Abdías 1:3 - Biblia Enxet

³ Apcheymákpoho keñamak megyaqhémo aptémakxa. Aphegkek xép ma'a neyseksa nak meteymog áxwa, cham'a netnók agko' nak egkexe, cháxa keñamak apkenagkama nak xép méko kategkesek.

Abdías 1:3 ပူးပေါင်းရင်းမြစ်များ

Génesis 36:8

Axta keñamak apheykmo yókxexma élámhakxa nak meteymog élwenaqte Seír ma'a Esaú, apwesey nak han Edom.

2 Reyes 14:7

Amasías axta m'a apkelnapma axta diez mil edomitas, ekpayho nak Ekyapwate Yásek Xapop, keñe apma m'a Selá, tén axta apteméssesa ekwesey Jocteel, cháxa ekyetnama nak makham ekwesey s'e negwánxa nak.

2 Crónicas 25:11

Apyennaqteyásekxók axta apwáxok ma'a Amasías, apnaqlókek axta sẽlpextétamo apagkok ma'a éltamhomaxchexa nak Ekyapwate Yásek Xapop, apkelnapchek axta diez mil énxet ma'a Seír.

2 Crónicas 25:12

Apkelmeyk axta han diez mil énxet Judá, apnaqlókek axta m'a néten nak egkexe ekxámokmakxa axta m'a meteymog élekhahéyak; apkexénteyk axta chá'a apyega m'a néten nak, apkelekkexákpók axta chá'a appallakmo apyókxoho.

Job 20:6

Megkeyxek apteme apwenaqte apagko', ekhawo nak ma'a néten, kawomhok eykhe apqátek ma'a yaphope,

Proverbios 16:18

Nentawásamáxche xegeykmok natámen ma'a eyeymáxkoho nak chá'a egwáxok; nentéyam chá'a kaxegmak natámen ma'a magésso nak ageyxkoho'.

Proverbios 18:12

Nentawásamáxche xegeykmok natámen ma'a eyeymáxkoho nak chá'a egwáxok; ekha sẽláyo xegeykmok natámen ma'a megkeymáxkoho nak egwáxok.

Proverbios 29:23

Kamegqásekxohok chá'a aptémakxa apcheymákpoho m'a énxet eyeymáxkoho nak apwáxok, keñe m'a megkeymáxkoho nak chá'a apwáxok, kéláyo sa' kóltéhek.

Isaías 16:6

Negya'ásegkók ektémakxa nak ekyawe apkeleymákpoho m'a énxet'ák Moab: éleymáxkoho apkelwáxok, apkene etnahágkok néten kéláyo, meleysso eleykpoho' tén han apkelpaqméteykha naqsa ekteme nak mékoho.

Jeremías 21:13

“Tegma apwányam apyetnama nak néten apsawheykekxoho nak chá'a apkelányo m'a ekyapwátegweykenxa xapop ektémól'a meteymog émhal'a m'a neyseksa ekpayhegweykenxa xapop, ekxénchek ko'o ataqnók xép, ko'o sektáha nak Wesse'. Kóltéhek chá'a kéxegke kólpaqmétek se'e: ¿Yaqsa awanchek hegketámegmak negko'o? ¿Yaqsa awanchek kawak se'e nélyexanmomakxa nak negko'o?

Jeremías 37:9

Ektáhak ko'o séltennasa kéxegke s'e, sektáha nak Wesse': Nágkólleyx aqsa eltaqhohok ma'a caldeos, hakte megkatnehek sa' xa ektáha nak.

Jeremías 48:28

Énxet'ák Moab, Kólántép tegma apkelyawe kélagkok; kólmohok kólhamok ma'a élaqneykegkaxa nak meteymog, aptémól'a wáx'ay, apkelánegwayam la'a apxanák ma'a naw'ék nak.

Jeremías 49:16

Eyaqhémo temégweykmok kéxegke m'a kéleymáxkoho nak, hakte kóleyxchek axta chá'a. Kélheykha kéxegke m'a neyseksa meteymog élyagqaxe, kélpathetmeyk ma'a naw'ék egkexe netno nak. Kéllánegweykmek eykhe kéxegke kélxanák ma'a netnók agko' nak, ektémól'a náta ekyawe, sa' eyke kólenyék alántekkesek ko'o kéxegke m'a. Ko'o sekxeyenma xa, sektáha nak Wesse'.

Jeremías 49:4

¿Yaqsa ektéma kélxéneykencha'a nak chá'a kélyennaqte? Massegwokmek kaxwók kéxegke kélyennaqte, énxet'ák kélenmexeykekxa nak chá'a Dios, kéláyo nak chá'a ekxámokma aqsok kélagkok kélwete nak chá'a, kélteme nak chá'a kólpaqmétek se'e: ‘Méko negko'o hegketámegma'’

Ezequiel 28:16

Ekxámokma aqsok apkexeykekxa axta keñamak ekyánchessesseykmoho m'a apyennaqteyáseykha apyempehek tén han mey'assáxma. Tén axta sektekkesa m'a sekhakxa nak; ektekkessek axta m'a néten egkexe ahagkok ko'o sektáha nak Dios, aptekkessek axta nahan apho nak énxet ekha apxempenák ektáha axta chá'a aptaqmelchesso m'a nepyeseksa nak yaw'a.

Malaquías 1:4

Aptemék sa' agkok énxet'ák apheykha nak Edon se'e, cham'a aptawán'ák neptámen nak Esaú: “Ẽltawassáseykha eykhe negko'o negókxa, anxátekhásekxak sa' eyke makham,” Tén sa' etnehek Wesse' egegkok se'e: “Exátekhásekxak sa' makham apchókxa m'a, atwássesha sa' eyke ko'o makham. Kaltamhaxchek sa' apchókxa ‘Apchókxa Ekmaso Ektémakxa', tén han ‘Énxet'ák Apkeltaqnagko nak Wesse' egegkok meyke néxa.”