Amós 8:10 - Biblia Enxet

¹⁰ Kéllekxagweykegkaxa eñama apkeletsapma énxet sa' atnessásekxak ma'a ekhem kélessawassessamókxa nak chá'a, keñe sa' kélmeneykmasso katnekxak ma'a senlapweykenxa; wának sa' ko'o kólántaxnekxak kéxegke m'a apáwa sẽlwáxaqxamo nak, tén han kólmopaksohok kélyese magkenatchesso éllapwámegko. Máxa sa' kóltéhek kóllekxagwaha m'a aptémól'a énxet elekxagwaha exyánegkesek apketche apteme nak wánxa xama apagko', kélyókxoho sa' kalyélaqtések kéllegeykegkoho ekmáske.

Amós 8:10 ပူးပေါင်းရင်းမြစ်များ

Génesis 21:16

hakmek axta han yám makhawo, hakte axta kaltamhók katagkohok yetsapok sakcha'a. Xama axta ekha, yetlókok axta apwóno m'a sakcha'a.

Job 20:23

Apkelenxanakmek sa' agkok elanaksek apwokmo, Dios sa' yahak aplo: yáhakkasseták sa' aplo.

Job 3:5

¡Tásók axtal'a kápok pessesse yaqwayam kayáqtéssesek exma, essenhan kápok yaphope ekpésyam, essenhan kaspónak ekhem keygwakkasek!

Job 30:31

Sélekxagweykha tamheykekxak sekháxenmo m'a arpa appáwà nak, keñe yámámok ekpáwà ektamheykegko sélapwayam.

Isaías 3:24

Kampak sa' ekpaqneyam ekmanyása ekyaqmageykekxa m'a sokmátsa; keñe sa' éltétamáxche katnehek ekyaqmageykekxa m'a táma'; keñe sa' ma'a éltaqmalma nak chá'a áwa', kayaqmagkasek ma'a meyke áwa' akqatkok; keñe sa' élántaxno apkelexyawáyól'a, etnehek apyaqmageykekxa m'a apáwa sẽlwáxaqxamól'a; keñe sa' ma'a éltaqmalma nak, kayaqmagkasek kélqaháseyak.

Jeremías 2:19

Kéltémakxa ekmaso kélagko' sa' kéxegke kallegassásegkokxa', kélyamasma kélyetleykha Dios sa' kalsexnena'. Kalchetam sa' kélwáxok keñe sa' kólya'ásegwók asagkek ko'o hélyenyók, tén han askehe', tén han mehélakawo enxoho, ko'o sektáha nak Dios Wesse' kélagkok. Ko'o sekxeyenma xa, sektáha nak Wesse' ekha sekyennaqte.

Jeremías 48:37

Apkelmópésawók apagko' apkelyese énxet'ák, apkelyéseságkek han áwa' apatña'ák, apyókxoho nahan apkelpexyekháseyha apmék, tén han apkelántaxneykxo m'a apáwa sẽlwáxaqxo nak.

Jeremías 6:26

¡Énxet'ák ahagkok, kólántaxnekxa apáwa sẽlwáxaqxamo nak, magkenatchesso kéllegagkoho ekmáske; kólpexyawha neyseksa táhap, kallapwomák, nágkóleysagkoho kóllekxagwaha, ektémól'a yetsapok xama kélketche apteme nak wánxa xama apagko'; hakte kaxwo' sa' elwak ma'a apmáheyo nak hegmasséssók!

Lamentaciones 5:15

Massék kaxwók élpayheykxo egwáxok; ekyaqhápeykha egwáxok tamheykekxak ma'a nennéweykha ekmátsa axta.

Ezequiel 7:18

Elántaxnekxak sa' ma'a apáwa sẽlwáxaqxamól'a magkenatchesso éllegágkoho apkelwáxok; kalpexyennók sa' ekyókxoho apyempe'ék, elxog sa' yetlo élyexwáseykekxa nápaqta'a apkelmegqakto, tén han élmópeyo agko' apkelyese.

Ezequiel 7:2

“Ektáhak ko'o seyáneya apchókxa Israel se'e, ko'o sektáha nak Wesse': Wokmek kaxwók néxa, wokmek kaxwók néxa ekyókxoho keso náxop.

Oseas 2:11

Amasséssessók sa' ekpayheykekxa awáxok, tén han ma'a élsawássessamókxa nak chá'a, tén han ma'a pelten aphaxnagkok, tén han ma'a ekhem sábados, tén han ma'a ekyókxoho élsawássessamókxa nak chá'a ekhem.

Oseas 2:13

Añássesagkohok sa' ko'o ektémakxa axta m'a nentámen axta élméssama axta chá'a kéleykmássesso m'a aqsok ekmátsa nak ekpaqneyam éten agkok, élnáxegkáseykencha'a axta chá'a élatchessessama aphék ma'a élatchesso aphék, tén han élnatanma, yaqwayam kalyetlók ma'a élpathetéyak nak chá'a, ekmassama axta ekxeyenma awáxok ko'o. Ekxénchek ko'o xa, sektáha nak Wesse'.

Joel 1:8

Máxa kelán'a étkok élekxagweykhal'a apketsapma ekpagkanma, ektaxneykekxal'a apáwa senlapwayam

Levítico 13:40

“Teyekmek agkok apwa' xama énxet, ektáha enxoho meyke áwa' apqátek, eyáxñeyo apyempehek xa.

Amós 5:21

“Ataqnawhok agko' ko'o m'a ekhem kélessawássessamókxa nak chá'a; megkalchek ewáxok ma'a ektémakxa nak chá'a kélaqneykekxa hélpeykesho'.

Amós 5:23

¡Kólmohok makhawo' kólmeneykmássók! ¡Mómenyeyk ko'o kaxwók añak apkelpáwá arpa kélagkok!

Amós 8:3

Kéllekxagweykha sa' katnekxak élmeneykmasamáxchexa nak chá'a tegma apyawe xa ekhem nak. Apxámok sa' énxet eletsapok, kalwanagkohok sa' aqsa exma kólchexák yókxexma m'a aphopák nak. Wesse' egegkok apxeyenma xa.

Nahúm 1:10

Máxa am'ák eknaqtétamáxche sa' kóltéhek kólmétek kélyókxoho, tén han ektémól'a pa'at apák.

Zacarías 12:10

Ayánchesseshok sa' ko'o sekmésso apmopyóseka elanok apnámakkok tén han apkelmaxneyéyak ma'a David aptawán'ák neptámen nak tén han ma'a énxet'ák apheykha nak Jerusalén. Keñe sa' elanok chá'a m'a ektáha nak chá'a apkelyetxaqxo, tén sa' kallapwomagkok, ellekxagwaha sa' elano'. Máxa sa' etnéssesek ma'a aptémól'a yetsapok kélketche aptemél'a wánxa xama apagko' essenhan ma'a kélketche átnaha apketkok la'a.

Deuteronomio 16:14

Kalpayhekxa sa' kélwáxok neyseksa xa kélessawássessamo nak yetlo kélketchek tén han ma'a kélásenneykha naqsa nak, tén han yetlo m'a levitas, tén han ma'a énxet'ák apkeleñama nak mók apkelókxa, tén han ma'a élyeheykha nak tén han ma'a xentampe'e ekheykha nak ma'a kañe' tegma apwányam kélagkok.