Amós 1:2 - Biblia Enxet

² Xama axta éxtegyawa appeywa Wesse' egegkok appaqmeta m'a egkexe Sión, cham'a Jerusalén nak, kelyameygkek axta pa'at ma'a yókxexma, yamakak axta nahan exma m'a naw'a nak egkexe Carmelo.

Amós 1:2 ပူးပေါင်းရင်းမြစ်များ

Salmos 29:4

Kayhek éxtegyawà appeywa Wesse' egegkok, legáxkók ekyókxoho yókxexma;

Salmos 46:6

Kalpayheykha chá'a apatña'ák énxet'ák, elpexyennók chá'a énxet apheykha nak apkelókxa, kapaqxek chá'a xapop apkellegásawo enxoho chá'a appeywa énxet'ák ma'a Wesse' egegkok.

Proverbios 20:2

Máxa yámakméwa ekpáweykha awáxok la'a etnehek aplawa enxoho xama wesse' apwányam; énxet aplókasso enxoho m'a, megkatnehek megyetsapma.

Isaías 33:9

Kesagkék ma'a xapop yaqhapchek nahan exma, kelyameygkek aqsok naxma m'a Líbano, kelyetcheyk áwa' yenta'a, yókxexma ekyamayéxma tamhákxak ma'a ekyapwátegweykenxa nak xapop Sarón, meyke xama aqsok entamhákxak ma'a yókxexma Basán tén han ma'a egkexe Carmelo.

Isaías 35:2

kalántekkásekxa makham ma'a pánaqte exnók ektémól'a m'a pánaqte exnók élyápaqmate éltaqmalmal'a, kalpayhekxoho agko' kélwáxok. Dios sa' etnéssesek ektaqmalma agko' ektéma nak ma'a Líbano, tén han megkéssamakxa katyapok aqsok ektéma nak ma'a Carmelo tén han ma'a ekyapwátegweykenxa nak xapop ma'a Sarón. Apyókxoho énxet sa' elwetak Wesse' egegkok élseyéxma apagkok tén han ma'a Dios egagkok apcheymákpoho nak.

Isaías 42:13

Máxa xama énxet apyennaqte sa' etnehek etyapok ma'a Wesse' egegkok; elnapakpok sa' yetlo apwasqapma aptémól'a m'a kempakhakma yáp; epaqmétek sa' ekyennaqte, elpáxamha sa' yempakha', emenxenek sa' nahan ma'a apkelenmexma.

Jeremías 12:4

¿Háxko sa' ekwánxa ekhem kammok ekyamaye xapop, tén han élyamaye pa'at ma'a yókxexma? Keletsepmeyk aqsok kélnaqtósso, tén han náta, eñama apkeltémakxa ekmaso m'a énxet'ák apheykha nak apchókxa, apkenagkama nak xép meteyk ma'a aqsok apkeláneyak.

Jeremías 14:2

“Apkellekxagweyha m'a énxet'ák Judá, apkellegágkok élyentaxno apkelwáxok ma'a apheykha nak tegma apkelyawe apagkok, aphágkek náxop ma'a énxet'ák. Kelpayheyha apatña'ák apkellegágkoho ekmáske m'a énxet'ák Jerusalén.

Jeremías 25:30

“Jeremías, eñes sa' sektáhakxa ko'o sekpeywa s'e ekyókxoho aqsok nak. Sa' etnehek elának se'e: “Kextegyókek appeywa Wesse' egegkok ma'a netnók agko' nak, cham'a kañe' ekpagkanamaxchexa aphamakxa nak. Apkelpáxegkáseyha apkeltaqnaweygko m'a nepkések apnaqtósso, máxa aptáhak ma'a apkelteyáyam la'a anmen yámet ekyexna, apkeltaqnaweygkek ma'a apyókxoho énxet'ák apheykha nak keso náxop.

Jeremías 28:8

Apkellegassegkek axta chá'a kawak kempakhakma, nenlegeykegkoho ekmaso, tén han negmasse ekxámokma agko' apkelókxa, tén han élyawakxa nak apkelókxa m'a Dios appeywa apkellegasso nano' axta, metyeykemxa axta makham xép tén han ko'o.

Jeremías 50:19

Wának sa' elmeyenták makham énxet'ák Israel ma'a xapop apagkok nak, máxa nepkések sa' etnahagkok elwetak pa'at ekxámokma m'a Carmelo, tén han ma'a Basán, tén han ma'a élámhakxa nak meteymog élwenaqte m'a yókxexma Efraín tén han ma'a Galaad.

Oseas 11:10

Enaqlakxak sa' Wesse' egegkok ma'a, keñe sa' éxwéwha m'a ektémól'a méwa. Éxwéwha sa', keñe sa' elyo'ótak yetlo apkelaye m'a ektáha nak énxet'ák apagkok, apkeleñama m'a ektaxnegwánxa ekhem.

Oseas 13:8

Alanyexagkok sa' ko'o, ektémól'a óso élxegányam la'a étkók, nekha'a étkók sa' atnéssesek apnénya'ák. Sa' asawhohok ko'o m'a ektémól'a méwa katwok ekyógkexma', alekkexek sa' ektémól'a aqsok nawhak eklo.

Joel 1:19

¡Ekwóneyha ko'o exchep, Wesse', hakte kelwatneyk táxa pa'at ma'a yókxexma meykexa nak énxet, tén han yenta'a m'a yókxexma!

Joel 2:11

Kaxtegyók chá'a appeywa Wesse' egegkok epaqmétek apmonye'e nak sẽlpextétamo apagkok. Apxámok apagko' ma'a sẽlpextétamo apagkok; mogwanchek ólyetsetek ma'a apkelyaheykekxoho nak chá'a appeywa. ¡Yentexók agko' Wesse' egegkok ekhem apagkok! Méko awanchek kalenmaxaxkoho'.

Joel 3:16

Appaqmetchek ekyennaqte agko' Wesse' egegkok ma'a egkexe Sión, kextegyókek appeywa m'a Jerusalén, kelpexyennegkek néten tén han xapop. Wesse' egegkok akke apkelyexánegweykekxexa chá'a m'a ektáha nak énxet'ák apagkok, apkelmasma apyennaqte m'a énxet'ák Israel.

Amós 9:3

Apkelyexánegwokmek sa' agkok nahan ma'a naw'a nak egkexe Carmelo, amhagkok sa' nahan ko'o alchetmok ma'a; éxánegkessekmek sa' agkok nahan ma'a kañók agko' nak wátsam ekwányam, wáphaksek sa' ko'o yegmen askok ekyawe kay'ammok ma'a, tén sa' katnéssesek nápakha apketkok;

Nahúm 1:4

Epaqhetchesek chá'a ekyennaqte wátsam ekwányam, tén keymek chá'a. Yának chá'a kalyameygkok ma'a ekyókxoho wátsam. Kalyameygkok nahan chá'a pa'at yókxexma Basán, tén han ma'a egkexe Carmelo, kalyameygkok han chá'a pánaqte exnók ma'a Líbano.

1 Samuel 25:2

Aphegkek axta xama énxet ekxákma aqsok apagkok yókxexma nak Maón, tres mil axta apyókxoho nepkések apnaqtósso, keñe mil ma'a yát'ay, axta yetnók apkexeykekxexa aqsok apagkok ma'a tegma apwányam Carmel, apkelyéseseykegkaxa axta chá'a m'a nepkések apnaqtósso.