkenchesso awhók élyennaqtéssamakxa m'a sawo ekyátekto ekmomnáwa agko'; hawók nahan apyókxa m'a yámet cedro élámha nak ma'a yókxexma Líbano;

Cantares 5:15 ပူးပေါင်းရင်းမြစ်များ

1 Reyes 4:33

Apxeyenmeyk axta ektémakxa m'a yenta'a keñe han ma'a aqsok kélcheneykekxa', eyeynmo m'a cedro yámet élaqnéyak nak Líbano, ekweykekxoho m'a pa'at élánteyapwayam nak nápakhaw'ék tegma; apxeyenmeyk axta han ma'a ektémakxa nak aqsok nawha'ák, náta, tén han ma'a aqsok élpexyaweykegkoho nak náxop kalxog, tén han ma'a kelasma.

Salmos 80:10

Chapmeyk axta pessesse agkok ma'a egkexe nak, weykmók axta han aktegák élapma m'a yenta'a élwenaqte agko' nak.

Salmos 92:12

Máxa áxa élyapwe sa' etnahagkok ma'a meyke nak apkeltémakxa, máxa yámet cedro sa' etnehek yektog élámha nak Líbano,

Salmos 92:13

máxa yámet kélcheneykekxa sa' etnahagkok ma'a Wesse' egegkok nak tegma appagkanamap apagkok, élyapwéyak la'a m'a kañe' apwáxok nak Dios tegma appagkanamap apagkok,

Éxodo 26:19

enegkenchesák sa' nahan cuarenta awhók élyennaqtéssamakxa sawo ekmope ekmomnáwa m'a kóneg nak. Ánet awhók ekyennaqtéssamakxa sa' nahan chá'a keytek kóneg xama yántéseksek, yaqwayam sa' kalántexek chá'a m'a ánet élyagqaxe nak.

Cantares 2:14

“Sekpagkanma ekhémo nak wáx'ay, ekyexanmomo nak chá'a m'a neyseksa meteymog élpaqxo, tén han netnók agko' nak tén han ekxámokmakxa nak élyapwáteyak meteymog. Heyho ótak nát, heyho añak ekpeywa. ¡Tásek ko'o alanok nát xeye'! ¡Atsek nahan weyxhok ekpeywa!”

Cantares 4:11

Sekpagkanma, elpexyewenták chá'a yányawhéna' apyegmenek ma'a átog. ¡Yányawhéna' apyegmenek yetnók ma'a kóneg axkok nak tén han weyke nagkeygmenek! ¡Máxa yókxexma Líbano ekpaqneyam ekmátsal'a apkelpaqneyam ma'a élántaxno nak!

Cantares 7:4

Hawók ayespok ma'a tegma apwenaqte apmope apkelánamap la'a yánnapóxeg apma'ák; keñe aqta'ák ekhawo m'a ánet yámelchet ekheykegko nak ma'a tegma apwányam Hesbón, nekha nak ma'a átog nak Bat-rabim; hawók awéhek ma'a tegma apwenaqte nak Líbano ekpayhémo nak ma'a tegma apwányam Damasco.

Lamentaciones 4:7

Kelmópowok axta apyempe'ék ma'a énxet'ák agkok, axta kaxnawok ma'a ekweykenxal'a ekmope yeyam appok, kelmópowok axta, axta kaxnawok ma'a ektémól'a weyke nagkeygmenek; yáma élyexwase axta m'a apkelyókxa', axta kaxnawok ma'a meteymog ekyexwasel'a; keltásek axta apkelyókxa', hawók axta m'a meteymog ekyápaqmatél'a.

Ezequiel 17:23

cham'a egkexe netnók agko' nak ma'a Israel. Kaxámak sa' aktegák, keyxek sa' nahan, katnehek sa' xama yámet cedro ekyawe ektaqmalma agko'. Kallawha sa' mók ektémakxa nak chá'a aqsok nawha'ák ma'a kóneg nak, kalanagkok sa' nahan axanák mók ektémakxa nak chá'a náta m'a kañe' áwa' kóneg pessesse agkok nak ma'a aktegák.

Ezequiel 31:8

Méko axta xama enxoho yámet ekyawe egwanchek aghésho', élámha axta m'a Dios yókxexma ektaqmalma apagkok nak; Méko axta nahan xama enxoho pino yámet ekhémo aktegák ma'a ekwánxa nak aktegák, méko axta nahan xama enxoho yámet castaño ekxámokma nak áwa' ekhémo m'a ekweykenxa nak ekxámokma áwa', méko axta nahan xama enxoho ekhémo ektaqmalma m'a yámet élámha nak Dios yókxexma ektaqmalma apagkok.

Oseas 14:7

Ko'o sa' atnehek makham séltaqmelchesso m'a Israel, keñe sa' exámekxak aptémól'a hótáhap apaktek, máxa anmen yámet élyapwél'a sa' etnahagkok; kapayhekxak sa' apkelwesey, ektémól'a anmen yámet égmenek eñama nak Líbano.

Zacarías 9:17

¡Tásók agko' sa' katnehek ma'a negókxa! Tásek sa' katnehek apkektega m'a wokma'ák egagkok tén han ma'a kelán'a étkók, hakte katawagkok sa' ma'a hótáhap apaktek keynagkok sa' nahan ma'a vino.

Jueces 13:6

Keltennássekxeyk axta atáwa' m'a kelán'a. Axta entáhak eyáneya s'e: “Xama Dios énxet apagkok xeyk ey'awak sekhakxa, etlakkásawók ahagko' han, hakte máxa eykhe m'a Wesse' egegkok apchásenneykha. Malmaxneyáha han yaqsak kexa énxet, meheltennásak han ko'o m'a.