Cantares 2:14 - Biblia Enxet

¹⁴ “Sekpagkanma ekhémo nak wáx'ay, ekyexanmomo nak chá'a m'a neyseksa meteymog élpaqxo, tén han netnók agko' nak tén han ekxámokmakxa nak élyapwáteyak meteymog. Heyho ótak nát, heyho añak ekpeywa. ¡Tásek ko'o alanok nát xeye'! ¡Atsek nahan weyxhok ekpeywa!”

Cantares 2:14 ပူးပေါင်းရင်းမြစ်များ

Job 9:16

Eyáneyáha agkok ko'o yaqwayam ayentamok ma'a sẽlyekpelchémókxa nak, apwokmek agkok ma'a, megyeyxók ma'a sekpeywa.

Salmos 110:3

Epasmekxak sa' énxet'ák apagkok peya enxoho yempakha'. Etépekxak sa' aqsa chá'a wokma'ák apagkok yókxoho ekhem ma'a egkexe élpagkanamaxche nak, ektémól'a yálye ektéyeykmohol'a amonye' ekteyapma ekhem.

Salmos 22:3

Appagkanamap akke exchep; Wesse' apwányam xép, apkelpeykessamo nak Israel.

Salmos 45:11

hakte apmenyeyk xeye' apkelano wesse' apwányam ektémakxa nak ektaqmalma; cha'a apteme exche' wesse' agkok ma'a, payhawók kalyahakxoho'.

Salmos 45:12

Peyk elsókasegmak xeye' aqsok apkelmésso naqsa m'a énxet'ák Tiro, cham'a apkelwesse'e apancha'awo nak yaqwayam kataqmalmakha awáxok kalano'.

Salmos 50:23

énxet segkésso nak chá'a ekxeyenma apwáxok, cháxa seyáyo ko'o xa. ¡Awagkashok chá'a ko'o teyp ma'a aptaqmelchásamákpoho nak chá'a sétleykha!”

Salmos 68:13

keñe kéxegke kélheykekxo aqsa m'a élyáqtamakxa nak kélnaqtósso. ¡Kelmágkek axta m'a wáx'ay apxempenák kélyepetchesso nak sawo ekmope ekmomnáwa! ¡Apwa' élyenméyak nak sawo ekyátekto ekmomnáwa!

Salmos 74:19

¡Ná hẽlwánaqma agko' aqsa negko'o! Nélyelqáxkok negko'o, máxa sapop; ¡nágyána aqsa hentók aqsok nawha'ák éllo!

Éxodo 3:6

Tén axta aptáha nahan apcháneya s'e: —Ko'o sekteme Dios apagkok ma'a apyapmeyk nano' nak xeyep. Ko'o sekteme Abraham, Isaac, tén han Jacob Dios apagkok. Appóssek axta nápat ma'a Moisés, hakte apchekak axta elanok ma'a Dios.

Proverbios 15:8

Etaqnawhok Wesse' egegkok aqsok apchaqhássesso m'a énxet élmasagcha'a nak apkeltémakxa', yetlo ektaqmeleykha apwáxok eyke chá'a emok takha' nempeywa nélmaxnagko apagkok ma'a énxet apkelpéwomo nak.

Cantares 1:15

¡Tásók agko' nak la'a exche', sekpagkanma, tásók agko'! ¡Máxa apqánet wáx'ay la'a m'a aqta'ák nak!

Cantares 1:5

Kelán'ák Jerusalén, sélpésyam eykhe ko'o, etásek eyke; Sélpésyam, hawók émpehek ma'a apkelpakxenéyak nak énxet'ák ma'a yókxexma Quedar. Etáse', máxa m'a Salomón apáwa napwe'ék apagkok kélmakheyáseykegkól'a m'a kañe' apxagkok.

Cantares 1:8

Kelán'a ektaqmalma nak neyseksa m'a kelán'ák éltaqmalma, sa' agkok kay'ásegkok xeye', kalyetlow sa' aptamnek ma'a nepkések, kalágwom sa' pa'at yát'ay apketkók eknaqtósso m'a ekpayho nak apkelpakxeneykegkaxa m'a apkeláneykha nepkések.

Cantares 5:2

Ektenchek axta ko'o, keñe ewáxok megkatyena. Ekleg'ak axta appaqméswa'akto sekpagkanma m'a teyp átog ahagkok nak. Aptáhak axta s'e: “¡Hemeykesses átog, eyáxeg, sekpagkanma, ekhémo nak wáx'ay aptaqmalma! ¡Yássessek ko'o épátek yálye! ¡Kelpexyawánteyk éwa' yálye ekteyeykmoho nak axta'a!”

Cantares 8:13

¡Xeye', ekweynchámeykha nak chá'a neyseksa pánaqte exnók, koho sekxók weyxhok ekpeywa! ¡Apkelhaxneyk xeye' eñak ekpeywa ennámakkok!

Isaías 2:21

elántexek sa' ma'a kañe' meteymog áxwa, cham'a meteymog élyawe nak áxwa, yaqwayam elyexanmok apmonye' m'a Wesse' egegkok negáyo nak, elyexanmok sa' amonye' m'a Wesse' apcheymákpoho, cham'a apkempákxo sa' néten tén han apsawheyásekxoho sa' apyawheyáseykha m'a xapop.

Isaías 51:3

Kapyóshok sa' ko'o alanok ma'a Sión, tegma apwányam apmopsagko nak apyókxoho. Namyep éltaqmalma sa' atnessásekxak ma'a ekyamáyekxa nak exma xapop yókxexma meykexa nak énxet, ektéma axta m'a Edén apkeneykekxexa axta aqsok ma'a Wesse' egegkok. Keytek sa' ekpayheykekxa egwáxok ma'a tén han negátseykha, tén han negmeneykmasso tén han negháxenmo m'a kélpáwasso ekmátsa.

Isaías 6:5

Keñe axta ektáha élchetama ewáxok se'e: “¡Ko'o laye, watsapok sa'! Ekwet'ak ahaqta'ák ahagko' ma'a Wesse' Apwányam, cham'a Wesse' ekha nak apyennaqte; ko'o sekteme énxet ekteyapmól'a chá'a appeywa ekmaso, ekhegkek ko'o nepyeseksa m'a énxet'ák élánteyapmo nak chá'a apkelpaqmeyesma ekmaso.”

Isaías 60:8

¿Yaqsa aqsok xa élchampeykha nak chá'a ekho nak yaphope, élxega nak chá'a aptémól'a wáx'ay elmeyekxak ma'a apkelyáqtamakxa?

Jeremías 48:28

Énxet'ák Moab, Kólántép tegma apkelyawe kélagkok; kólmohok kólhamok ma'a élaqneykegkaxa nak meteymog, aptémól'a wáx'ay, apkelánegwayam la'a apxanák ma'a naw'ék nak.

Jeremías 49:16

Eyaqhémo temégweykmok kéxegke m'a kéleymáxkoho nak, hakte kóleyxchek axta chá'a. Kélheykha kéxegke m'a neyseksa meteymog élyagqaxe, kélpathetmeyk ma'a naw'ék egkexe netno nak. Kéllánegweykmek eykhe kéxegke kélxanák ma'a netnók agko' nak, ektémól'a náta ekyawe, sa' eyke kólenyék alántekkesek ko'o kéxegke m'a. Ko'o sekxeyenma xa, sektáha nak Wesse'.

Ezequiel 7:16

Elyexánegwók sa' eykhe nahan nápakha m'a neyseksa nak meteymog élekhahéyak, aptémól'a m'a wáx'ay apyegwaktól'a, apyókxoho sa' eletsapok eñama apkeltémakxa melya'assáxma.

Daniel 9:7

Wesse' egegkok, xép apteme appéwomo, keñe negko'o nenteme nak énxet'ák judíos, nélmegqaktegkek kaxwo'; weykekxók ma'a apheykha nak Jerusalén tén han ma'a pók énxet'ák nak Israel, tén han ma'a apheykha nak keto' keñe han ma'a apheykha nak makhawo', apheykha nak ma'a apkelókxa apkexakhagweykenxa axta exchep eñama apkenmexeykekxa'.

Abdías 1:3

Apcheymákpoho keñamak megyaqhémo aptémakxa. Aphegkek xép ma'a neyseksa nak meteymog áxwa, cham'a netnók agko' nak egkexe, cháxa keñamak apkenagkama nak xép méko kategkesek.