Cantares 2:4 - Biblia Enxet

⁴ Éntamákxeyk axta m'a kañe' élánéxchexa axta ektámaxche ekyawe, chátseyha axta chá'a nápat sélano.

Cantares 2:4 ပူးပေါင်းရင်းမြစ်များ

Ester 7:7

Aplókók apagko' axta apkempákxo néten Asuero aptepa m'a kañe' élánéxchexa axta ektámaxche ekyawe, apmeyákxeyk axta m'a kélcheneykekxa axta pánaqte exnók tegma apyawe. Xama axta apyekpelcha Amán ekxéna apwáxok wesse' apwányam peya yának ematñekxa', apheyk axta aqsa m'a kañe' ekxéna apwáxok elmaxnak wesse' ekwányam Ester megkánhek ematñekxa'.

Job 1:10

Megyahayók xép kólteméssessamhok exma ekmaso m'a, tén han apketchek ekweykekxoho m'a aqsok apagkok nak; epasmok nahan chá'a ekyókxoho aqsok apkelanakxa enxoho, xámok agko' nahan apnaqtósso, méko ekhawo s'e ekyókxoho apkelókxa nak.

Salmos 20:5

Keñe sa' negko'o ólátsaha kalpayhekxak egwáxok eñama apmallanma, ólya'aksek sa' néten bandera yetlo nenxeyenma apwesey Dios egagkok. ¡Wesse' egegkok sa' elának ekyókxoho aqsok apkelmaxneyeykha nak!

Salmos 60:4

Apkelméssegkek axta chá'a exchep xama aqsok magkenatchesso ektáha nak chá'a apcháyo, yaqwayam melyátakpehek yágke.

Salmos 84:10

¡Tásek axek chá'a ko'o xama ekhem ma'a kañe' nak tegma appagkanamap apagkok, kaxnók aweynchamha aqsa ekwenaqte m'a yókxexma! Émenyeyk ko'o atnehek sektaqmelchesso átog ma'a Dios ahagkok nak tegma appagkanamap apagkok, kaxnók axek ma'a apxanák nak élmasagcha'a apkeltémakxa.

Cantares 1:1

Negmeneykmasso ektaqmalma agko' apnaqtáxésso axta m'a Salomón.

Cantares 1:4

¡Héntemekxa heykxe kaxwo'! ¡Wesse' apwányam, héntemekxa kañe' apxagkok! Kalpayhekxak sa' egwáxok yetlo exchep; kalxénwakxohok sa' egwáxok ekyeykhágweykmoho ektémakxa vino m'a ektémakxa nak chá'a seyásekhayo. ¡Neyke temék ekmámenyého nak chá'a m'a kelán'ák!

Cantares 5:1

Eyáxeg, sekpagkanma, ektaxnegwa'akteyk kañe' séneykekxexa pánaqte exnók ahagkok. Élmákxeyk kaxwók ma'a yámet ánek ahagkok ekmátsa nak ekpaqneyam tén han ma'a élmátsessamo nak élpaqneyam aqsok. Ektókek kaxwók yányawhéna' apyegmenek ahagkok, ekyenchek nahan ma'a vino ahagkok tén han ma'a weyke nagkeygmenek ahagkok. Énámakkok sélásekhayo, kóltawák, kólyenák nahan, ¡kólyenák ekwánxa enxoho kélmaka!

Cantares 6:4

Tásók agkók xeye' sekpagkanma, máxa m'a tegma apkelyawe nak Tirsá kalkohok egwáxok anlano', máxa m'a tegma apwányam Jerusalén; katyamok egwáxok agweta', máxa m'a sẽlpextétamo apkelxegál'a.

Isaías 11:10

Kólhések sa' néten kólteméssesek aqsok magkenatchesso apagkok énxet'ák Jesé aptáwen neptámen xa ekhem nak; cham'a aphémo nak yámet éltektépeykekxa m'a kepmenák, elyo'ókxak sa' chá'a ektamok ma'a apyókxoho énxet'ák keso náxop, keñe sa' ma'a aphakxa nak katnehek ektaqmalma agko'.