Amós 3:10 - Biblia Enxet

¹⁰ Aptáhak Wesse' egegkok se'e: “Melya'ásegkok ektémakxa nak nenlane ekpéwomo nentémakxa m'a; apxatmeykegkek tegma apkelyawe apagkok ma'a aqsok apkelmenyexéyak nak chá'a eñama apkelyennaqteyáseykha, apyempe'ék.”

Amós 3:10 ပူးပေါင်းရင်းမြစ်များ

Job 20:21

ekyókxoho aqsok axta chá'a elmok. Cháxa keñamak peya sa' megkawegqók ekpayheykekxa apwáxok.

Salmos 14:4

Máxa meyke apkelya'áseyak aqsok aptamheykegkok ma'a élmasagcha'a nak apkeltémakxa, máxa apteméssessók énxet'ák ahagkok ma'a énxet aptól'a pán, melmaxnagko nak chá'a m'a Wesse' egegkok.

Proverbios 1:13

Agwetak sa' ekxámokma mók ektémakxa aqsok élmomnáwa egagkok, ¡óllánesagkohok sa' enxanák ma'a ekyókxoho aqsok nélmenyexéyak nak chá'a!

Proverbios 11:16

Ekha kéláyo chá'a katnehek ma'a kelán'a ektaqmalma nak awáxok, keñe m'a énxet apyennaqteyáseykha nak chá'a apyempehek, étak chá'a ekxámokma aqsok apagkok.

Proverbios 28:5

Melya'ásegkok aqsok ekpéwomo m'a élyeyháxma nak, apkelya'ásegkók eyke ekyókxoho m'a apkelye'eykekxa nak chá'a Wesse' egegkok.

Eclesiastés 4:1

Élanawók axta ko'o énxet'ák ektémakxa apnaqtawáseykegkoho apnámakkok apheykha nak keso náxop. Ekwet'ak axta apkellekxagweyncha'a m'a énxet'ák kélnaqtawáseykegkoho nak, méko axta eyke élpeykessásekxo chá'a apkelwáxok; asagkók agko' axta chá'a apteméssesakxa m'a ektáha nak apnaqtawáseykegkoho, méko axta eyke élpeykessásekxo apkelwáxok.

Jeremías 4:22

“Élyeyháxma m'a énxet'ák ahagkok, mehey'ásegkok nahan —axta aptáhak Wesse' egegkok—. Kélketchek melya'áseyak aqsok, megkalchetámeykha nak apkelwáxok. Apwancha'ak elanagkok ma'a aqsok ekmaso, keñe mopwancha'ak elanagkok ma'a aqsok ektaqmela.”

Jeremías 5:4

Tén axta ko'o ektáha élchetama ewáxok se'e: Énxet'ák meyke aqsok apagkok aqsa chá'a etnahagkok ekho élyeyháxma, hakte melya'asagkek ma'a apmopmenyého nak Wesse' egegkok, cham'a apkeltémókxa nak chá'a etnahagkok ma'a Dios apagkok.

Ezequiel 18:7

tén han metwáseykegkoho nak pók, apmeyáseykekxa nak aqsa chá'a pók ma'a aqsok apmésso ekyaqmageykekxa m'a apméyak; memeñexchesso nak xama aqsok apagkok pók; appasmo nak apto m'a meyk eyaqhe nak tén han apmésso nak aptaxno m'a meyke nak apáwa;

Ezequiel 22:29

Apkelmenyexéyak aqsa apkeláneykegkok chá'a m'a kelwesse'e ekha nak chá'a xapop apagkok ma'a apchókxa tén han apkelyennaqteyáseykha chá'a apyempe'ék; apnaqtawáseykegkok chá'a m'a énxet'ák apmopyóseka nak tén han ma'a ekha nak chá'a eyeyméxchexa aqsok ma'a apxanák, apkelyennaqteyáseykha nahan chá'a apyempe'ék apkeláneya m'a énxet'ák apkeleñama nak mók nekha, Apteméssessegkek chá'a m'a megkapayhawo nak anteméssesek.

Ezequiel 8:17

Tén axta aptáha seyáneya Wesse' egegkok se'e: “¿Apwet'aya? ¡Megkalleklámeykegkok apkelánegweykta chá'a énxet'ák Judá aqsok ekmaso agko' se'e kañe' nak, apsawheyáseykekxók apchókxa m'a negyennaqteyáseykha nak egyempehek! Megkamassegweykmok selókáséyak, etekhanchessegkek chá'a m'a apkeltémakxa ekmanyása.

Oseas 7:1

peyk agkok chá'a ko'o altaqmelchessók énxet'ák ahagkok nak Efraín, tén han ma'a Samaria, ótak chá'a melya'assáxma, tén han ma'a apkeltémakxa ekmaso nak. Hakte apyókxoho aptamheykegkok apkelmopwancha'a amya'a; máxa apkelmenyexma aptamheykegkok apkelántaxnama chá'a m'a tegma, tén han apkelyementamoma chá'a aqsok apagkok énxet'ák ma'a ámay.

Amós 4:1

Kóleyxho sa' se'e kelán'ák nak Samaria, kélhémo nak weyke eknaqmele Basán, kélyentaxnéssesso nak chá'a apheykha m'a meyke nak aqsok apagkok, kélnaqtawáseykegkoho nak chá'a m'a apkelmopyóseka nak, kéltémo nak chá'a elsantagkasek anmen yámet égmenek ma'a kélnaqteyegka'a, yaqwayam kólyenagkok.

Amós 5:7

¡Kéxegke laye, kéltemessáseykekxa nak aqsok ekmáske m'a nentémakxa ekpéwomo, tén han kélyamasma nak ekpéwomo kéllánekxésso amya'a énxet'ák!

Amós 6:12

¿Apwancheya yenyahagkok yátnáxeg neyseksa meteymog? ¿Kélwancheya kólpeynchók xapop ma'a neyseksa wátsam ekwányam? ¡Pánaqte segaqhamo kélteméssáseykekxak kéxegke m'a ekpéwomo kéllánekxésso nak amya'a m'a énxet'ák, keñe m'a ektekkesso nak chá'a nentémakxa ekpéwomo kéltemessáseykekxo ekmáske!

Amós 6:3

Megkólmenyeyk kéxegke kaxének kélwáxok ma'a ekhem ekmaso peya nak kawa', kélwagkassa'ak aqsa m'a wesse' peya nak enaqtawasagkohok kéxegke.

Amós 6:8

Naqsók aptáha appeywa Wesse' egegkok, Dios ekha nak apyennaqte s'e: “Altaqnawhok ko'o m'a éleymáxkoho nak apkelwáxok Jacob énxet'ák apagkok; megkalchek agko' ewáxok ma'a kelwesse'e apxanák apkelyawe nak; agkések sa' ko'o tegma apwányam ma'a apkelenmexma nak, yetlo m'a ekyókxoho aqsok ekhéyak nak ma'a kañe'.”

Miqueas 6:10

Heykegkek aqsok ekxámokma élmenyexamaxche m'a apxanák nak énxet'ák élmasagcha'a apkeltémakxa, tén han ma'a kelyetsáteyak segmenyexmo, sektaqnagkamo nak chá'a ko'o.

Sofonías 1:9

Allegássesagkohok sa' nahan apkelnextega nak chá'a néten elántépok átog xa ekhem nak, tén han apsawheyáseykekxoho nak chá'a kelwesse'e apagkok apxanák ma'a negyennaqteyáseykha nak egyempehek tén han nélyexancháseykha egmók.”