Amós 5:4 - Biblia Enxet

⁴ Aptáhak Wesse' egegkok apkeláneya israelitas se'e: “Hélyo'óta ko'o, keñe sa' megkóletsepe'.

Amós 5:4 ပူးပေါင်းရင်းမြစ်များ

2 Reyes 20:3

“Wesse' ahagkok, éltamhók ko'o exchep kaxénwakxohok apwáxok ektémakxa nak mayenseyam sekyetleykha tén han sekteméssesso naqsók agko', séláneya m'a ekleklamókxa nak xép apwáxok.” Tén axta apkelekxagweyncha'a ekwányam agko'.

1 Crónicas 28:9

Keñe sa' xép, hatte Salomón, ey'asagkoho sa' Dios apagkok nak apyáp, elána' sa' chá'a ekweykmoho kañók agko' apwáxok ma'a apkeltémókxa nak etnehek, tén han yetlo ekmáheyo apwáxok, hakte elanok chá'a Wesse' egegkok ma'a ektémakxa nak egwáxok, ékpelkohok han ma'a ektáhakxa enxoho chá'a ekmámenyého egwáxok, tén han élchetamso egwáxok. Apketamchek sa' agkok chá'a exchep ma'a, megkatnehek sa' chá'a méteyeykekxa'; apyenyókek sa' agkok xép ma'a, eyenyók sa' megkatnégwayam néxa m'a.

2 Crónicas 15:2

apkelanyexakmek axta m'a Asá peya etnehek yának se'e: “¡Kóleyxho sa' sekpeywa, xép tén han ma'a apyókxoho énxet'ák nak Judá, keñe han ma'a Benjamín! Exek sa' chá'a kélnepyeseksa kéxegke Wesse' egegkok, kéltáha enxoho chá'a kélxegexma. Kélchetamchek sa' agkok kéxegke m'a, kólwetekxak sa'; kélyenyókek sa' agkok, eyenyók sa' nahan kéxegke m'a.

2 Crónicas 20:3

Apkekak axta m'a Josafat, keñe ekxéna apwáxok ektamok Wesse' egegkok. Tén axta apkeltamho metawagkehek aptéyak ma'a apyókxoho énxet'ák apheykha nak Judá,

2 Crónicas 20:4

apchaqnákxeyk axta apyókxoho énxet'ák Judá, yaqwayam elmaxnak yának epasmok ma'a Wesse' egegkok. Apkelwa'ak axta apyókxoho énxet apkeleñama m'a apyókxoho tegma apkelyawe nak Judá.

2 Crónicas 34:3

Apkeynamók axta apketamso Josías ma'a Dios apagkok axta m'a apyapmeyk nano' David, apketkok apagko' axta eykhe makham, cham'a ekweykmo axta ocho apyeyam apteme wesse' apwányam. Keñe ekwokmo doce apyeyam apteme wesse' apwányam apkeynawo apcháxñáseykekxa m'a tegma apwányam Judá tén han Jerusalén ma'a kélpeykessamókxa axta chá'a aqsok kéláyókxa, cham'a kéleykmássesso nak Aserá, tén han ma'a mók kéleykmássesso, tén han ma'a sawo égmenek nak kélpeykáseykekxa kéleykmassáseykha kéláncháseyak,

Salmos 14:2

Apkeláneykha chá'a Wesse' egegkok énxet'ák ma'a aphakxa nak néten, yaqwayam enxoho éta', yetneyk kexa énxet apya'áseykegkoho aqsok, apketamso nak chá'a Dios.

Salmos 22:26

Kóltawák kéltéyak kéxegke kélnaqtawáseykegkoho nak, ekwokmoho kélyaqkanakmo; kóltemésses sa' apcheymákpoho Wesse' egegkok kéxegke ektáha nak kélchetamso, keñe sa' exámhok apyeyam kélweynchámeykha.

Salmos 27:8

Entáhak ko'o ekpaqméteykha ewáxok se'e: “Ektam aphakxa Wesse' egegkok.” Yetlókok han sétamso ko'o exchep aphakxa Wesse'.

Salmos 69:32

Kalpayhekxak sa' apkelwáxok apkellegeykegkoho nak ekmaso apheykha apkelwet'a enxoho xa, kalyennákxohok sa' apkelwáxok apkelchetamso nak chá'a Dios;

Salmos 69:33

yeyxhok chá'a apkelmaxneyéyak Wesse' egegkok ma'a apkelmopyóseka nak, meltaqheksók chá'a énxet'ák apagkok apkelmomap nak.

Isaías 31:1

¡Énxet'ák laye, apkelmeyeykekxa nak chá'a Egipto aptegyeykha ekpasmo, apkeláyo nak chá'a m'a ekha nak yátnáxeg apkelchánte, apkeláyo nak chá'a m'a ekxámokma nak yátnáxeg apkelyenyawasso apagkok, tén han apteme nak apkeláyo m'a énxet apxámokma apkelchánte nak yátnáxeg, keñe melenmexeykekxoho m'a aphakxa nak Dios Aptaqmalma nak Israel, melchetamsók ma'a Wesse' egegkok!

Isaías 55:3

Hélyo'óta ko'o, kóleyxwatámho sekpeywa, kóleyxho sektáhakxa keñe sa' megkóletsepek chá'a. Alának sa' ko'o ekhémo mók sélpaqhetchásamáxkoho kéxegke meyke néxa, yaqwayam sa' alának ma'a séltennassama axta alának ma'a David eñama seyásekhayo.

Jeremías 38:20

Aptáhak axta Jeremías apchátegmowágkokxo s'e: —Wesse', memhehek sa' eyke exchep ma'a. Elyahakxoho Wesse' egegkok appeywa, séltennasa exchek xép wesse', keñe sa' tásek katnehek apha, ewagkasakpok sa' teyp.

Ezequiel 18:9

apyetlókasso nak ma'a ektémakxa segánamakxa ahagkok tén han apkelane nak chá'a meyke apyenseyam ma'a séltémókxa nak chá'a etnehek. Naqsók appéwomo xa énxet nak, megyetsepek sa' chá'a. Ko'o sekxeyenma xa, sektáha nak Wesse'.

Oseas 10:12

Axta ektáhak ko'o séláneya s'e: Kólchenekxa sa' kéxegke ekpéwomo nentémakxa', tén sa' kólnakxek kólmekxak ma'a negásekhayo nak. Kólpeynchámekxa sa' makham xapop, yaqwayam sa' kólchenekxak makham aqsok, hakte wokmek kaxwók ekhem yaqwayam kólchetmok Wesse' egegkok, ekwokmoho sa' apwa'akto, apsánto sa' ekxámokma agko' nélwagkásamáxche teyp kélnepyeseksa kéxegke.

Amós 5:6

Kólyo'ókxa m'a Wesse' egegkok, keñe sa' megkóletsepe'; sa' agkok kóltáhak xa, táxa sa' yáphaksek ma'a apchókxa Israel, méko sa' xama énxet espanchesek táxa m'a Betel.

Sofonías 2:3

Kólchetam kéxegke Wesse' egegkok kélyókxoho megkaleymáxkoho nak kélwáxok keso nélwanmeygkaxa, kélyeheykekxoho nak chá'a m'a apchánamakxa nak antéhek. Kóllána ekpéwomo kéltémakxa yetlo megkaleymáxkoho kélwáxok, lapmaxcheyk sa' kólwetak kélyexanmomakxa kéltáha enxoho xa, cham'a ekhem aplawa sa' ma'a Wesse' egegkok.

Deuteronomio 32:46

Tén axta aptáha apkeláneya israelitas se'e: “Kóltaqmelchesho sa' kalchetmok kélwáxok se'e sektáhakxa nak séláneya s'e sakhem nak, kólána' sa' elanagkok kélketchek ekyókxoho ektémakxa nak ekxeyenma s'e segánamakxa nak.

Deuteronomio 32:47

Hakte háwe amya'a naqsal'a s'e; keso segánamakxa nak yaqwayam kagkések ekyennaqte kélnénya'ák kéxegke, sa' kañék ekmésso ekwenaqte kélheykha m'a xapop, ekyetnama nak ma'a neyp wátsam Jordán, cham'a yaqwánxa sa' kólmok.”

Deuteronomio 4:29

Kélchetamchek sa' agkok Dios Wesse' kélagkok ekweykmoho kañók agko' kélwáxok tén han ekweykmoho kélyennaqte neyseksa kélheykha m'a, kólwetekxak sa'.