Amós 6:11 - Biblia Enxet

¹¹ Hakte Wesse' egegkok sa' yának kóllegássesagkohok ma'a énxet'ák apheykha nak tegma apkelyawe, tén han ma'a ketcheyetse nak, nápakha'a apketkók sa' etnekxak ma'a apyókxoho nak.

Amós 6:11 ပူးပေါင်းရင်းမြစ်များ

2 Reyes 25:9

apwatnékxeyk axta m'a tegma appagkanamap, tén han ma'a wesse' apwányam apxagkok apyawe, tén han ma'a apyókxoho tegma nak tegma apwányam, ekweykekxoho m'a apyókxoho kelwesse'e apxanák nak,

Salmos 105:16

Aptekkessessegkek axta meyk segaqhe m'a apchókxa nak, apmassésseykmek axta ekyókxoho nento,

Salmos 105:31

Appaqmeyesmeyk axta Dios, tén axta appayheykekxo apxámokma apagko' sempéhe, tén han páye m'a xapop apagkok nak egipcios.

Salmos 105:34

Appaqmeyesmeyk axta Dios, keñe axta apkelwaya sawa'; ¡apxámok apagko' axta m'a, mogwanchek axta ólyetsetek!

Eclesiastés 10:18

Énxet megkayaqwayam nak etneykha katyamok chá'a appakxanma; keñe m'a melane agko' nak aqsok, apyókxoho apxagkok chá'a etyamok.

Isaías 13:3

Élwóneyha ko'o m'a énxet'ák ahagkok apkelyennaqte nak, ekméssek nahan sekpeywa m'a kempakhakma yapmeyk ahagkok sélyéseykha nak, élpayheykekxoho nak chá'a apkelwáxok atnessásekxak kóneg ma'a sélenmexma, yaqwayam enxoho elanagkok chá'a m'a ektémakxa ko'o séllegassáseykegkoho.”

Isaías 55:11

cháxa ektémakxa nahan ko'óxa sekpeywa xa mehey'ótek aqsa makham meyke ektekkesso xama aqsok, kalának sekxók ma'a sekmámenyého nak ko'o, katnehek nahan ma'a séltamhókxa enxoho ko'o katnehek.

Oseas 13:16

Kóllegássesagkohok sa' nahan ma'a énxet'ák Samaria eñama apkenmexeykekxa Dios apagkok. Etekyók sa', sawo sa' chá'a kólyetxa', xapop sa' chá'a kólyenhaksek ma'a apketchek, tén sa' ma'a kelán'ák lós'awo nak, kólpáxqatchesagkok chá'a awokma'ák.

Amós 3:15

Amasséssók sa' ma'a tegma kélanchesso nak chá'a kammok ekhem apmopsamágexa, tén han ma'a kélanchesso nak chá'a kammok ekhem ekmexanmakxaxma, amasséssók sa' ma'a tegma apkeltaqmalma kélnáxegkáseykha nak chá'a apkelánamap ma'a yánnapóxeg apma'ák, nápakha'a apketkók sa' atnessásekxak ma'a tegma apkelyawe apkeltaqmalma nak.” Wesse' egegkok apxeyenma xa.

Amós 5:11

Megkólhakha sa' ma'a kélxanák apkeltaqmalma kélláneyak axta meteymog eñama kélnaqtawáseykegkoho m'a meyke nak aqsok apagkok tén han kéltémo elyánmagkasek chá'a hótáhap apaktek elmések kéxegke, megkólyenagkek sa' nahan vino éleñama m'a kélcheneykekxa nak.

Amós 6:8

Naqsók aptáha appeywa Wesse' egegkok, Dios ekha nak apyennaqte s'e: “Altaqnawhok ko'o m'a éleymáxkoho nak apkelwáxok Jacob énxet'ák apagkok; megkalchek agko' ewáxok ma'a kelwesse'e apxanák apkelyawe nak; agkések sa' ko'o tegma apwányam ma'a apkelenmexma nak, yetlo m'a ekyókxoho aqsok ekhéyak nak ma'a kañe'.”

Amós 9:1

Ekwet'ak axta ko'o Wesse' egegkok apkenmeyncha'a nekha élwatnamáxchexa aqsok. Aptáhak axta seyáneya s'e: “Eltekpog xa élámha nak néten étseksa'ák, ekwokmoho élyawheyncha'a m'a élámha nak tegma, ¡kaláhapwaták sa' agkok nekha étkók ma'a énxet'ák! Keñe sa' ma'a meletsapma enxoho, ko'o sa' chá'a alnápok alyetxeygkok sókwenaqte, emáwhok sa' eykhe yenyahagkok mewagkasakpek sa' eyke chá'a teyp xama enxoho;

Amós 9:9

Wának sa' ko'o kólektegaxnek ma'a énxet'ák Israel ektémól'a kólektegaxnek hótáhap apaktek ma'a xama hópenyántétkók élyagqáxeykha, meykel'a aptéyam xama enxoho m'a apaqtek.

Nahúm 1:14

Wesse' apwányam Nínive, aptáhak xép apxéna Wesse' egegkok se'e: “Mexek sa' aptawán'ák neptámen, yaqwayam enxoho katepagkok apwesey; amasséssessók sa' ma'a axanák nak aqsok apcháyókxa, cham'a kéleykmássesso nak, tén han ma'a kéleykmássesso kélheyáseykegkoho nak chá'a aqsok, sa' wátawanyek xép ma'a, hakte asagkók agko' xép aptémakxa.”

Zacarías 14:2

Yánchásekxak sa' apyókxoho pók aptémakxa énxet'ák Wesse' egegkok xa ekhem nak, yaqwayam sa' ektámegmak elnapakpok ma'a Jerusalén. Emok sa' nahan ma'a tegma apwányam nak, esawhaksohok sa' nahan elmagkok aqsok apagkok ma'a apxanák nak, elyennaqtések sa' apyempe'ék elteméssessamhok exma m'a kelán'ák nak. Nápakha sa' nahan elmakpok énxet'ák apheykha nak xa tegma apwányam. Apkeleymomap sa' aqsa elhekxak ma'a.

Malaquías 1:4

Aptemék sa' agkok énxet'ák apheykha nak Edon se'e, cham'a aptawán'ák neptámen nak Esaú: “Ẽltawassáseykha eykhe negko'o negókxa, anxátekhásekxak sa' eyke makham,” Tén sa' etnehek Wesse' egegkok se'e: “Exátekhásekxak sa' makham apchókxa m'a, atwássesha sa' eyke ko'o makham. Kaltamhaxchek sa' apchókxa ‘Apchókxa Ekmaso Ektémakxa', tén han ‘Énxet'ák Apkeltaqnagko nak Wesse' egegkok meyke néxa.”