Amós 7:15 - Biblia Enxet

¹⁵ Wesse' egegkok axta eyke ko'o sélwátéssesso séltaqmelchesso m'a nepkések, axta aptemék seyanagkama s'e: ‘Exeg sa' eltennassók sekpeywa m'a énxet'ák ahagkok Israel.’

Amós 7:15 ပူးပေါင်းရင်းမြစ်များ

2 Samuel 7:8

Etne sa' yának David apteme nak ko'o séláneykha sektáha seyáneya s'e, sektáha nak Wesse' ekha sekyennaqte: ‘Ko'o axta sektekkesso m'a apkelyáqtamakxa axta nepkések, keñe han sélwátessessama apkelyetleykha m'a nepkések, yaqwayam etnehek apkemha apmonye' apagkok ma'a énxet'ák ahagkok nak Israel;

1 Reyes 19:19

Apxegkek axta Elías keñe apwetágwokmo Eliseo appeynchámxa xapop. Kelxegkek axta apmonye' Eliseo doce weyke kéltéteykekxa mók, keñe apxega natámen. Apyo'ókmek axta Elías keñe apchaqlássekmo apchaqlamap.

Jeremías 1:7

Aptáhak axta eyke ko'o seyáneya Wesse' egegkok se'e: “Ná exén aqsa apteme apketkok apagko'. Emhagkok sa' chá'a exchep ma'a seyáphasakxa enxoho chá'a emhagkok, exének sa' nahan chá'a m'a séltamhókxa enxoho chá'a exének.

Jeremías 26:12

Apkelpaqhetchessek axta Jeremías ma'a apkelámha apmonye'e nak, tén han énxet'ák. Aptáhak axta apkeláneya s'e: “Wesse' egegkok ko'o seyáphasso apkeltémo axének ma'a aptáhakxa appeywa, tén han apkeltémo axének yaqwánxa katnehek se'e tegma appagkanamap nak, tén han se'e tegma apwányam nak, kélleg'a exchek kélyókxoho kéxegke.

Amós 3:8

¿Yaqsa megkalpexyennemek eyeye, ekyexweweyncha'a enxoho méwa? ¿Yaqsa megkaxénhek Wesse' egegkok appeywa apkeltamho enxoho kaxének ma'a?

1 Samuel 10:11

Keñe m'a apyókxoho ektáhakxa axta apkelweteykxa', apkelwet'a apweyhenawo apkelnextegeykha néten ma'a Dios appeywa apkellegasso, aptáhak axta chá'a apcháneya pók se'e: “¿Yaqsa ektáha Quis apketche? ¿Saúl enxeykel'a han Dios appeywa aplegasso?”