Cantares 2:13 - Biblia Enxet

¹³ Yexneyk kaxwók ma'a higo yámet, kempássek ekpaqneyam ma'a anmen yámet kélcheneykekxa. “Katnemekxa néten, sekpagkanma; nók, ólxog.

Cantares 2:13 ပူးပေါင်းရင်းမြစ်များ

Cantares 1:15

¡Tásók agko' nak la'a exche', sekpagkanma, tásók agko'! ¡Máxa apqánet wáx'ay la'a m'a aqta'ák nak!

Cantares 2:10

Aptáhak seyáneya sekpagkanma s'e: “Kampekxa néten sekpagkanma; nók, ólxog.

Cantares 2:15

Kólma sa' yammáleg, yammáleg étkók, ektawáseykencha'a nak negko'o anmen yámet negkeneykekxa' kaxwe nak élyapwéyak.

Cantares 6:11

Ekmeyákxeyk axta ko'o m'a apkemhakxa nak yányetsene apto sekmako alanok ma'a yenta'a kaxwe nak ekyápaqmáteykegkokxa áwa' aqsok ma'a yókxexma ekyapwátegweykenxa nak xapop; tén han sekmako alanok kaxwe éltektépeykekxa m'a anmen yámet tén han yántakyexna exnamok.

Cantares 7:8

Xénchek ko'o ewáxok wántek ma'a yátapa'ag tén han anakxek ma'a apyexna ekpasmagamaxche nak. Katnehek sa' nam'agkok ma'a ektémól'a anmen yámet ekyexna ekpasmagamaxchel'a mók; tén sa' énnama katnehek ma'a ektémól'a manzana ekpaqneyam ekmátsa;

Isaías 18:5

Penchessek sa' agkok élyapwe m'a anmen yámet kélcheneykekxa, ekyaqmagkasa enxoho m'a ekyexna nak, kólyaqténchesagkok sa' aktegák sawo amonye' yaqwayam kammok ekhem eknakxamáxchexa, kólyaqténchesek sa' keñe sa' kólchexakkasek.

Isaías 61:11

Hakte sa' etnéssesek Wesse' egegkok etekkesek ekpéwomo nentémakxa apagkok ma'a ektémól'a kalántekkesek aqsok kélcheneykekxa m'a xapop, tén han ma'a ektémól'a kaltektepagkok aqsok kélcheneykekxa m'a namyep étkok, apyókxoho énxet sa' elmeneykmaksek negmeneykmasso nak nélpeykessamo.

Oseas 14:6

kalwegqak sa' aktegák éltaqmalma ektémól'a olivo yámet aktegák, kaxhok sa' ekpaqneyam ma'a ektéma nak yámet cedros élámha nak ma'a Líbano.

Hageo 2:19

Kóllano, sakhem sa' keynhok exek hótáhap apaktek ma'a kélxátamakxa nak chá'a. Megkeyxnak eykhe makham ma'a anmen yámet, tén han higo yámet, tén han yántakyexna, tén han olivo; sakhem sa' eyke ko'o weynhok agkések ektaqmalma kélheykha.”