Cantares 1:8 - Biblia Enxet

⁸ Kelán'a ektaqmalma nak neyseksa m'a kelán'ák éltaqmalma, sa' agkok kay'ásegkok xeye', kalyetlow sa' aptamnek ma'a nepkések, kalágwom sa' pa'at yát'ay apketkók eknaqtósso m'a ekpayho nak apkelpakxeneykegkaxa m'a apkeláneykha nepkések.

Cantares 1:8 ပူးပေါင်းရင်းမြစ်များ

Salmos 16:3

Kalyeyha'ak ma'a aqsok kéláyókxa nak apchókxa, etnehek chá'a elxének ma'a ekleklamo nak chá'a apkelwáxok elyetlakxa',

Salmos 45:11

hakte apmenyeyk xeye' apkelano wesse' apwányam ektémakxa nak ektaqmalma; cha'a apteme exche' wesse' agkok ma'a, payhawók kalyahakxoho'.

Salmos 45:13

¡Cháxa ekxegakmo wesse' étkok xa, tásók agko'! ¡Sawo ekyátekto ekmomnáwa kélyetnaqte m'a ektaxno nak!

Proverbios 8:34

Apkeleñémo énxet ektáha nak apháxenmo sekpeywa, apkenmeykha nak átog exagkok yókxoho ekhem sélhaxneykha.

Cantares 1:15

¡Tásók agko' nak la'a exche', sekpagkanma, tásók agko'! ¡Máxa apqánet wáx'ay la'a m'a aqta'ák nak!

Cantares 2:10

Aptáhak seyáneya sekpagkanma s'e: “Kampekxa néten sekpagkanma; nók, ólxog.

Cantares 4:1

¡Tásók agko' nak la'a exche', sekpagkanma, tásók agko'! Máxa apqánet wáx'ay la'a elyagqak aqta'ák ma'a teyp nak eyáhakkasso nát apáwa apkexyawe; máxa yát'ay apketkók apkelnextegeykhal'a néten meteymog élekhahéyak Galaad ma'a áwa' nak.

Cantares 4:10

¡Atsek chá'a exche' héláxñesha, eyáxeg, sekpagkanma! ¡Atsek agko' chá'a héláxñesha, yeykhágweykmók ma'a ekweykenxal'a ekmátsa m'a vino, Atsók agko' nahan ekpaqneyam ma'a sokmátsa agkok, yeykhágweykmók ma'a ekyókxoho aqsok élmátsa nak élpaqneyam!

Cantares 4:7

¡Tásók agkók xe', sekpagkanma; tásek ekyókxoho ekyókxa! ¡Méko exche' xama enxoho eyesagkexa émpehek!

Cantares 5:9

Kelán'a ektaqmalma nak neyseksa m'a ekyókxoho kelán'ák éltaqmalma, ¿Háxko apteme exche' ekpagkanma nepyeseksa m'a pók wokma'ák nak? ¿Háxko apteme exche' ekpagkanma éltamho nak óltennaksek xa ektáhakxa nak ekpeywa?

Cantares 6:1

Kelán'a ektaqmalma nak neyseksa kelán'ák éltaqmalma ¿Háxko exchek apmahágkaxa ekpagkanma? ¿Háxko exchek appéwókxa apxega? ¡Agyetlók sa' negko'o exche' agketmok!

Jeremías 6:16

Aptáhak Wesse' egegkok apkeláneya énxet'ák apagkok se'e: “Kólchaqnágwom hana ámay, kóllano sa', kóltegyaha sa' amya'a m'a nanók ámay axta, háxko ekyetnamakxa m'a ámay ektaqmalma nak; kólyetlakxa sa' ma'a, keñe sa' kólwetekxak kéllókasso kélyampe.” “Axta eyke aptáhak apkelpaqmeta s'e: Ma', magmakók negko'o ólyetlakxak ma'a.”