Cantares 2:8 - Biblia Enxet

⁸ ¡Apkexyekmek sekpagkanma! ¡Ekleg'ak kaxwók appeywa! Apnextegánteyk néten apkexyekmo m'a néten meteymog élekhahéyak nak, apnextegánteyk néten apkexyekmo m'a egkexe étseksa'ák nak.

Cantares 2:8 ပူးပေါင်းရင်းမြစ်များ

2 Samuel 6:16

Xama axta ekwákxo Wesse' egegkok yántéseksek apagkok ma'a David Tegma Apwányam apagkok, kelteyányáha axta átog étkok ma'a Mical, Saúl axta apketche; xama axta ekwet'a wesse' apwányam David apkelteyncha'a apneyweyncha'a nápaqtók Wesse' egegkok, lókók agko' axta awáxok éláneyncha'a.

Cantares 2:17

Sekpagkanma, hey'óta sa' makham élsaka enxoho, ekmassa enxoho ekyáqtessóxma; etne aptémól'a popyet, aptémól'a popyet apketkok, apkexyeykmohol'a m'a néten meteymog élwenaqte nak.

Cantares 4:16

Excheyha, ¡Kaxatakha'! Yeyam, ¡Emyenta s'e! ¡Kólwátekhapwata séneykekxexa pánaqte exnók, kólampés ekpaqneyam ekmátsa! Sekpagkanma, emyenta' apkeneykekxexa pánaqte exnók apagkok, etáswata ekyexna ekmátsa agko' nak.

Cantares 5:2

Ektenchek axta ko'o, keñe ewáxok megkatyena. Ekleg'ak axta appaqméswa'akto sekpagkanma m'a teyp átog ahagkok nak. Aptáhak axta s'e: “¡Hemeykesses átog, eyáxeg, sekpagkanma, ekhémo nak wáx'ay aptaqmalma! ¡Yássessek ko'o épátek yálye! ¡Kelpexyawánteyk éwa' yálye ekteyeykmoho nak axta'a!”

Isaías 35:6

máxa popyet sa' etnahagkok elnextegmakha néten ma'a énxet'ák élmasagcha'a nak chá'a apyókxa, elwehesha sa' ma'a énxet'ák meyke nak apkelpeywa. Katyapok sa' ekyawe agko' yegmen ma'a yókxexma meykexa nak énxet, ekyamáyekxa nak ma'a xapop.

Isaías 44:23

¡Néten, kalpáxamha kátsaha kalanok ma'a apteméssesakxa nak Wesse' egegkok! ¡Kólwehesha, máxek élmattawóneg agko' nak keso náxop! ¡Meteymog élekhahéyak, kólpáxamha ekwányam agko' kólátsaha, tén han ma'a naxma yetlo m'a ekyókxoho yenta'a élyawe agkok nak, hakte apxekmóssek apcheymákpoho Wesse' egegkok apwagkasa teyp ma'a Israel, cham'a Jacob!

Isaías 52:7

¡Táse' nak la'a agwetak ewak néten egkexe m'a apseykha nak amya'a ektaqmela, apseykha nak ma'a amya'a meyke ektáhakxa egwáxok, apxeyenma nak ma'a ektémakxa sẽlmallahanchesso aqsok ekmaso apteme nak yának Sión se'e: “Wesse' apwányam ma'a Dios apagkok nak xép!”

Jeremías 48:27

Énxet'ák Moab, ¿Ya axta kéxegke kólesméssók chá'a m'a énxet'ák Israel? ¿Ya axta kólxéneykha chá'a yetlo kélwanyeykha? ¿Ya axta kólteméssessók ma'a aptémól'a apkelmenyexma?