Cantares 4:3 - Biblia Enxet

³ Yexwásawók nahan ma'a átog, máxa m'a yátépépe' kélyexwásessól'a apyexwase apagko', kamok han egwáxok ma'a ekpeywa. Máxa yántakyexna kélpáxqatmal'a neyseksa amáxempenák ma'a teyp nak eyáhakkasso nát apáwa apkexyawe.

Cantares 4:3 ပူးပေါင်းရင်းမြစ်များ

Génesis 32:10

Megkapayhawok ko'o kataqmalmakha apwáxok hélano', megkapayhawok hépetchaha chá'a. Ekyeykheykekxeyk axta ko'o wátsam Jordán meyke sekseykha xama aqsok, wánxa aqsa sektasqapeykha, keñe kaxwók sekteméssesa ánet apkelyaqyeyáseyak énxet'ák ahagkok.

Esdras 9:6

sektáha s'e: “Dios ahagkok, ekmegqakkek ahagko' ko'o, may'ásegkok sektáhakxa, mowanchek sekmako alanok xép. Yeykhágwokmok agko' ma'a ektémakxa nak negko'o mólya'assáxma, weykmók néten ma'a nentémakxa nélsexnánémaxche'.

Salmos 119:13

Axének sa' chá'a ko'o ekyókxoho m'a apchánamakxa nak antéhek, apxeyenma nak chá'a exchep.

Salmos 37:30

Yetlo apkelya'áseyak chá'a elpaqmétek ma'a énxet'ák éltaqmalma nak apkeltémakxa; yetlo ekmámnaqso' han chá'a etnehek apkelpeywa m'a.

Salmos 45:2

¡Xép apteme aptaqmalma apagko' nepyeseksa m'a énxet'ák! ¡Tásek chá'a katnehek appeywa! Cháxa keñamak apteméssessama nak apkeleñémo Dios megkatnégwayam néxa.

Proverbios 10:13

Tásek chá'a katnehek apkelpeywa m'a énxet apkelya'áseykegkoho nak aqsok; keñe m'a énxet ekyeyháxma nak, kéméxcheyk chá'a kólyekpexchetchesek apkapok.

Proverbios 31:26

Tásek chá'a katnehek ekpeywa ekxeyenma aqsok, yetlo ektaqmeleykha awáxok nahan chá'a kalxekmósek námakkok.

Cantares 1:5

Kelán'ák Jerusalén, sélpésyam eykhe ko'o, etásek eyke; Sélpésyam, hawók émpehek ma'a apkelpakxenéyak nak énxet'ák ma'a yókxexma Quedar. Etáse', máxa m'a Salomón apáwa napwe'ék apagkok kélmakheyáseykegkól'a m'a kañe' apxagkok.

Cantares 4:11

Sekpagkanma, elpexyewenták chá'a yányawhéna' apyegmenek ma'a átog. ¡Yányawhéna' apyegmenek yetnók ma'a kóneg axkok nak tén han weyke nagkeygmenek! ¡Máxa yókxexma Líbano ekpaqneyam ekmátsal'a apkelpaqneyam ma'a élántaxno nak!

Cantares 5:13

Hawók nahan apmáxempenák ma'a kélcheneykekxexal'a pánaqte exnók élmátsal'a élpaqneyam. Yexwásawók nahan ma'a apátog élpexyaweykentamxa nak élsekkeneykenta m'a yámet ánek ekmátsal'a ekpaqneyam.

Cantares 5:16

yetnegkek nahan aqsok ekmátsa agko' ma'a apátog nak. ¡Énxet ekleklamo egwáxok anlanok ma'a! Cháxa aptémakxa ko'o sekpagkanma xa, cháxa aptemék ko'o seyásekhayo nak xa, kelán'ák Jerusalén.

Cantares 6:7

Máxa yántakyexna kélpáxqatmal'a neyseksa amáxempenák ma'a teyp nak eyáhakkasso nát apáwa apkexyawe.

Cantares 7:9

keñe sa' átog, kaxhok ma'a ektémól'a vino ektaqmalma élpexyaweykental'a chá'a ekmátsa m'a átog nak tén han ma'a am'ák nak.

Ezequiel 16:63

Kaxénwakxohok sa' xeye' awáxok mayaqmagkásekxo sa' ko'o ekyókxoho m'a aqsok élane, kamegqáwhok agko' sa' nahan, megkapaqmétek sa' xama enxoho. Ko'o sekxeyenma xa sektáha nak Wesse'.’”

Levítico 14:4

yának sa' elsanták ánet nátétkók yetlo aqta'ák éltaqmalma nak émpe'ék, tén han yámet cedro, tén han apáwa apyexwase, tén han yámet hisopo.

Levítico 14:6

keñe sa' emok ma'a nátétkok yetlo aqta'ák nak, tén han yámet cedro, tén han apáwa apyexwase, tén han yámet hisopo, keñe sa' elyássesek xa aqsok nak, yetlo m'a nátétkok yetlo aqta'ák nak, cham'a éma agkok nak nátétkok ekmatñá, neyseksa m'a yegmen eñama nak ekteyapmakxa yegmen.

Números 19:6

Emok sa' nahan ekmanyehe agko' apkelmaxnéssesso Dios énxet'ák apagkok ma'a yámet cedro aktog, tén han yámet hisopo aktegák, tén han apáwa apyexwase, ekxák sa' ekyókxoho m'a nátex kélwatnakxa enxoho m'a weyke;

Números 4:8

Kólpeykes sa' nahan apáwa apyexwase ekyókxoho xa néten nak, kólaqlaksek sa' xama aqsok émpehek élexyawáyo, keñe sa' kólatchesek yámet nekhaw'ék yaqwayam enxoho kólsók.

Josué 2:18

nélántaxneyk sa' agkok negko'o s'e yókxexma nak, xeye' agko' sa' han kamakhésha s'e táma ekyexwase nak, keso átog étkok éltamhókxa nak ólántépok. Kaltennés sa' ma'a yáp, tén han egken yaqwayam enxoho kaqnekxak se'e axagkok nak xeye', keñe han ma'a kelyáxeg, ekyókxoho apketchek nak xeye' yáp.