Amós 2:12 - Biblia Enxet

¹² “Kéleykegkek axta eyke kéxegke anmen yámet égmenek ma'a nazareos, keñe axta megkólhayo ellegaksek sekwesey m'a apkellegasso axta sekpeywa.

Amós 2:12 ပူးပေါင်းရင်းမြစ်များ

Isaías 30:10

Etnehek chá'a elának énxet'ák apkelwetayo nak chá'a aqsok se'e: “Nágkayet akke aqsok kélwete”, keñe chá'a etnehek elának apkellegasso nak Dios appeywa s'e: “Ná hẽltennasha eyke aqsok ekxekmowásamáxkoho ekmámnaqsoho nak; hẽltennasha aqsa chá'a m'a amya'a ekmátsa nak ageyxho'; náhentawássesha m'a aqsok élxéneykencha'a nak egwáxok agweta'.

Jeremías 11:21

Keñe m'a énxet'ák Anatot, apmáheyo nak chá'a heyaqhek, apkeltémo nak chá'a maxének ma'a Wesse' egegkok apwesey, maltamho enxoho heyaqhek,

Jeremías 35:5

Élyátegkásegkek axta recabitas élláneykegkoho egheykok élyawe vino tén han ma'a egheykok étkók nak, keñe axta sektáha séláneya s'e: “Kólyenák ketsék vino.”

Amós 7:13

Ná eltennaha kaxwók se'e kañe' Betel nak, hakte wesse' apwányam apkelpeykessamókxa aqsok apcháyókxa s'e, tén han kélpeykessamókxa aqsok kéláyókxa m'a aptémakxa nak wesse' apwányam.

Amós 7:16

Yeyxho sa' Wesse' egegkok appeywa. Keso aptémakxa chá'a exchep appeywa s'e: ‘Ná emha Dios apwesey elenmexek énxet'ák Israel, ná elxénmakha nahan ekmaso m'a Isaac aptawán'ák neptámen nak.’

Miqueas 2:6

“Ná hẽlyo'óta chá'a negko'o yetlo sẽllegasseykta amya'a yaqwánxa katnehek egmonye' —etnehek chá'a elpaqmétek ma'a. ¡Yawanchek negko'o hegwohok ma'a aqsok ekmaso nak!”

Números 6:2

“Etne sa' elának israelitas se'e: Yetneyk sa' agkok énxet essenhan kelán'a, ekpagkanchásamáxche Wesse' egegkok, eñama ekmésso ekpeywa yaqwayam katnehek nazareo,

Números 6:3

megkeynagkek sa' ma'a vino, essenhan ma'a mók anmen nak, essenhan ma'a mók aqsok égmenek ekmáske élánamáxche nak vino essenhan ma'a anmen, essenhan ma'a anmen yámet ekyexna égmenek nak; yawanchek sa' nahan katawagkok ma'a anmen yámet ekyexna, tén han ma'a ekyexna kélyamasso nak.