Amós 7:17 - Biblia Enxet

¹⁷ Keso aptáhakxa nak appeywa Wesse' egegkok se'e: ‘Kelán'a ekyaqmagkáseyak pók énxet ektegye selyaqye sa' katnehek aptáwa' exchep ma'a nepyeseksa nak tegma apwányam, keñe sa' apketchek apkelennay'a tén han kelwán'ák, kólyetxeygkok chá'a sawo kólnápok; xama aqsok sa' katwasaxchek kólexpánchesek ma'a xapop apagkok, yetsapok sa' xépxa m'a xapop apagkok nak énxet'ák melya'áseyak nak Dios, keñe sa' israelitas elmakpok, kólnaqlók makhawók agko' ma'a apchókxa.’

Amós 7:17 ပူးပေါင်းရင်းမြစ်များ

2 Reyes 17:6

Keñe ekweykmo axta nueve apyeyam apteme wesse' apwányam Oseas, apmomchek axta wesse' apwányam Asiria m'a Samaria, keñe axta apkelmoma israelitas apnaqleykekxo Asiria, apkelhésseykmek axta m'a Halah, yókxexma nak Habor, wátsam nak Gozán, keñe han ma'a tegma apkelyawe apagkok nak medos.

Salmos 78:55

Apkelántekkessegkek axta nápaqta'awók Israel ma'a melya'áseyak nak Dios; apmelásektegkek axta xapop nepyeseksa m'a ektáhakxa nak chá'a énxet'ák apagkok, apkelheyáseykha axta han ma'a apheykegkaxa nak.

Isaías 13:16

Nápaqta'awók sa' chá'a kólyenhaksek xapop ma'a apketchek apketcheyetse nak; kólmenyexchesek sa' aqsok ma'a apxanák, kólnaqtawássesagkohok sa' ma'a apnaqteyegka'a.

Isaías 22:18

máxa aqsok ekyaqye sa' etnéssesek éttelegwasagkok, eyensók sa' ma'a ekyawakxa nak exma xapop. Sa' yetsapwók ma'a. Sa' kaxnagwók yátnáxeg apkelyenyawasso apagkok eyaqheykencha'a nak chá'a apwáxok ma'a, emegqaksek sa' xép ma'a wesse' apagkok tén han ma'a ekheykha nak apxagkok.

Jeremías 14:16

Tén han ma'a énxet'ák ektáha axta chá'a apkeltennáseykha m'a, eletsapok sa' nahan kempakhakma, tén han meyk élnapma, yetlo apnaqteyegka'a, tén han apketchek apkelennay'a tén han kelwán'ák. Kólchexák sa' aphopák ma'a ámay nak Jerusalén, méko sa' kalátawanyek. Sa' atnehek ko'o ayaqmagkásekxak ma'a apkeltémakxa ekmaso nak.

Jeremías 20:6

Keñe sa' xép Pashur, kólyentemekxak sa' ma'a Babilonia, yetlo m'a ekyókxoho apnámakkok. Sa' yetsapwók ma'a, sa' kólátawanyegwók nahan xép ma'a, yetlo m'a apyókxoho apkelxegexma'a, cham'a apkellegassama axta chá'a exchep ma'a amya'a megkamámnaqsoho.’”

Jeremías 28:12

Yáma wenaqtémók axta nahan natámen aplekkessama axta Hananías aqsok ekyentaxno nápenyétek ma'a Jeremías, tén han apkelekkexchessama axta, appaqhetchessek axta Wesse' egegkok Dios appeywa aplegasso Jeremías. Axta aptáhak apcháneya s'e:

Jeremías 28:16

Cháxa keñamak aptáha nak appeywa Wesse' egegkok se'e: ‘Wának sa' xép kamassegwók apweynchámeykha keso náxop. Yetsapok sa' xép se'e apyeyam nak, hakte appeywa chá'a exchep keñamak sénmexeykekxo ko'o m'a énxet'ák nak.’

Jeremías 29:21

“Aptáhak apxéna Wesse' ekha nak apyennaqte, Dios apagkok nak Israel ma'a Ahab, Colaías axta apketche, tén han ma'a Sedequías, Maaseías axta apketche, apkeltennassama nak chá'a kéxegke aqsok megkamámnaqsoho, apxeyenma m'a Wesse' egegkok appeywa: ‘Wának sa' ko'o elmok ma'a Nabucodonosor, wesse' apwányam nak Babilonia, elnápok sa' kélnápaqta'awók kéxegke.

Jeremías 29:25

“Aptáhak Wesse' ekha apyennaqte, Dios apagkok nak Israel se'e: ‘Apcháphássessek xép weykcha'áhak aptáxésso apagko' ma'a apyókxoho énxet'ák apheykha nak Jerusalén, tén han apkelmaxnéssesso Dios énxet'ák apagkok Sofonías, Maaseías axta apketche, tén han ma'a apyókxoho apkelmaxnéssesso Dios énxet'ák apagkok apkelxegexma'a nak. Axta aptáhak xép aptáxéssesso Sofonías se'e:

Lamentaciones 5:11

Kélnaqtawáseykegkók kélteméssesseykmoho exma kelán'ák tén han kelán'a étkók ma'a Sión tén han tegma apkelyawe nak Judá.

Ezequiel 4:13

Tén axta aptáha Wesse' egegkok se'e: “Nento ekmanyása ektéma nak xa, sa' etawagkok énxet'ák Israel ma'a apkelókxa yaqwánxa nak ko'o alya'aksek alántekkesek.”

Oseas 9:3

Emyekxak sa' makham Efraín ma'a Egipto, Etáswakxak sa' nento élmanyása m'a Asiria. Mexnakha sa' kaxwók ma'a Wesse' egegkok apchókxa nak:

Amós 6:7

Kéxegke sa' kélmonye'e kólnaqlakxak megkatnahakxa kélókxa, kamaskok sa' ekyennameykha exma neyseksa kélláneyak ektámáxche ekyawe.

Amós 7:11

Hakte aptemék chá'a appaqméteykencha'a s'e: ‘Sókwenaqte sa' kólyetxák emátog ma'a Jeroboam, keñe sa' apyókxoho énxet'ák Israel kólnaqlakxak megkatnahakxa apkelókxa.’”

Amós 8:1

Keso sexekmósa axta ko'o Wesse' egegkok se'e: Yetneyk axta xama hówenaq apxagkok kélxata yámet ekyexna élmakhetma,

Amós 9:1

Ekwet'ak axta ko'o Wesse' egegkok apkenmeyncha'a nekha élwatnamáxchexa aqsok. Aptáhak axta seyáneya s'e: “Eltekpog xa élámha nak néten étseksa'ák, ekwokmoho élyawheyncha'a m'a élámha nak tegma, ¡kaláhapwaták sa' agkok nekha étkók ma'a énxet'ák! Keñe sa' ma'a meletsapma enxoho, ko'o sa' chá'a alnápok alyetxeygkok sókwenaqte, emáwhok sa' eykhe yenyahagkok mewagkasakpek sa' eyke chá'a teyp xama enxoho;

Amós 9:8

Apkelányók Wesse' egegkok se'e énxet'ák melya'assáxma nak, keñe aptáha s'e: “Amasséssessók sa' ko'o apheykha nélwanmeygkaxa xa, masawhók sa' eyke amasséssók ma'a Jacob apnámakkok. Ko'o sekxeyenma xa, sektáha nak Wesse' kélagkok.

Miqueas 1:16

Kéxegke, kélheykha nak tegma apwányam Sión, kólmopaksoho kéltegye kélyese, magkenatchesso éllapwáméyak, eñama m'a kélketchek kélásekhayo nak. Kólmopaksoho kélyese, ekwokmoho ektáha meyke agko' kélwa', ektémól'a máma apwenaqte, hakte kólnaqlakxak sa' megkatnahakxa apkelókxa m'a kélketchek nak kéxegke.”

Zacarías 14:2

Yánchásekxak sa' apyókxoho pók aptémakxa énxet'ák Wesse' egegkok xa ekhem nak, yaqwayam sa' ektámegmak elnapakpok ma'a Jerusalén. Emok sa' nahan ma'a tegma apwányam nak, esawhaksohok sa' nahan elmagkok aqsok apagkok ma'a apxanák nak, elyennaqtések sa' apyempe'ék elteméssessamhok exma m'a kelán'ák nak. Nápakha sa' nahan elmakpok énxet'ák apheykha nak xa tegma apwányam. Apkeleymomap sa' aqsa elhekxak ma'a.