Amós 6:12 - Biblia Enxet

¹² ¿Apwancheya yenyahagkok yátnáxeg neyseksa meteymog? ¿Kélwancheya kólpeynchók xapop ma'a neyseksa wátsam ekwányam? ¡Pánaqte segaqhamo kélteméssáseykekxak kéxegke m'a ekpéwomo kéllánekxésso nak amya'a m'a énxet'ák, keñe m'a ektekkesso nak chá'a nentémakxa ekpéwomo kéltemessáseykekxo ekmáske!

Amós 6:12 ပူးပေါင်းရင်းမြစ်များ

Isaías 48:4

Ekya'ásegkók axta ko'o exchep apteme ekyennaqte apwáxok, tén han aphémo apyennaqte m'a sawo, tén han ekhémo ekyennaqte nápat ma'a sawo' ekyexwase,

Jeremías 5:3

Wesse', wánxa exchep aptegyeykencha'a chá'a m'a énxet apteméssesso nak chá'a ekmámnaqsoho appeywa. Apkellegassáseykegkók axta exchep; axta eyke ellegeykegkok; apmassésseykmek axta eykhe, axta eyke kalyaqwámeykegkok elya'ásegwók. Kalyéha'ak agko' apkelwáxok, yeykhágweykmók ma'a ekweykenxal'a ekyennaqte meteymog, axta emáheyók elyaqmagkasek apkelwáxok.

Oseas 10:13

Kélcheneykekxeyk eyke kéxegke ekmaso nentémakxa, kélnakxegkek ma'a megkapéwomo nak nentémakxa, kélteykegkek ma'a ekmowána amya'a nak. “Yátnáxeg apkelyenyawasso apagkok apkenchesso nak kempakhakma keñamak apcháyo tén han apxámokma kempakhakma yapmeyk apagkok

Oseas 10:4

Epaqmésmakha aqsa chá'a, héltennaksek chá'a aqsok apmopwána amya'a, exnéshok aqsa chá'a mók apkelpaqhetchásamákpoho m'a pók apkelwesse'e nak; kaxhok sa' yámet ekmaso m'a ektémakxa nak chá'a apkelánekxésso amya'a énxet'ák, ekteyapmól'a m'a kélpeynchámxa enxoho xapop.”

Amós 2:3

¡Amasséssók sa' ko'o wesse' apwányam nepyeseksa énxet'ák apagkok; waqhek sa' yetlo énxet'ák apagkok ekha nak kéláyo!” Wesse' egegkok apxeyenma xa.

Amós 3:10

Aptáhak Wesse' egegkok se'e: “Melya'ásegkok ektémakxa nak nenlane ekpéwomo nentémakxa m'a; apxatmeykegkek tegma apkelyawe apagkok ma'a aqsok apkelmenyexéyak nak chá'a eñama apkelyennaqteyáseykha, apyempe'ék.”

Amós 5:7

¡Kéxegke laye, kéltemessáseykekxa nak aqsok ekmáske m'a nentémakxa ekpéwomo, tén han kélyamasma nak ekpéwomo kéllánekxésso amya'a énxet'ák!

Miqueas 7:3

Apwancha'ak elanagkok ma'a aqsok ekmaso; eltamhok chá'a elxawagkok ekyánmaga m'a wesse' apkeláneykha nak, elmok chá'a takha' kólmések selyaqye yaqwayam mepékesók aqsok apkelxeyenma m'a énxet'ák segyekpelchémo nak, elanagkok chá'a ekxénakxa enxoho chá'a apkelwáxok elanagkok ma'a kelwesse'e nak, etwássesha chá'a apkeltémakxa énxet'ák ma'a tegma apwányam.