Cantares 3:1 - Biblia Enxet

¹ Étamchek axta sekpagkanma sekyetnamakxa néten axta'a. Étamchek axta, maxta eyke óteyákxa'.

Cantares 3:1 ပူးပေါင်းရင်းမြစ်များ

Salmos 22:2

Dios ahagkok, yókxoho ekhem chá'a exchep sekwóneykha, tén han yókxoho axta'a, makke heyátegmoweykegkok; ¡mallókasseykmok ko'o sekyampe!

Salmos 4:4

¡Kóláwho sa', kólwátésák kélláneyak megkólya'assáxma! Kólhák kaxwo', meyke kélpaqméteykha, kólxénekxa kélagko' ma'a ektémakxa nak élchetamso kélwáxok;

Salmos 6:6

Eyélaqtéssek ko'o m'a sélekxagweykha. Yókxoho axta'a sélekxagweykha, yássessegkek ahaqta'ák égmen'ák ma'a sekteyáyam nak.

Cantares 1:7

Xép, ekmámenyého nak ewáxok alano', héltennés hana, ¿Háxko apkeleykegkaxa chá'a pa'at apnaqtósso nepkések? ¿Háxko apkelyáqkasseykekxexa chá'a ellókassesek apkelyampe yetseksók ekhem? Mamakók ko'o aweynchamha aqsa nepyeseksa nepkések apnaqtósso m'a apkelxegexma'a nak xép.

Cantares 5:8

Kelán'ák Jerusalén, kélwet'ak sa' agkok sekpagkanma, kóltennés sa' ekmáheyo ko'o heyaqhek ma'a ektémakxa nak seyásekhayo tén han sekmámenyého.

Isaías 26:9

Awanhók agko' chá'a exchep ekmámenyého ewáxok axta'a; weykmók chá'a kañók agko' ewáxok sétamso. Apkelyelpelchawók sa' agkok xép énxet'ák keso náxop, kaltámeyagkok sa' énxet'ák ma'a ekpéwomo nak nentémakxa.

Isaías 55:6

“Kólchetam Wesse' egegkok kélewagkexa nak makham kólwetekxa', kólwónmakha apha nak makham keto'.