Amós 5:10 - Biblia Enxet

¹⁰ ¡Kéxegke laye, kéltaqnagko nak chá'a m'a énxet apmasma nak nentémakxa ekpéwomo, tén han megkaleklo nak chá'a kélwáxok ma'a apteméssesso nak chá'a naqsók appeywa!

Amós 5:10 ပူးပေါင်းရင်းမြစ်များ

1 Reyes 18:17

Xama axta apwet'a, aptáhak axta apcháneya: —¿Xeyep neyke aptekkessama nak ekmaso s'e kañe' Israel?

1 Reyes 21:20

Apchátegmowágkek axta Ahab ma'a Elías: —¿Sénmexma, éteyákxéya makham xép? —Ekwetákxe' neykhe —axta aptáhak apchátegmowágko Elías—. Aqsok ekmaso aqsa chá'a exchep elának nápaqtók Wesse' egegkok.

1 Reyes 22:8

Apchátegmowágkek axta wesse' apwányam Israel ma'a Josafat: —Apheyk makham xama, negmowána agásenneykxak elmaxneyha m'a Wesse' egegkok, apwesey nak Micaías, Imlá apketche. Ataqnawhok eyke ko'o m'a, hakte mehéltennassók makham aqsok ektaqmela, aqsok ekmaso aqsa chá'a héltennaksek. Apchátegmowágkek axta eyke m'a Josafat: —Ná etne aqsa appeywa xa.

2 Crónicas 25:16

Xama axta aptáha apcháneya Dios appeywa aplegasso xa ektáha nak, aptáhak axta wesse' apwányam apchátegmowágko s'e: —¿Xépya appaqhetchesso chá'a wesse' apwányam? ¡Ewanmeyekxa sa'! ¿Apkeltamhók enxeykel'a emátog? Massék axta appaqhetchesa m'a Dios appeywa aplegasso, wánxa axta aqsa aptáha apcháneya s'e: —Ekya'ásegkók ko'o exchep ekxeyenma apwáxok Dios emasséssók, eñama apteme xa ektáha nak, tén han melyaheykekxa chá'a sektémakxa sekpeywa sekmésso.

2 Crónicas 36:16

Apkelasméssegkek axta eyke aqsa chá'a m'a apkelseykha axta Dios appeywa, apwanyémók axta m'a amya'a apkelseykha, apkelasméssegkek axta aqsa chá'a m'a apkellegasso nak appeywa, ekwokmoho aplawa apagko' ma'a Wesse' egegkok, apkelenmexa m'a énxet'ák apagkok, massék axta kélewagko kélmássessekmo yaqwánxa etnehek.

Proverbios 15:12

Megyásekheyk ektáha nak chá'a apnókáseykha m'a énxet apchásennamap nak, mepáxaqwomek nahan ma'a énxet'ák apkelya'áseykegkoho nak aqsok.

Isaías 29:21

cham'a énxet'ák appehésseyam nak aqsa chá'a pók apkelane aqsok ekmaso, apmopwancha'a nak chá'a apkelpeywa elyexanchesha m'a énxet'ák segyekpelchémo, aptamhéyak nak chá'a apkelmopwancha'a amya'a megyánhek kóltaqmelchessásekxak apha m'a énxet meyke nak aptémakxa.

Isaías 59:15

Massegwokmek ma'a aqsok ekmámnaqsoho nak, kélmenyexchessek aqsok apagkok ma'a apyetnakhasso nak aqsok ekmaso. Axta kalchak apwáxok Wesse' egegkok apwet'a méko aqsok ekpéwomo.

Jeremías 38:7

Apleg'ak axta amya'a kélaqxegkesa kañe' yámelchet Jeremías ma'a xama etiope apwesey axta Ébed-mélec, énxet aptamheykha axta chá'a m'a wesse' apwányam apxagkok. Chaqhawók axta nahan aphakxa wesse' apwányam ma'a apchaqnákxexa axta énxet'ák ma'a ekwesey nak Átog Benjamín.

Oseas 4:4

Aptáhak Wesse' egegkok se'e: “¡Méko sa' kaxénchásekxohok ektémakxa mók, tén han kapaqhetchesek ekyennaqte! Xép sa' eyke axénchásekxohok ko'o aptémakxa exchep, apteme nak apkelmaxnéssesso énxet'ák ahagkok.

Levítico 13:10

Elanok sa' ma'a apkelmaxnéssesso Dios énxet'ák apagkok, ekmope sa' agkok ma'a ekyephe nak apyempehek, élmópeyásekxo enxoho m'a áwa' apyempehek, ektepa enxoho ápetek ma'a ekyephe nak,

Amós 5:15

¡Kóltaqnow aqsok ekmaso! ¡Kólásekhoho m'a aqsok ektaqmela! Kólána kalanaxchek ekpéwomo kéllánekxésso amya'a énxet'ák ma'a sẽlyekpelchémókxa nak; lapmaxcheyk sa' kexa kalepyóshok elanok Wesse' egegkok, Dios ekha nak apyennaqte énxet'ák Israel apkeleymomap nak ektáha enxoho xa ektáha nak.