Cantares 2:3 - Biblia Enxet

³ Máxa yámet manzano émhal'a neyseksa yenta'a élyawe naxma aptemék nepyeseksa apnámakkok wokma'ák ma'a sekpagkanma nak. ¡Atsek chá'a axek ma'a kóneg pessesse agkok nak! ¡Atsek chá'a atwok ma'a ekyexna nak!

Cantares 2:3 ပူးပေါင်းရင်းမြစ်များ

Salmos 45:2

¡Xép apteme aptaqmalma apagko' nepyeseksa m'a énxet'ák! ¡Tásek chá'a katnehek appeywa! Cháxa keñamak apteméssessama nak apkeleñémo Dios megkatnégwayam néxa.

Salmos 45:3

¡Etétekxa nepxet sókwenaqte apagkok, xép apteme nak apyennaqte! ¡Katxohok chá'a exchep emha xa, xép apteme nak apcheymákpoho!

Salmos 57:1

Dios ahagkok, yepyósho ko'o hélano', yepyósho hélano', hakte ekya'aweykteyk xép séltamho hemyók. Axnaták sa' ko'o kóneg apxempenák yaqwayam hemyók, ekwokmoho ekyeyk'a m'a aqsok ekmaso.

Salmos 89:6

Wesse', méko xama enxoho aqsok kéláyókxa negmowána aghéshok xép, méko han xama aqsok enxoho ekhawo exchep ma'a ekhéyak nak néten!

Salmos 91:1

Énxet apchásenneykekxa nak Dios Meyke Ekhémo segmasma, cham'a Ekha nak Apyennaqte,

Cantares 1:16

¡Aptásók apagko' nak la'a exchep, sekpagkanma, aptásók apagko'! ¡Pa'at ekpayhe ektaqmalma áwa' sa' katnehek ma'a negyetnamakxa néten!

Cantares 2:5

¡Hélák hana ko'o anmen yámet ekyexna kélyamasso kélyaqyeyáseykekxa, yaqwayam sa' eynnákxohok makham! ¡Hélák hana ko'o manzana ekyexna, ekyelqáxcheyk ko'o eñama seyásekhayo m'a sekpagkanma nak!

Cantares 4:13

namyep étkok ekteyapmakxal'a m'a yántakyexna ekmátsa nak ekyexna; élámhakxa nak ma'a pánaqte exnók élmope élmátsa agko' nak élpaqneyam,

Cantares 4:16

Excheyha, ¡Kaxatakha'! Yeyam, ¡Emyenta s'e! ¡Kólwátekhapwata séneykekxexa pánaqte exnók, kólampés ekpaqneyam ekmátsa! Sekpagkanma, emyenta' apkeneykekxexa pánaqte exnók apagkok, etáswata ekyexna ekmátsa agko' nak.

Cantares 5:16

yetnegkek nahan aqsok ekmátsa agko' ma'a apátog nak. ¡Énxet ekleklamo egwáxok anlanok ma'a! Cháxa aptémakxa ko'o sekpagkanma xa, cháxa aptemék ko'o seyásekhayo nak xa, kelán'ák Jerusalén.

Cantares 7:13

Kempássek ekpaqneyam ma'a pánaqte élmeykencha'awól'a kelán'a kaltamhok kótak étche. Hágkek ekyókxoho mók ektémakxa aqsok ekyexna m'a átog egagkok nak: cham'a yámet ekyexna élyamaye nak tén han ma'a yámet ekyexna kaxwe nak kélnakxo, séltaqmelchessesso axta exchep, sekpagkanma.

Cantares 8:11

Axta yetnók apkeneykekxa anmen yámet Salomón ma'a yókxexma Baal-hamón. Apnegkenmék axta nahan énxet aptaqmelchesso m'a, tén axta m'a ekwokmo enxoho chá'a ekhem eknakxamáxchexa ekyexna, elmésagkok chá'a mil sawók selyaqye ekmomnáwa xama xama.

Cantares 8:12

Salomón, xeyep apagkok ma'a mil sawók selyaqye nak, keñe doscientos ma'a ektáha nak aptaqmelchesso anmen yámet; ¡sektaqmelchesso ahagko' eyke ko'o m'a anmen yámet séneykekxa!

Cantares 8:5

¿Yaqsa ekxegakmo nak yókxexma meykexa énxet, ekyepetchesakmo nak akqátek ekpathetakmo m'a ekpagkanma? Kóneg yámet manzano axta exche ekxátekhássék: eklegeykegkaxa axta ekmáske m'a egken; ektémakxa axta naqláwa egken ektegkessama exche'.

Isaías 25:4

Hakte xép apteme apyexanmomakxa m'a énxet apmopyósa nak, apmasma m'a aplegeykegkoho nak aphakxa meyke aqsok, apyexanmomakxa m'a ekwa'a enxoho éxchahayam ekyennaqte, pessesse apagkok ma'a ekmexna enxoho mayáhat. Máxa éxchahayam ekyennaqte éxcheheykmohol'a ekhem apmopsamágexa apkelennama m'a énxet'ák megkalmayósa nak elanok aqsok,

Isaías 32:2

Máxa sa' etnehek chá'a xama m'a negyexánegkesseykekxexal'a éxchahayam, segmasmal'a kawak ma'a éxchahayam ekyennaqte agko', máxa sa' etnahagkok ma'a ektémól'a yegmen atamnek ényél'a m'a neyseksa ekyamáyekxa nak xapop, máxa sa' etnahagkok ma'a ektémól'a meteymog ekyawe agko' pessesse agkok émha m'a meykexa nak énxet.

Isaías 4:2

Tásek sa' katnehek aqsok apkeltémo nak kaltektépekxak Wesse' egegkok xa ekhem nak, kalyenmok sa' nahan; sa' etnehek apagkok ma'a énxet'ák Israel apkeleymomap nak meletsapma; sa' katnéssesek eyaqheykha chá'a kélwáxok ma'a aqsok ekyexna eknakxamáxche ektekkesso nak xapop tén han katnéssesek ekha kéláyo.

Isaías 4:6

yaqwayam kaltaqmelchesek tén han kalmeyók; katnehek sa' pessesse apagkok apkenchesso chá'a m'a mayáhat ekmexanma tén han apkelyexanmomakxa chá'a m'a ekmámeka enxoho tén han éxchahakmo enxoho chá'a ekyennaqte.

Ezequiel 47:12

Kalaqnagkok sa' nahan mók ektémakxa nak chá'a yenta'a ekha ekyexna m'a neyáwa wátsam nak, cham'a neyp nak tén han ma'a halep nak. Megkapallemek sa' nahan chá'a áwa' xama enxoho, megkeytyapwágwomek sa' nahan chá'a ekha m'a ekyexna. Yókxoho pelten sa' chá'a katnehek ekyexno, hakte kalyássesagkok sa' ma'a yegmen ekteyapma nak tegma appagkanamap. Nento sa' katnehek ma'a ekyexna nak, keñe sa' pánaqte m'a áwa' nak.

Joel 1:12

Kelyameygkek ma'a anmen yámet kélcheneykekxa, tén han higo yámet. Kelyameygkek nahan ma'a yántakyexna, tén han áxa, tén han manzano awhók, keñe han ma'a ekyókxoho yenta'a nak yókxexma. ¡Massegwokmek élpayheykekxa apkelwáxok ma'a apyókxoho énxet'ák!

Jueces 9:15

Tén axta yámet ekha nak am'ák ektáha éláneya, kélmenyeyk sa' agkok atnehek wesse' apwányam kélagkok, kélyókxoho sa' kólhakha chá'a kóneg pessesse ahagkok; megkólmenyeyk sa' agkok atnehek wesse' apwányam kélagkok, atekkesek sa' táxa yaqwayam kalwatnek ma'a ekyókxoho cedro yámet élaqnéyak nak Líbano.