Cantares 5:14 - Biblia Enxet

¹⁴ Sawo ekyátekto élmomnáwa nahan ma'a apkelatchesso nak naxta'a apmék élpaxqamáxche nak ektáxama m'a meteymog élyátekto. Hawók nahan ekmope apyókxa m'a yánnapóxeg apma'ák kéláxñáseykekxal'a kélpáxaqteyáseyak la'a ektáxama m'a meteymog élyápaqmate ektáxama.

Cantares 5:14 ပူးပေါင်းရင်းမြစ်များ

Job 28:16

Mogwanchek agyánmagkasek ma'a sawo ekyátekto ektaqmalma agko' nak, tén han ma'a aqsok étkók élánamáxche nak meteymog, essenhan meteymog ekyápaqmate nak.

Salmos 99:4

Xép apteme Wesse' Apwányam ekha apyennaqte, apmopmenyého nak nentémakxa ekpéwomo; xép apagko' appekkenma meyke ekyeykhamaxche mók nentémakxa. Appékessessamók axta chá'a exchep apkelánéseykekxa apheykha m'a Jacob énxet'ák apagkok, yetlo ektaqmalma aptémakxa.

Éxodo 15:6

Wesse' egegkok, kayhek xép apmek apkelya'assamakxa, ekmowána nahan eghak, cham'a éltepelchawo axta m'a katnaha egnámakkok.

Éxodo 24:10

Apkelwetágwokmek axta nahan Israel Dios apagkok ma'a: kelyenmawók axta nahan aqsok ekyetno axta m'a kóneg apmagkok, máxa axta m'a kañe' tegma meteymog élyápaqmatél'a, keláxña'awók axta nahan, máxa axta m'a ektémól'a m'a néten eyáxñeyo.

Éxodo 28:18

keñe sa' ma'a ektétéyak nak keytek meteymog ekyexwase agko' la'a, tén han ma'a meteymog ekyápaqmatél'a tén han ma'a meteymog ekyennaqte agko' la'a hó pa'at;

Éxodo 28:20

keñe sa' ma'a ektáhakxa nak cuatro éléweykekxa keytek ma'a meteymog ekyátekto, tén han ma'a meteymog ekmope, tén han ma'a meteymog éltaqmalmal'a ektáxama élmakteykha.

Éxodo 39:13

tén axta m'a ektáhakxa nak cuatro éleweykekxa, ekyetna m'a meteymog ekyátekto, meteymog ekyexwasel'a élyenma, tén han ma'a meteymog ekyennaqte élyenma agko' la'a. Kélyepetchessek axta meteymog ma'a kéltahanchesso nak sawo ekyátekto ekmomnáwa.

Cantares 7:2

Hawók ataxna' m'a egheykok ekyaqyamól'a magyamáyól'a keytek awáxok kélyeta m'a vino ektaqmalma; hawók awokmo' m'a hótáhap apaktek kéláncheseykekxal'a, kélwakhassól'a m'a pánaqte exnók.

Isaías 52:13

Tásek sa' katnehek ekteyapma aqsok apkelane m'a séláneykha, kéláyo sa' kóltéhek, kólhéssók sa' ma'a netnók agko' nak.

Isaías 54:11

“¡Tegma apwányam apmopyósa nak ektémakxa, ektegkesso nak éxchahayam ekyennaqte, meyke nak yaqwayam kapeykessásekxak apwáxok! Anegkenchesagkok sa' ko'o exchep meteymog apagkok ma'a néten nak meteymog ekpésyam élyenma, keñe sa' apowhak ekyennaqtéssamakxa nak ma'a meteymog élyápaqmate;

Isaías 9:7

Exek sa' ma'a néten nak David aptaháno ekyawe ektaqmalma; kasawhekxohok sa' apteme Wesse' apwányam ekyókxoho yókxexma, megkamassegwomek sa' ma'a meyke ektáhakxa nak negha; tásek sa' katnehek ekyetno m'a aptémakxa nak Wesse' apwányam, sa' katnehek ekyennaqtésso m'a aptaqmelchessáseykekxa nak chá'a apheykha énxet'ák tén han ma'a ekpayhawo nak chá'a elána', keso kaxwo' nak tén han megkatnégwayam néxa. Elának sa' Dios ekha nak apyennaqte xa, eñama ekyawe agko' segásekhayo.

Ezequiel 1:16

Hawók axta nahan mók ma'a cuatro ekho nak yátnáxeg apyenyawasso amagkok, tén han ma'a ektémakxa axta élánamáxche', kelyenmawók axta nahan, máxa axta m'a meteymog ekyátektól'a. Máxa axta nahan ekyetnól'a chá'a mók kañe' anlanok xama m'a ekho nak yátnáxeg apyenyawasso amagkok.

Daniel 10:6

Kelyenmawók axta m'a apyókxa, máxa axta m'a meteymog élyenmál'a, kelyenmawók axta nápat, máxa axta takha' apkelyenma, máxa axta han táxa eyáléwe m'a apaqta'ák, kelyenmawók axta han ma'a apaktegák tén han apmagkok, máxa axta sawo ekyexwase, máxa axta han énxet apxámokma m'a appeywa.