Cantares 1:16 - Biblia Enxet

¹⁶ ¡Aptásók apagko' nak la'a exchep, sekpagkanma, aptásók apagko'! ¡Pa'at ekpayhe ektaqmalma áwa' sa' katnehek ma'a negyetnamakxa néten!

Cantares 1:16 ပူးပေါင်းရင်းမြစ်များ

Salmos 110:3

Epasmekxak sa' énxet'ák apagkok peya enxoho yempakha'. Etépekxak sa' aqsa chá'a wokma'ák apagkok yókxoho ekhem ma'a egkexe élpagkanamaxche nak, ektémól'a yálye ektéyeykmohol'a amonye' ekteyapma ekhem.

Salmos 45:2

¡Xép apteme aptaqmalma apagko' nepyeseksa m'a énxet'ák! ¡Tásek chá'a katnehek appeywa! Cháxa keñamak apteméssessama nak apkeleñémo Dios megkatnégwayam néxa.

Cantares 1:15

¡Tásók agko' nak la'a exche', sekpagkanma, tásók agko'! ¡Máxa apqánet wáx'ay la'a m'a aqta'ák nak!

Cantares 2:3

Máxa yámet manzano émhal'a neyseksa yenta'a élyawe naxma aptemék nepyeseksa apnámakkok wokma'ák ma'a sekpagkanma nak. ¡Atsek chá'a axek ma'a kóneg pessesse agkok nak! ¡Atsek chá'a atwok ma'a ekyexna nak!

Cantares 2:9

Máxa popyet ma'a sekpagkanma nak, máxa m'a popyet apketchetsék la'a. ¡Apkenegwa'akteyk kaxwók xa teyp átog nak, apkelteyanyáha chá'a átog étkok, apkelmallahancháseyha chá'a apkelyeheykha m'a élyagqáxeykha nak!

Cantares 3:7

¡Neykhe Salomón apchántél'a! Appasmokmek nahan apxegakmo sesenta sẽlpextétamo apkelyennaqte apagko' nak ma'a Israel;

Cantares 5:2

Ektenchek axta ko'o, keñe ewáxok megkatyena. Ekleg'ak axta appaqméswa'akto sekpagkanma m'a teyp átog ahagkok nak. Aptáhak axta s'e: “¡Hemeykesses átog, eyáxeg, sekpagkanma, ekhémo nak wáx'ay aptaqmalma! ¡Yássessek ko'o épátek yálye! ¡Kelpexyawánteyk éwa' yálye ekteyeykmoho nak axta'a!”

Cantares 5:5

Tén axta sekhákxo néten peya ameykessesek átog ma'a sekpagkanma. Eklegágkók axta nahan ekpálwa'akto emék tén han ephék élsekkeneykenta m'a yámet ánek ekmátsa nak ekpaqneyam, tén han ma'a nenleklamakxa nak átog. ¡Xama axta sekleg'a appeywa máxa axta entáhak peya enxoho watsapok! Ekmeykessessek axta átog ma'a sekpagkanma, méko axta eyke m'a apkenmágkaxa axta. Étamchek axta, maxta eyke óteyákxa'. Ekwóneyha axta eykhe nahan maxta heyátegmowágkok.

Cantares 7:6

Sekpagkanma, kelán'a ekleklamo nak chá'a ewáxok alano'. ¡Tásók agko' nak la'a exche', ektaqmelakxoho agko' nak la'a!

Zacarías 9:17

¡Tásók agko' sa' katnehek ma'a negókxa! Tásek sa' katnehek apkektega m'a wokma'ák egagkok tén han ma'a kelán'a étkók, hakte katawagkok sa' ma'a hótáhap apaktek keynagkok sa' nahan ma'a vino.