Amós 9:5 - Biblia Enxet

⁵ Appaknegwokmók xapop ma'a Wesse' egegkok, Dios ekha nak apyennaqte, keñe élpatyapa, apkellekxagweyha nahan apyókxoho énxet'ák apheykha nak ma'a kañe'. Meyákxeyk chá'a néten ma'a xapop, keñe ekweywento nahan chá'a, ektémól'a kamyekxak néten yegmen ma'a Nilo, tén kaweywenták chá'a.

Amós 9:5 ပူးပေါင်းရင်းမြစ်များ

Salmos 104:32

Kalpexyennók chá'a xapop apkelano enxoho chá'a; ¡kalpaqnek chá'a néten egkexe apkelpaknegwokmoho enxoho chá'a!

Salmos 144:5

Wesse', emeykásekxa néten, keñe sa' eweywenta'; elpaknegwomho egkexe, yaqwayam sa' kalpaqnek;

Salmos 32:6

Cháxa keñamak peya nak chá'a ewónmakha exchep ekwa'a enxoho chá'a ekmaso apheykha m'a melyenyaweykha nak chá'a exchep, katyapok sa' eykhe m'a yegmen ekmattawóneg nak, megkammók sa' eyke m'a apheykegkaxa nak.

Salmos 46:6

Kalpayheykha chá'a apatña'ák énxet'ák, elpexyennók chá'a énxet apheykha nak apkelókxa, kapaqxek chá'a xapop apkellegásawo enxoho chá'a appeywa énxet'ák ma'a Wesse' egegkok.

Salmos 97:5

Máxa pápa' chá'a katnehek kalpayhekxak nápaqtók Wesse' egegkok ma'a meteymog élwenaqte nak, nápaqtók ma'a apagkok nak ekyókxoho keso náxop.

Isaías 64:1

Egmenye nak la'a negko'o elyeptek néten, keñe eweywenták kalpexyennók nápaqtók ma'a meteymog élekhahéyak nak,

Jeremías 12:4

¿Háxko sa' ekwánxa ekhem kammok ekyamaye xapop, tén han élyamaye pa'at ma'a yókxexma? Keletsepmeyk aqsok kélnaqtósso, tén han náta, eñama apkeltémakxa ekmaso m'a énxet'ák apheykha nak apchókxa, apkenagkama nak xép meteyk ma'a aqsok apkeláneyak.

Oseas 4:3

Cháxa keñamak ekyaqhapmo nak exma xa apchókxa nak; massegkek ekha apkelyennaqte m'a apheykha nak ma'a; keletsepmeyk han ma'a aqsok nawha'ák éllo, náta, tén han kelasma, ekhéyák nak wátsam ekwányam.

Amós 8:8

¿Megkayawheykhaya sa' xapop eñama ekyókxoho s'e aqsok nak? ¿Mellekxagwahaya sa' apyókxoho énxet'ák apheykha nak ma'a kañe'? ¡Kamyekxak sa' chá'a néten ma'a xapop, tén sa' kaweywenták chá'a, ektémól'a kamyekxak néten yegmen ma'a Nilo, tén kaweywenták chá'a!

Nahúm 1:5

Kalpexyennók chá'a apmonye' m'a meteymog élwenaqte nak; kalpayhekxak chá'a apmonye' m'a xapop élekhahéyak nak. Kayawheykha chá'a xapop ekwet'a enxoho; tén han ma'a ekyókxoho yókxexma nak keso náxop, ekweykekxoho m'a ekhéyak nak awáxok.

Nahúm 1:6

¿Yaqsa megkatsepek ma'a aplawa enxoho? ¿Yaqsa awanchek kalenmaxaxkohok ma'a aplo nak? Máxa táxa eyáléwe katnehek kapayhekxak ma'a aplo, kamayhekxak chá'a neyseksa apmonye' m'a meteymog.

Habacuc 3:10

Kelpexyennegkek han meteymog élekhahéyak ekwet'a; wéweynteyk han mámeye ekyawe agko' eñama m'a néten, páweyk han awáxok ma'a wátsam ekmattawóneg agko' nak, kelnextegkessek élyaqyahayam élyawe agkok.