Amós 9:3 - Biblia Enxet

³ Apkelyexánegwokmek sa' agkok nahan ma'a naw'a nak egkexe Carmelo, amhagkok sa' nahan ko'o alchetmok ma'a; éxánegkessekmek sa' agkok nahan ma'a kañók agko' nak wátsam ekwányam, wáphaksek sa' ko'o yegmen askok ekyawe kay'ammok ma'a, tén sa' katnéssesek nápakha apketkok;

Amós 9:3 ပူးပေါင်းရင်းမြစ်များ

Génesis 3:8

Apleg'ak axta énxet, tén han aptáwa' apweynchámeyncha'a Dios Wesse' egegkok yókxexma ektaqmalma, cham'a ekweykenxal'a kaxchahámha taxnám, tén axta ényahágko élyexánegkessekmo neyseksa yámet élaqnéyak axta m'a yókxexma ektaqmalma.

2 Samuel 22:46

kalyelqaxchek chá'a apkelwáxok hélanok énxet'ák apkeleñama nak mók nekha, elpexyennók chá'a elántépok ma'a apkelyexanmomakxa nak chá'a.

Job 22:13

Apxeyenmeyk xép méteya m'a Dios, apxeyenmeyk ektawassáseykencha'a apmáheyo ékpelkohok ma'a yaphope ekyentaxno nak, mopwanchek xép exének méteya m'a Dios, hakte apweynchámeykha m'a néten nak.

Job 34:22

Méko ekyáqtésso exma ekyentaxno agko' awanchek kakpósek ma'a ekmaso nak aptémakxa'.

Salmos 68:23

yaqwayam sa' kólyássesek kélmagkok éma apagkok ma'a kélenmexma nak, tén han keynagkok ma'a kélnaqtósso semheg nak.”

Isaías 27:1

Elyetxák sa' sókwenaqte apagkok Wesse' egegkok yéwa ekwányam ekwesey nak Leviatán xa ekhem nak, cham'a sókwenaqte apagkok ekmahamta nak, tén han ekyawe, ekha nak ekyennaqte, yéwa ekwányam élyaqseykekxohol'a, yéwa ekwányam ekpexyaweykegkohol'a náxop kaxog, yaqhek sa' nahan ma'a yegmen askok ekyawe ekyetnama nak ma'a wátsam ekwányam.

Jeremías 16:16

“Ektáhak ko'o sekpeywa s'e sektáha nak Wesse': ‘Wának sa' ko'o elxegmak apxámokma m'a aptegyéyak nak kelasma, yaqwayam sa' etegyagkok ma'a israelitas ektémól'a antegyek kelasma. Keñe sa' natámen wának elxegmak apxámokma m'a apkelnempaqwáméyak, yaqwayam sa' elnempaqwomagkok, tén han élántekkesek apyókxoho m'a élámhakxa nak meteymog élwenaqte tén han egkexe ekweykekxoho m'a meteymog élyagqaxe nak.

Amós 1:2

Xama axta éxtegyawa appeywa Wesse' egegkok appaqmeta m'a egkexe Sión, cham'a Jerusalén nak, kelyameygkek axta pa'at ma'a yókxexma, yamakak axta nahan exma m'a naw'a nak egkexe Carmelo.