Amós 5:5 - Biblia Enxet

⁵ Nágkólyo'ókxa m'a Betel, nágkólmeyekxa m'a Guilgal, nágkólpéwho m'a Beerseba, hakte kólnaqlakxak sa' megkatnahakxa apkelókxa m'a énxet'ák Guilgal, keñe sa' Betel etnekxak nápakha'a apketkók.”

Amós 5:5 ပူးပေါင်းရင်းမြစ်များ

Génesis 21:31

Cháxa keñamak ektéma nak ekwesey Beerseba xa yókxexma nak, hakte cháxa apteméssesakxa axta naqso' apmésso appeywa pók nápaqtók Dios xa apqánet nak.

Génesis 21:33

Apkeneykekxeyk axta han Abraham xama yámet tamarisco m'a yókxexma Beerseba, cha'a apkelpeykessamókxa axta han Wesse' egegkok, Dios memassegwayam nak.

Génesis 26:23

Axta apxeghok Isaac xa, apmahágko m'a Beerseba.

Génesis 26:33

Apteméssessek axta han Isaac ekwesey Sebá xa yámelchet nak. Cháxa keñamak ektéma nak makham apwesey Beerseba xa tegma apwányam nak.

1 Reyes 12:28

Yetlókok axta han apkeltémo kalanaxchek ánet weyke étkok kéleykmássesso sawo ekyátekto ekmomnáwa m'a wesse' apwányam, natámen ekteme élchetamso apwáxok xa ektáha nak, keñe aptáha apkeláneya énxet'ák se'e: “Israelitas, wánxa kólteme kélmeyeykekxa Jerusalén, hakte hágkaxwe kólmeyekxak ma'a. Keso aqsok kéláyókxa kélagkok se'e, ektáha axta élántekkesso m'a Egipto.”

1 Reyes 12:29

Tén axta appekkena xama m'a yókxexma Betel, keñe mók appekkena m'a yókxexma nak Dan.

2 Reyes 23:8

Keñe axta apkeltamho elchexyamok apyókxoho apkelmaxnéssesso Dios énxet'ák apagkok apkeleñama m'a tegma apkelyawe nak Judá, keñe axta apnaqtawásencha'a m'a ekyókxoho kélpeykessamókxa axta chá'a aqsok kéláyókxa ekpayho nak néten egkexe, eyeynmo m'a Gueba ekweykekxoho m'a Beerseba, cham'a apkelwatnamakxa axta chá'a aqsok ekmátsa ekpaqneyam éten agkok ma'a apkelmaxnéssesso nak aqsok kéláyókxa énxet'ák agkok, keñe han apkelyaqnegkesa m'a kélwatnéssamakxa axta chá'a aqsok ma'a kelyekhama', ekheykegko axta m'a átog apagkok axta m'a Josué, apteme axta apkeláneykha apchókxa m'a tegma apwányam nak, ekheykegko axta m'a nentaxnamakxa nak tegma apwányam, ekpayho nak nensagqalwa.

Job 8:22

elmegqáwhok apagko' sa' eyke m'a apkelenmexma, kólmasséssessók sa' nahan apxanák ma'a élmasagcha'a nak apkeltémakxa.

Salmos 33:10

Metekkessesek chá'a Wesse' egegkok ekyókxoho aqsok apmáheyo nak chá'a elanagkok ma'a énxet'ák melya'áseyak nak Dios, megyohók han chá'a katyapok aqsok apkeláneyak,

Isaías 29:20

Esawhohok sa' ma'a énxet'ák élyenneykha nak chá'a apkelpeywa, emasséssók sa' ma'a énxet'ák apkeleymákpoho nak, elmassegwók sa' ma'a énxet'ák élxéneykha nak apkelwáxok wánxa elanagkok ma'a aqsok ekmaso,

Isaías 8:10

Kéllánekxeyk sa' agkok chá'a yaqwánxa kóltéhek, kamassegwók sa' aqsa chá'a, kélxénchek sa' aqsok chá'a aqsok kélmámenyého, megkalanaxcheyk sa' chá'a, hakte apheyk negyeseksa negko'o m'a Dios.

Jeremías 48:13

Keñe sa' Moab katnehek eyaqhémo apcháyo m'a aqsok kéláyókxa Quemós, ektéma axta Israel eyaqhémo apcháyo m'a Betel, cham'a apchásenneykekxo axta chá'a.

Oseas 10:8

Kólmasséssók sa' ma'a apkelpeykessamókxa nak chá'a aqsok kéleykmássesso, apkeláneykegkaxa nak chá'a melya'assáxma m'a énxet'ák Israel. Kampagqak sa' ma'a néten apkelwatnamakxa nak chá'a aqsok, katyapok sa' yámet ekha nak am'ák, keñe sa' énxet'ák etnehek elának meteymog élwenaqte élekhahéyak se'e: “¡Hẽlpós negko'o!” keñe sa' etnehek elának egkexe étkók se'e: “¡Hegápekxa negko'o!”

Oseas 12:11

Heykegkek aqsok kéláyókxa éleñama mók nekha m'a Galaad, aqsok kéláyókxa élmowancha'a amya'a eyke. Kélnapmeyk chá'a weyke kelennay'awók ma'a Guilgal; máxa meteymog ektaháneykekxal'a mók temék apkelwatnamakxa nak chá'a aqsok, neyseksa m'a kélpeyncheyam nak xapop namyep.”

Oseas 4:15

“Israel, apkelanak agkok xép aptémakxa megkamopsexta, Judá, ná elána aqsa exchep mey'assáxma, ¡Nágkólmohok aqsa kéxegke m'a Guilgal, tén han ma'a Bet-avén, nágkóltemésses han naqsók kélpeywa yetlo kélxeyenma Wesse' egegkok apwesey!

Oseas 9:15

Aptáhak Wesse' egegkok se'e: “Apkeláneykegkek axta ekyókxoho aqsok ekmaso m'a Guilgal, cha'a seyeynamókxa axta ko'o séltaqnawéyak ma'a. Alántekkesek sa' ko'o exagkok, eñama ekmaso m'a aqsok apkeláneyak; malásekheyk sa' chá'a kaxwo', hakte kalyeyha'ak apkelwáxok ma'a apyókxoho apkelámha apmonye'e apagkok nak.

Amós 1:5

Eynnaqtések sa' émpehek almeykesagkok ma'a atña'ák nak tegma apwányam Damasco; amasséssók sa' ma'a wesse' nak yókxexma Bicat-avén tén han apkeláneykha nak ma'a apchókxa Bet-edén, keñe sa' sirios elmakpok, kólnaqlakxak sa' ma'a Quir.” Wesse' egegkok apxeyenma xa.

Amós 3:14

hakte cham'a ekhem peya sa' ko'o ayaqmagkásekxak apkeltémakxa melya'assáxma m'a énxet'ák Israel, amasséssók sa' ma'a élwatnamáxchexa nak aqsok ma'a Betel; kólyaqténchesek sa' ma'a élámha nak nekhaw'ék ma'a élwatnamáxchexa nak aqsok, kapallamok sa' náxop.

Amós 4:4

“Kólmeyekxa sa' ma'a Betel, tén han ma'a Guilgal, ¡kóllanák sa' megkólya'assáxma, kólyánchesagkoho sa' kélláneyak kéltémakxa ekmaso! Kólsakxa sa' chá'a axto'ók ma'a kélnaqtósso kélnapma, tén han ekwayam nak chá'a diez ekyókxoho aqsok kélagkok yókxoho ántánxo ekhem.

Amós 7:10

Axta apkeltamhók kóltéhek kóltennássekxak Amasías ma'a Jeroboam wesse' apwányam axta m'a Israel, cham'a Amasías apteme axta apkelmaxnéssesso Dios énxet'ák apagkok ma'a Betel: “Apweynchámeykha Amós nepyeseksa énxet'ák Israel apkeláneykekxo aptáhakxa apmáheyo yenmexek xép, wesse'. Tásek kólmássessók appaqméteykha, hakte massék apkelenmáxékpo m'a énxet'ák.

Amós 7:13

Ná eltennaha kaxwók se'e kañe' Betel nak, hakte wesse' apwányam apkelpeykessamókxa aqsok apcháyókxa s'e, tén han kélpeykessamókxa aqsok kéláyókxa m'a aptémakxa nak wesse' apwányam.

Amós 7:17

Keso aptáhakxa nak appeywa Wesse' egegkok se'e: ‘Kelán'a ekyaqmagkáseyak pók énxet ektegye selyaqye sa' katnehek aptáwa' exchep ma'a nepyeseksa nak tegma apwányam, keñe sa' apketchek apkelennay'a tén han kelwán'ák, kólyetxeygkok chá'a sawo kólnápok; xama aqsok sa' katwasaxchek kólexpánchesek ma'a xapop apagkok, yetsapok sa' xépxa m'a xapop apagkok nak énxet'ák melya'áseyak nak Dios, keñe sa' israelitas elmakpok, kólnaqlók makhawók agko' ma'a apchókxa.’

Amós 7:9

Kólmasséssók sa' ma'a apkelpeykessamókxa nak chá'a aqsok apcháyókxa m'a Isaac, keñe sa' ma'a tegma apkelpagkanamap apagkok nak énxet'ák Israel, nápakha'a apketkok sa' etnekxa'. ¡Aktamagkok sa' ko'o yetlo sókwenaqte sekmeykha m'a Jeroboam apnámakkok nak!

Amós 8:14

Elyaqnenagkok sa' meyke apkelchampeykekxa néten ma'a apteméssesso nak chá'a naqsók apkelmésso apkelpeywa m'a aqsok kéláyókxa nak Samaria, apteme nak chá'a apkelpeywa s'e: ‘Negásenneykekxeyk chá'a negko'o m'a aqsok apcháyókxa nak ma'a Dan’, Negásenneykekxeyk chá'a negko'o m'a aqsok kéláyókxa nak ma'a Beerseba.”

Deuteronomio 28:41

Kaxek sa' nahan kélketchek apkelennay'a tén han kelwán'ák, megkaxnakha sa' eyke xamo' kéxegke, hakte kalmaxchek sa' kólnaqlakxak ma'a mók apkelókxa.

Josué 5:9

Keñe axta Wesse' egegkok aptáha apcháneya Josué: “Cháxa kélyenyekhássesso nak nekha apyempe'ék, sakhem sekmassésa ko'o kaxwók kélmegqakto m'a nepyeseksa nak énxet'ák Egipto, cham'a aqsok segmegqassamo nak.” Cháxa keñamak ektéma nak makham ekwesey Guilgal xa yókxexma nak.

1 Samuel 11:14

Keñe axta Samuel aptáha apkeláneya m'a apyókxoho énxet'ák nak: —Ólmeyekxak sa' yókxexma Guilgal, yaqwayam anteméssesek wesse' apwányam ma'a Saúl.

1 Samuel 7:16

Yókxoho apyeyam axta chá'a apmeyeykekxa m'a Betel, Guilgal tén han ma'a Mispá, yaqwayam etaqmelchessásekxak chá'a apheykha énxet'ák Israel, cháxa ekyókxoho apheykegkaxa nak.

1 Samuel 8:2

Joel axta apwesey átnaha apketkok apketche, keñe apsexyók apwesey Abías. Axta aptamheykegkok apkelámha apmonye'e m'a Beerseba.