Cantares 3:11 - Biblia Enxet

¹¹ Kelán'ák Sión, ¡Kólántép, kóllano wesse' apwányam Salomón! Apketchessek apqátek ma'a apkelháxaqxo élyenma élánésso axta egken yaqwayam emha m'a élyamhopa sa', ekhem ekpayhekxexa agko' sa' apwáxok.

Cantares 3:11 ပူးပေါင်းရင်းမြစ်များ

Salmos 48:11

¡Kalpayhekxa kélwáxok kélheykha nak egkexe Sión! ¡Kólnextegmakha néten kalpayhekxak kélwáxok kélheykha nak tegma apkelyawe Judá, eñama ekpéwomo apkelánekxésso kélheykha m'a Dios!

Salmos 9:14

Keñe sa' atnehek alának apyókxoho énxet neyseksa sénmeykha m'a atña'ák nak Jerusalén, payhawók xép kólteméssesek apcheymákpoho, axének sa' ekpayhékxo ewáxok hakte ewagkassek teyp xép.

Cantares 1:5

Kelán'ák Jerusalén, sélpésyam eykhe ko'o, etásek eyke; Sélpésyam, hawók émpehek ma'a apkelpakxenéyak nak énxet'ák ma'a yókxexma Quedar. Etáse', máxa m'a Salomón apáwa napwe'ék apagkok kélmakheyáseykegkól'a m'a kañe' apxagkok.

Cantares 2:7

Kelán'ák Jerusalén, néltamhók negko'o mehẽltawássesha neghéyak, yetlo kélxeyenma xenaq étkok tén han popyet apketkók. ¡Hẽlho aqsa aghagkok ekwokmoho nennaqxétekhágko!

Cantares 7:11

¡Nók sekpagkanma, ólweynchamha yókxexma! Sa' annaqtének axta'a m'a neyseksa nak yámet exnók élmope, ekmátsa agko' nak ekpaqneyam.

Cantares 8:5

¿Yaqsa ekxegakmo nak yókxexma meykexa énxet, ekyepetchesakmo nak akqátek ekpathetakmo m'a ekpagkanma? Kóneg yámet manzano axta exche ekxátekhássék: eklegeykegkaxa axta ekmáske m'a egken; ektémakxa axta naqláwa egken ektegkessama exche'.

Isaías 4:4

Apxénchek sa' agkok yaqwánxa etnéssesek Wesse' egegkok ma'a, peya enxoho ellegássesagkoho', ényeyásekxak sa' éma éltexnémáxche nak ekyegkenamaxche m'a kañe' Jerusalén, elyenyessásekxak sa' nahan élpeysameykha nak élmanyása apyempe'ék ma'a énxet'ák apheykha nak Sión.

Isaías 53:11

Étak sa' ekyaqmageykekxa ektémakxa apha natámen apwete ekxámokma aplegeykegkoho, kapayhekxak sa' apwáxok ma'a apya'ásegwokmo enxoho; elmallahanchesek sa' aqsok ekmaso apxámokma énxet ma'a Wesse' egegkok apkeláneykha appéwomo nak, hakte emekxak sa' ma'a apkeltémakxa élmasagcha'a nak.

Isaías 62:5

Hakte sa' etnehek elmok kéxegke Dios ma'a aptémól'a xama wokma'ák kalyamhápok emok ma'a appagkanma, elánekxak sa', kapayhekxak sa' apwáxok xamók ma'a, ektémól'a kapayhekxak apwáxok xamók aptáwa' m'a énxet.

Isaías 9:6

Hakte apteyekmek xama sakcha'a negyeseksa, Dios segmésso xama apketche, cham'a peya sa' exkak apmopwána yaqwayam etnehek aptaqmelchesso apchókxa. Sa' nahan kólteméssesek apwesey s'e: Eyaqheykha kélwáxok aqsok apkelane, Dios apyennaqte, Egyáp Memassegwayam, Wesse' meyke ektáhakxa negha.

Jeremías 2:2

“Exeg sa' elpaqhetchessók ma'a énxet'ák Jerusalén; énnaqtés sa' appeywa, yaqwayam sa' kataqmelek apkelháxenmo: ‘¡Keso aptáhakxa nak appeywa Wesse' egegkok se'e! Xénwákxók ko'o ewáxok ektémakxa axta étkok, meheyenyaweykencha'a axta chá'a, cham'a sektémakxa axta etáwa', seyásekhayo axta chá'a, sétleykencha'a axta chá'a m'a yókxexma meykexa nak énxet, xapop megkólcheneykekxexa nak aqsok aktek.’

Jeremías 32:41

Kapayhekxak sa' chá'a ko'o ewáxok ektaqmela enxoho chá'a sekteméssesakxa, axnésha sa' ko'o s'e apchókxa nak ekweykmoho kañók agko' ewáxok, tén han meyke ekyexamaxkoho ewáxok.”

Sofonías 3:17

Apheyk kélnepyeseksa kéxegke m'a Dios Wesse' kélagkok; ¡apmeyhek nahan ma'a, elwagkasek sa' teyp! Kapayhekxak sa' apwáxok elanok kéxegke m'a Wesse' egegkok. Egkeyásekxak sa' axnagkok kélyennaqte eñama apkelásekhayo; enneykmaksek sa' eñama kélpeykessáseykekxa apwáxok

Zacarías 6:11

Elanák sa' kélatchesso kélpátek ma'a sawo ekmope ekmomnáwa tén han ma'a sawo ekyátekto ekmomnáwa apcháncheseykha enxoho, yetchesses sa' nahan xama apqátek ma'a apkemha apmonye' nak apkelmaxnéssesso Dios énxet'ák apagkok Josué, Josadac apketche nak.