Cantares 4:10 - Biblia Enxet

¹⁰ ¡Atsek chá'a exche' héláxñesha, eyáxeg, sekpagkanma! ¡Atsek agko' chá'a héláxñesha, yeykhágweykmók ma'a ekweykenxal'a ekmátsa m'a vino, Atsók agko' nahan ekpaqneyam ma'a sokmátsa agkok, yeykhágweykmók ma'a ekyókxoho aqsok élmátsa nak élpaqneyam!

Cantares 4:10 ပူးပေါင်းရင်းမြစ်များ

Cantares 1:12

Weyncháxcheyk ekpaqneyam sokmátsa ahagkok, neyseksa apha wesse' apwányam ma'a nekha mésa.

Cantares 3:6

¿Yaqsa ekxegakmo nak yókxexma meykexa énxet, ekxegakmo nak ekho éten ekpánma ekmeyeykekxa néten, ekxegakmo nak yetlo émpasso ekpaqneyam ma'a yámet ánek ekmátsa nak ekpaqneyam tén han ma'a aqsok ekmátsa nak ekpaqneyam éten agkok, tén han ma'a ekyókxoho mók ektémakxa nak chá'a sokmátsa?

Cantares 4:9

Meyk xeye' ewáxok, eyáxeg, sekpagkanma; xama sélányo eykhe entáhak ekma ewáxok, xama sélányo eykhe ektáhak ma'a eknatanma nak, ekma ewáxok.

Cantares 5:5

Tén axta sekhákxo néten peya ameykessesek átog ma'a sekpagkanma. Eklegágkók axta nahan ekpálwa'akto emék tén han ephék élsekkeneykenta m'a yámet ánek ekmátsa nak ekpaqneyam, tén han ma'a nenleklamakxa nak átog. ¡Xama axta sekleg'a appeywa máxa axta entáhak peya enxoho watsapok! Ekmeykessessek axta átog ma'a sekpagkanma, méko axta eyke m'a apkenmágkaxa axta. Étamchek axta, maxta eyke óteyákxa'. Ekwóneyha axta eykhe nahan maxta heyátegmowágkok.

Cantares 7:6

Sekpagkanma, kelán'a ekleklamo nak chá'a ewáxok alano'. ¡Tásók agko' nak la'a exche', ektaqmelakxoho agko' nak la'a!