Amós 8:11 - Biblia Enxet

¹¹ Xegakmek ekhem yaqwánxa sa' ko'o wáphaksek meyk segaqhe xapop kélagkok —axta aptáhak Wesse' egegkok—; háwe eyke m'a meyk segaqhe negmáyhél'a nento, tén han segaqhél'a ekhem, eyke m'a negmámenyéhol'a ageyxhok ma'a Wesse' egegkok appeywa.

Amós 8:11 ပူးပေါင်းရင်းမြစ်များ

2 Crónicas 15:3

Ahóxók agko' apteme meyke Dios apagkok apmámnaqsoho m'a Israel, tén han meyke apkelmaxnéssesso Dios énxet'ák apagkok yaqwayam elxekmósek chá'a, keñe han meyke kélxekmowáseyak eñama nak Dios.

Salmos 74:9

Massék kaxwók nélwet'a m'a aqsok élpagkanamaxche' nélmeykegkaxa nak chá'a ólpeykesho'; méko kaxwók xama enxoho m'a aplegasso nak appeywa, magya'ásegkok han yaqwánxa katnégwók néxa xa.

Proverbios 29:18

Kayeykhágwomhok agko' chá'a apkeltémakxa élyeyháxma énxet'ák meykexa enxoho chá'a appékessáseyak ma'a Dios; ¡apkeleñémo énxet'ák apkelyeheykekxoho nak chá'a Dios segánamakxa apagkok!

Isaías 5:6

ektaqmópeyak sa' atnessásekxa'. Megkólyaqténchesagkek sa' nahan chá'a m'a axchakkok, megkólápetchesek sa' nahan chá'a m'a pa'at, kápekxak sa' ma'a am'ák tén han ma'a ekmompánaqma nak. Wának sa' nahan ko'o megkáphássesek ekmámeye m'a yaphope, yaqwayam sa' megkayássese'.

Ezequiel 7:26

Katekxeyegmohok sa' mók kaxegmak ma'a nenlegeykegkoho ekmaso nak tén han ma'a amya'a ekmaso nak. Kaqhok sa' etegyagkok chá'a Dios appeywa aplegasso yaqwayam yának exekmósek chá'a aqsok; méko sa' xama enxoho apkelmaxnéssesso Dios énxet'ák apagkok apmopwána elxekmósek, méko sa' nahan xama enxoho apkelámha apmonye'e egkések chá'a apkelpeywa.

Oseas 2:3

Sa' agkok katnahak xa ektáha nak, meyke apáwa agko' sa' atnéssesek ekyókxa'; sa' atnéssesek ma'a ektémakxa axta sekxók ektéyeykmo, sa' atnessásekxak ma'a ektémól'a yókxexma meykexa énxet, ekyamáyo agko' la'a xapop, wának sa' katsapok hem eyaqhe.

Miqueas 3:6

“Kamaskok sa' kéxegke kólwetak aqsok kélxekmóssamo axta'a, megkólxének sa' nahan chá'a yaqwánxa katnehek egmonye' ekyáqtésakxaxma.” Kamassegwók sa' kéláyo xa apkellegasso nak sekpeywa apkelmopwancha'a amya'a, kápok sa' aqsa ekyáqtéssóxma.

1 Samuel 28:15

Keñe axta Samuel aptáha apcháneya s'e: —¿Yaqsa ektáha sélya'asa nak exma seyáneyancha'a amyenták se'e? Aptáhak axta Saúl apchátegmowágko: —Awanhók agko' ko'o ekyentaxno ewáxok, ektamokmek ma'a filisteos, eyenyókek han ma'a Dios. Massegkek seyátegmowéyak, massegkek han apkelásenneykekxa héltennaksek ma'a apkellegasso nak appeywa, mehexekmóssók han ma'a sekwanmagko. Cháxa keñamak seyáneyáncha'a nak xép, yaqwayam hexekmósek eyeyméxchexa alána'.

1 Samuel 28:6

Yetlókok axta han apkelmaxneyeykha Wesse' egegkok, axta eyke yátegmowágkok, axta han ét'ak ma'a apwanmagko enxoho, axta han kaxekmowásak ma'a Urim, axta han eltennásak ma'a apkellegasso nak Dios appeywa.

1 Samuel 3:1

Apkelenxáneykmók axta aptamheykha sakcha'a Samuel ma'a nápaqtók Wesse' egegkok, Elí axta eyke apkeltennassók chá'a yaqwánxa etnehek. Asexteyk axta han ekwetamaxche chá'a egkések appeywa Wesse' egegkok xama énxet xa ekhem nak; axta han kótémaxchek chá'a exekmósakpohok xama énxet.