Cantares 4:15 - Biblia Enxet

¹⁵ Xeye' ekteme ekteyapmakxa yegmen ma'a neyseksa pánaqte exnók kélcheneykekxa nak, xama máxek élpexyaweykento nak yegmen ényé eñama m'a egkexe nak Líbano.

Cantares 4:15 ပူးပေါင်းရင်းမြစ်များ

Salmos 46:4

Yetneyk xama wátsam ekpeykessáseykekxo nak apwáxok Dios tegma apwányam apagkok, tegma apkelyawe apkelpagkanamap apagko', apagkok nak ma'a Dios Meyke Ekhémo.

Proverbios 5:16

Megkataqmelchessesek xép apha apwetássekmo enxoho chá'a étche m'a mók kelán'a.

Proverbios 5:18

¡Kapayhekxa apwáxok xamo' xa aptáwa' nak, cham'a kelán'a apmoma axta aptéma aptáwa' m'a aptémakxa axta wokma'ák,

Eclesiastés 2:6

Ekmetamchek axta han yámmáxek yaqwayam chá'a kólexpaqhagkok ma'a yenta'a séneykekxa nak;

Cantares 4:12

Eyáxeg, sekpagkanma, xeye' ekteme pánaqte exnók kélcheneykekxa kélhaxtegkesso, ekteyapmakxa yegmen kélhaxtegkesso, ekyetnamakxa yegmen ektaqmela kélápeykekxa';

Isaías 58:11

Anaqlawha sa' chá'a ko'o yókxoho ekhem, almések sa' ekxámokma kéltéyak ma'a yókxexma meykexa nak énxet, almések sa' élyennaqte kélyempe'ék, máxa sa' kóltéhek ma'a namyep étkok ektaqmalmal'a kélexpaqhe yegmen, ektémól'a m'a ekteyapmakxal'a yegmen megkeymayél'a.

Jeremías 17:13

Wesse', xép apteme apkelhaxanma m'a Israel. Elmegqágwakxohok sa' apyókxoho m'a apyamasma nak xép. Elmassegwók sa' apyókxoho m'a apyetnakhasso nak xép, ektémól'a kélwesey kéltáxéssól'a yagkamex, eñama apyamasma exchep, apteme nak ekteyapmakxa yegmen ektaqmalma.

Jeremías 2:13

“Apkeláneykegkek ánet melya'assáxma m'a énxet'ák ahagkok: eyamasmeyk ko'o, sektáha nak ekteyapmakxa yegmen ekyennaqtéssamo nak egnények, apkelánéyak apagko' aptamheykegkok ma'a apkelyátamakxa nak yegmen, yámelchet élyagqaxe megkeytno nak yegmen ma'a kañe'.

Zacarías 14:8

Keñe sa' katyapok yegmen megkeymaye m'a Jerusalén, yaqwayam sa' kanyehek ma'a ekhem apmopsamágexal'a tén han ma'a ekmexanmakxal'a exma, nekha sa' kamhagkok ma'a ekpayho nak Wátsam Ekwányam Étsapma tén sa' mók nekha kamhagkok ma'a ekpayho nak Wátsam Ekwányam Mediterráneo.