Amós 6:8 - Biblia Enxet

⁸ Naqsók aptáha appeywa Wesse' egegkok, Dios ekha nak apyennaqte s'e: “Altaqnawhok ko'o m'a éleymáxkoho nak apkelwáxok Jacob énxet'ák apagkok; megkalchek agko' ewáxok ma'a kelwesse'e apxanák apkelyawe nak; agkések sa' ko'o tegma apwányam ma'a apkelenmexma nak, yetlo m'a ekyókxoho aqsok ekhéyak nak ma'a kañe'.”

Amós 6:8 ပူးပေါင်းရင်းမြစ်များ

Génesis 22:16

Aptáhak axta apcháneya s'e: —Aptáhak Wesse' egegkok se'e: ‘Naqsók ko'o sekxéna exchep eñama apteme xa ektáha nak, memyágweykekxa apketche xama apagko'

Salmos 106:40

Apkeltaqnaweykegkek axta Wesse' egegkok ma'a énxet'ák apagkok nak, massegkek axta ekleklamo apwáxok ma'a ektáha axta apagkok;

Salmos 47:4

Ẽlyessáseykha yaqwayam anxewekxak ma'a xapop, eyaqheykencha'a nak apwáxok ma'a Jacob, apteme nak apchásekhayo.

Salmos 50:12

Meyk agkok ko'o eyaqhak, malmaxnayhek ko'o kéxegke sekto, hakte ahagkok ko'o s'e nélwanmeygkaxa nak, ekyókxoho aqsok ekhéyak nak ma'a kañe'.

Salmos 78:59

Aplamchek axta Dios apweteya xa aqsok nak, tén axta apkexakhama apagko' ma'a Israel,

Proverbios 8:13

Negáyo Wesse' egegkok, nenteme nentaqnagko aqsok ekmaso. Ataqnawhok ko'o m'a eyeymáxkoho nak egwáxok tén han magésso nak ageyxkoho', ekmaso nentémakxa tén han negmowána amya'a.

Isaías 28:1

¡Samaria laye, eyaqheykencha'a nak chá'a apwáxok ma'a Efraín, apteméssessama nak chá'a néten agko' ektaqmalma, apheykegkaxa nak ma'a énxet'ák anmen át'ák; élyamaka nak kaxwók kélnáxegkáseykha m'a pánaqte exnók, ekyetnama nak néten egkexe, néten nak ma'a xapop ekyapwate ektaqmalma, tegma apwányam élnápeykegkaxa nak vino m'a énxet!

Jeremías 12:8

Cháxa énxet'ák, aptáha axta ko'o ahagkok, máxa yámakméwa ekleykhal'a naxma kaxwók aptamhákxak sélano; apkelyexweyweyha sélano, cháxa keñamak séltaqnawaya nak.

Jeremías 22:14

Apteme nak chá'a epaqmésmakha s'e: ‘Alának sa' exagkok apyawe apagko', yetlo élyawe apwáxok ma'a néten nak.’ Elanaksek chá'a atña'ák étkók, keñe chá'a ewakhaksek elyepetchesek yámet cedro m'a nápakhaw'ék nak, keñe elyexwasaksek chá'a.

Jeremías 22:5

Keñe sa' megkólyahákxoho enxoho s'e séltennasso nak, nápakha'a apketkók sa' etnekxak se'e tegma apyawe nak. Ko'o sekxeyenma xa, sektáha nak Wesse'.’”

Jeremías 44:26

Kóleyxho sa' kélyókxoho kéxegke énxet'ák Judá kélheykha nak Egipto, sektáhakxa ko'o séláneya kéxegke, ko'o sektáha nak Wesse': Naqsók ko'o sektáha sekxéna yetlo sekxeyenma sekwesey ekteme nak ekyawe agko', méko sa' xama enxoho apkeñama nak Judá exének makham sekwesey ekyókxoho kañe' Egipto, etnehek se'e: Memassegwomek sa' chá'a Wesse' egegkok.

Jeremías 49:13

Naqsók ko'o sektáha sekpeywa s'e, sektáha nak Wesse': Yókxexma meykexa énxet sa' etnekxak ma'a tegma apwányam Bosrá, nápakha'a apketkók sa' etnehek, segestéhegkesso sẽltemessáseykekxa mékoho, tén han kéltémo hẽltemessessamhok exma ekmaso, nápakha'a apketkók sa' nahan etnekxak ma'a pók tegma apkelyawe nak megkatnégwayam néxa.”

Jeremías 51:14

Aptáhak apxéna ekmámnaqsoho Wesse' ekha nak apyennaqte s'e: “¡Wáhakkassak sa' ko'o exchep apkelenmexma, aptémól'a sawa', elátsaha sa' nepyeseksa exchep elmallánek ma'a!”

Lamentaciones 2:5

Máxa katnaha egmók aptáhak Wesse' egegkok: apmasséssekmók apagko' ma'a Israel; apkelyaqnegkásegkek ma'a apyókxoho tegma apkelyawe agkok, tén han ma'a tegma apkelyennaqte, apcha'ak meyke néxa apkellegeykegkoho ekyentaxno apkelwáxok ma'a Judá, tén han apkellekxagweykha.

Ezequiel 24:21

‘Etne sa' elának énxet'ák Israel se'e: Keso aptáhakxa exchek appeywa Wesse' egegkok se'e: Atwasha sa' ko'o tegma appagkanamap ahagkok, cham'a kélmámenyého kélagko' nak chá'a kéxegke kóllano' tén han kélásekhayo kélagko' nak chá'a, tén han éleymáxkoho nak chá'a kélpaqméteykha kólxénmakha, tén han apmésso nak chá'a kélyennaqte; katekyók sa' ma'a kélketchek kélnegkeneykekxa axta m'a Jerusalén, cham'a apkelennay'a nak tén ma'a kelwán'ák nak.

Oseas 11:6

Kempakhakma sa' katyapok ma'a tegma apkelyawe apagkok nak, kasawhaksek sa' ma'a tegma apkelyennaqte apagkok, eñama m'a aqsok ekmaso ekxeyenma nak chá'a apkelwáxok elanagkok.

Levítico 26:11

“Axek sa' chá'a ko'o kélnepyeseksa kéxegke, makxayhek sa' chá'a;

Levítico 26:30

Amasséssók sa' ko'o m'a kélpeykessamókxa nak chá'a aqsok kéláyókxa, alpáxqátek sa' chá'a ko'o neyseksa m'a kélwatnamakxa nak chá'a aqsok ánek ekmátsa nak ekpaqneyam éten agkok; athanchásekxak sa' ko'o mók kélhapák kéxegke m'a néten nak kéleykmássesso kélagkok élyaqnenéyak, altaqnaweygkok ahagko' sa' ko'o kéxegke.

Amós 3:10

Aptáhak Wesse' egegkok se'e: “Melya'ásegkok ektémakxa nak nenlane ekpéwomo nentémakxa m'a; apxatmeykegkek tegma apkelyawe apagkok ma'a aqsok apkelmenyexéyak nak chá'a eñama apkelyennaqteyáseykha, apyempe'ék.”

Amós 3:11

Cháxa keñamak aptáha nak Dios Wesse' egegkok se'e: “Ewakhak sa' kélenmexma m'a kélókxa, eyaqnegkessesek sa' ma'a kélhaxtegkesso nak ekyennaqte nepyáwa' m'a tegma apwányam kélagkok, elmagkok sa' aqsok ekhéyak nak ma'a tegma apkelyawe kélagkok.”

Amós 4:2

Naqsók aptemessásak appaqmeta Dios Wesse' egegkok apxénákpekxoho apagko' apteme aptaqmalma aptáha s'e: “Xegakmek ekhem yaqwánxa kólnaqlakxak kéxegke kólyaqxák ma'a sawo élhaxe, keñe sa' kélketchek kólásekkesek sókhaxe.

Amós 5:21

“Ataqnawhok agko' ko'o m'a ekhem kélessawássessamókxa nak chá'a; megkalchek ewáxok ma'a ektémakxa nak chá'a kélaqneykekxa hélpeykesho'.

Amós 8:3

Kéllekxagweykha sa' katnekxak élmeneykmasamáxchexa nak chá'a tegma apyawe xa ekhem nak. Apxámok sa' énxet eletsapok, kalwanagkohok sa' aqsa exma kólchexák yókxexma m'a aphopák nak. Wesse' egegkok apxeyenma xa.

Amós 8:7

Naqsók aptáha appeywa Wesse' egegkok, apxéna ektémakxa nak apcheymákpoho Jacob se'e: “Mehelwánaqmeyk sa' chá'a m'a aqsok kéllánéyak axta.”

Zacarías 11:8

Élántekkessek axta nahan apqántánxo keláneykha nepkések xama pelten, séleklágwayam axta ko'o apkeltémakxa tén han setaqnagko axta ko'o.

Deuteronomio 32:19

Aplókek axta Dios apwet'a xa, apkeltaqnaweygkek axta m'a apketchek apkelennay'a tén han ma'a kelwán'ák nak;