Amós 4:13 - Biblia Enxet

¹³ Wesse' egegkok, apkelane nak meteymog élwenaqte tén han éxchahayam, apya'assásegwayam nak aqsok apmáheyo elának énxet, aptemessáseykekxoho nak han élseyéxma m'a ekyaqtéssóxma, apweychámeykencha'awól'a m'a yókxexma ektáhakxa nak netnók agko' xapop keso náxop, Wesse' egegkok, Dios ekha apyennaqte: cháxa apwesey xa.

Amós 4:13 ပူးပေါင်းရင်းမြစ်များ

Job 9:7

Apkeltémo han chá'a megkatyepek ma'a ekhem, tén han meltémo chá'a elápogwátek ma'a yaw'a.

Salmos 135:7

Elya'ásekxak chá'a néten yaphope éleñama m'a makhawók agko' nak nélwanmeygkaxa, etekkesek chá'a apkelyenma magkenatchesso peya kamme', etekkesek chá'a éxchahayam eñama m'a appekkenmakxa nak.

Salmos 139:2

apya'ásegkok xép ekyókxoho aqsok sélane; makhawók eykhe aphakxa, ey'asagkohok eyke chá'a ektémakxa élchetamso ewáxok.

Salmos 147:18

Apméssek agkok appeywa, keñe elpayhekxa'; yának chá'a kaxchahá', keñe kanyehek yegmen.

Salmos 65:6

apkeláncháseykegkek xép meteymog élwenaqte, yetlo apmopwána, tén han apyennaqte.

Éxodo 10:22

Apya'ássek axta apmek néten ma'a Moisés, yetlókok axta nahan ekwetamaxche ekyáqtessóxma ekyentaxno agko' ma'a ekyókxoho kañe' Egipto.

Éxodo 14:20

Kenegwákxeyk axta apmonye'e sẽlpextétamo Egipto xa yaphope émha nak, cháhakkassek axta ekpayhókxa apchaqnágkaxa m'a israelitas; yáqtéssessek axta exma m'a egipcios, keñe axta m'a israelitas kelsássessek axta aqsa exma. Axta keñamak meltahanyékxo yókxoho axta'a egipcios ma'a israelitas.

Isaías 40:12

¿Yaqsa élyetsáteykegko awáxok ámek ekwánxa ekyawe m'a wátsam ekwányam nak? ¿Yaqsa élyetsáteykegko aphék ekwánxa ekpayhe m'a néten? ¿Yaqsa ekxátama xama kelyetsáteyak ekyókxoho yagkamex nak keso náxop? ¿Yaqsa nahan élyetsáteykegko xama kelyetsáteyak ma'a egkexe tén han ma'a meteymog élekhahéyak nak?

Isaías 45:7

Ko'o sélane m'a élseyéxma tén han ekyaqtéssóxma, sektekkesso nahan ma'a ektaqmalma nak negha tén han ma'a ekmaso nak negha. Ko'o sélane chá'a xa ekyókxoho aqsok nak, sektáha nak Wesse'.

Isaías 47:4

Aptáhak appeywa, segmallahanchessamo nak chá'a aqsok ekyentaxno s'e, Dios Aptaqmalma nak ma'a Israel, apwesey nak Wesse' ekha apyennaqte:

Isaías 48:2

kélxeyenma nak chá'a kéleñama tegma apwányam aptaqmalma tén han kélpasmeykekxa m'a Israel Dios apagkok, apwesey nak Wesse' ekha apyennaqte.

Isaías 5:30

Wokmek sa' agkok ekhem ekxénáxchexa yenmexek Israel xa énxet'ák nak kalpáwha sa' apwáxok, máxa sa' etnahagkok ma'a ektémól'a wátsam ekwányam kapáwak awáxok; apkelanawók sa' agkok xapop xama énxet, étak sa' katnekxak ekyaqtessóxma tén han ekhánaqte m'a ekhem eñama ekyentaxno agko' ma'a yaphope ekpésyam.

Jeremías 10:13

Appeywa ekyennaqte chá'a epáwaksek awáxok yegmen ekyetnama nak néten, etekkesek chá'a yaphope éleñama m'a néxa xapop nak; etekkesek chá'a apkelyenma neyseksa ekmámeye; etekkesek chá'a éxchahayam eñama m'a appekkenmakxa nak.

Jeremías 10:16

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Jeremías 13:16

Kólteme chá'a kéláyo Dios Wesse' kélagkok, amonye' apcháphasso m'a ekyáqtessóxma, tén han kélpelapmeykha kéxegke m'a egkexe ekyaqtéssamakxa nak exma; amonye' aptemessáseykekxa ekyaqtessóxma ekyentaxno agko' ma'a élseyéxma, kélhaxanma nak kéxegke.

Jeremías 46:18

Ko'o sektáha nak Wesse' apwányam, sekwesey nak Wesse' ekha apyennaqte, naqsók ko'o sektáha sekpeywa s'e: Sa' elxohok kélenmexma peya nak elxegmak ma'a ektémakxa nak egkexe Tabor, élyeykheykegko nak émha neyseksa m'a mók egkexe nak, tén han ma'a egkexe Carmelo negweteyo nak katnamok m'a ekpayho nak wátsam ekwányam.

Jeremías 51:16

Appeywa ekyennaqte chá'a epáwaksek awáxok yegmen ekyetnama nak néten, etekkesek chá'a yaphope éleñama m'a néxa xapop nak; etekkesek chá'a apkelyenma neyseksa ekmámeye; etekkesek chá'a éxchahayam eñama m'a appekkenmakxa nak.

Jeremías 51:19

¡Megkaxnawok agko' Jacob nak Dios apagkok xa, apkelane nak ekyókxoho aqsok élánteyapma nak! Axta apkelyéseykha énxet'ák Israel ma'a yaqwayam etnehek apagkok apagko'. Wesse' ekha apyennaqte: cháxa apwesey xa.

Daniel 2:28

Apheyk eyke xama Dios ma'a néten, senxekmóssamo nak ektémakxa aqsok magya'áseyak, apya'assásegwokmek xép yaqwánxa katnehek egmonye' wesse'. Altennaksek sa' xép ektémakxa apwanmagko, wesse', tén han aqsok apwete neyseksa apteyenma:

Daniel 2:30

Élxekmóssek ko'óxa xa aqsok megkólya'áseyak nak, háwe eykhe eñama sekmowána ahagko' aqsok nepyeseksa m'a apyókxoho énxet'ák nak, yaqwayam altennásekxohok ektémakxa apwanmagko eyke exchep wesse', tén sa' ey'ásegwók ma'a ektémakxa axta chá'a élchetamso apwáxok.

Oseas 12:6

Israel, ey'ókxa makham Dios apagkok; elána m'a aqsok ekpéwomo nak, tén han magyenyaweykha, ná ey'ássem chá'a Dios apagkok.

Joel 2:2

ekhem ekyáqtésso exma tén han ekho axta'a, yaphope ekyentaxno ekho pessesse. Apsawhawók sẽlpextétamo apkelyennaqte, tén han apxámokma m'a néten egkexe nak, máxa aptáhak ma'a ektémól'a ekyetcheyam la'a amonye' élseye. Megkótémaxchek chá'a katnehek nanók axta xa ektéma nak, megkólwetekxók sa' nahan chá'a katnekxa'.

Amós 3:13

Aptáhak Wesse' egegkok, Dios ekha nak apyennaqte s'e: “Kóleyxho sa' se'e, kóltennés sa' ma'a Jacob énxet'ák apagkok,

Amós 5:27

Aláphaksek sa' ko'o kéxegke mók apkelókxa, teyp nak ma'a Damasco.” Cháxa aptáhakxa nak appeywa Wesse' Dios ekha apyennaqte xa. Cháxa apwesey xa.

Amós 5:8

Wesse' egegkok, apkelane nak ma'a élántépeyam tén han ma'a yaw'a apchaqneykekxa nak, cham'a aptemessáseykekxa han chá'a axta'a ekhem ma'a, keñe nahan ekhem aptemessáseykekxa chá'a axta'a ekyáqtéssóxma; cham'a apkelwóneykha nahan chá'a yegmen ma'a wátsam ekwányam nak, keñe eyegkenek chá'a keso náxop; cha'a apteme han apketsagkasso chá'a tegma apyennaqte nak ma'a, ekweykmoho m'a kélhaxtegkesso nak ekyennaqte nepyáwa'. Wesse' egegkok, cháxa apwesey xa.

Amós 6:8

Naqsók aptáha appeywa Wesse' egegkok, Dios ekha nak apyennaqte s'e: “Altaqnawhok ko'o m'a éleymáxkoho nak apkelwáxok Jacob énxet'ák apagkok; megkalchek agko' ewáxok ma'a kelwesse'e apxanák apkelyawe nak; agkések sa' ko'o tegma apwányam ma'a apkelenmexma nak, yetlo m'a ekyókxoho aqsok ekhéyak nak ma'a kañe'.”

Amós 8:9

“Wának sa' ko'o katxek ekhem ektáhakxoho yetseksók ekhem xa ekhem nak —axta aptáhak Wesse' egegkok—, ektáhakxoho ekhem sa' wáhakkasek ekyaqtéssóxma xapop.

Amós 9:6

Appekkenmeyk aphamakxa Wesse' egegkok ma'a néten, keñe xapop appekkena kóneg ma'a yaphope ekyápaqmate; elwónmakha chá'a yegmen ma'a wátsam ekwányam, keñe eyegkenek chá'a keso náxop. Wesse' egegkok, cháxa apwesey xa.

Miqueas 1:3

Etyapok sa' Wesse' egegkok ma'a aphamakxa nak, exegmak sa' elteyammegmak ma'a naw'ék egkexe nak.

Habacuc 3:19

Hakte Wesse' egegkok segkésso sekyennaqte; egkéssegkek ekyennaqte sekxega, ektémól'a xenaq, éntameykekxeyk ma'a egkexe yaqwánxa sa' awagkasaxchek teyp.

Zacarías 12:1

Keso appeywa axta Wesse' egegkok se'e, apxéna m'a Israel. Aptáhak Wesse' egegkok se'e, appeykesso nak ma'a néten, appekkenma nak awhak ma'a xapop, apmésso nak apyennaqte m'a énxet:

Deuteronomio 32:13

Apkelya'áseykekxeyk axta apnaqleykekxo m'a yókxexma egkexe netnók agko' axta m'a apchókxa, apkeleykegkek axta m'a aqsok ekyexna éleñama nak naxma, meteymog áxwa axta chá'a keleñamak apkeleykegko m'a yányawhéna' apyegmenek tén axta pexmok égmenek eñama chá'a apkelmésso m'a ekyennaqtamakxa agko' nak chá'a m'a meteymog;

Deuteronomio 33:29

Apkeleñémo exchep, Israel, ¿Yaqsa kélwanchek kólhéshok xép? Wesse' egegkok apagko' apwagkasso teyp xép; cha'a aptaqmelchesso chá'a exchep ma'a tén han appasmo chá'a, ¡cha'a apteme sókwenaqte apagkok segmallahanchessamo nak chá'a m'a! Elmésakpok sa' xép ma'a apkelenmexma nak, keñe sa' xép emasséssesek apkeleymákpoho.”