Cantares 3:2 - Biblia Enxet

² Tén axta sekhákxo néten, ekweynchámeyha axta nepyeseksa tegma apwányam sétama sekpagkanma ekmámenyého agko' nak ewáxok ma'a ámay nak tén han ma'a apkekhegweykekxexa nak chá'a énxet. Étamchek axta, maxta eyke óteyákxa'.

Cantares 3:2 ပူးပေါင်းရင်းမြစ်များ

Proverbios 8:34

Apkeleñémo énxet ektáha nak apháxenmo sekpeywa, apkenmeykha nak átog exagkok yókxoho ekhem sélhaxneykha.

Cantares 1:7

Xép, ekmámenyého nak ewáxok alano', héltennés hana, ¿Háxko apkeleykegkaxa chá'a pa'at apnaqtósso nepkések? ¿Háxko apkelyáqkasseykekxexa chá'a ellókassesek apkelyampe yetseksók ekhem? Mamakók ko'o aweynchamha aqsa nepyeseksa nepkések apnaqtósso m'a apkelxegexma'a nak xép.

Cantares 3:3

Élmaxneyáha axta m'a apkeltaqmelchesso nak tegma apwányam apkelhaxnenchámeykegko axta chá'a m'a nepyáwa. Axta ektáhak séláneya s'e: ¿Yagkólwet'ak kéxegke sekpagkanma, ekmámenyého agko' nak ko'o ewáxok?

Cantares 5:5

Tén axta sekhákxo néten peya ameykessesek átog ma'a sekpagkanma. Eklegágkók axta nahan ekpálwa'akto emék tén han ephék élsekkeneykenta m'a yámet ánek ekmátsa nak ekpaqneyam, tén han ma'a nenleklamakxa nak átog. ¡Xama axta sekleg'a appeywa máxa axta entáhak peya enxoho watsapok! Ekmeykessessek axta átog ma'a sekpagkanma, méko axta eyke m'a apkenmágkaxa axta. Étamchek axta, maxta eyke óteyákxa'. Ekwóneyha axta eykhe nahan maxta heyátegmowágkok.

Isaías 64:7

Méko eyke ekwóneykencha'a exchep, méko nahan ekwasqápeykekxoho enxoho yaqwayam keypetchegwakxak; cháxa keñamak senxegánegkessama nak negko'o exchep tén han segkexakhama eñama m'a nentémakxa élmasagcha'a.

Jeremías 5:1

Aptáhak Wesse' egegkok se'e: “Kólweynchamha sa' ma'a ámay nak Jerusalén, kóltaqmelchesho sa' kéllányo, kólchetam sa' ma'a apheykegkaxa nak chá'a énxet elweynchamha, kólwetak sa' kexaha énxet apkelane nak chá'a aqsok ekpéwomo, apmopmenyého nak chá'a etnehek ekmámnaqsoho apxeyenma aqsok. Kélwet'ak sa' agkok ma'a, mayaqmagkásekxeyk sa' ko'o ektémakxa m'a Jerusalén.