Abdías 1:15 - Biblia Enxet

¹⁵ Sa' kólteméssesek xépxa ekhawo apteméssesakxa nak ma'a apnámakkok: ¡exkak sa' ma'a ekpayhawo nak kólteméssesek! “Chágketwokmek kaxwók Wesse' egegkok ekhem apagkok yaqwánxa sa' elyekpelkohok apyókxoho énxet'ák.

Abdías 1:15 ပူးပေါင်းရင်းမြစ်များ

Ester 9:25

Xama axta ekweykekxo aphakxa wesse' apwányam ma'a Ester, apchásennakkek axta aptáxésso apkeltamho kápekxak Amán ma'a ekyókxoho aqsok ekmaso ekxeyenma axta apwáxok etnéssesek ma'a judíos. Kélmakheyáseykha axta néten yámet ma'a Amán yetlo apketchek.

Job 24:1

¿Yaqsa ektáha mepekkena nak ekwánxa ekhem Dios yaqwayam elyekpelkohok énxet'ák? Yaqwayam enxoho elwetak ma'a apkelxegexma'a nak.

Salmos 137:8

¡Babilonia, kólmasséssók sa' xép! ¡Apkeleñémo apteméssesso nak ekpayhawo etnéssesek senteméssessamakxa axta negko'o!

Proverbios 5:22

Kamekxohok agko' chá'a aqsok ekmaso apkelane m'a énxet ekmaso nak aptémakxa'; máxa táma katnehek kalpextétek ma'a mey'assáxma apkelane apagkok apagko' nak.

Jeremías 12:14

Aptáhak Wesse' egegkok apkelxéna énxet'ák élmasagcha'a nak apkeltémakxa, apheykencha'a nak neyáwa Israel, aptawassáseykencha'a nak xapop apmeyáseykekxa axta m'a énxet'ák apagkok Israel: “Alántekkesek sa' ko'o apheykegkaxa nak xapop apagkok xa, keñe sa' alántekkesek énxet'ák Judá m'a nepyeseksa nak.

Jeremías 49:12

Aptáhak Wesse' egegkok se'e: “Énxet'ák megkapayhémo axta eykhe énagkok ma'a kélyeta nak egheykok sẽllegassáseykegkoho, apyeneykegkek axta eyke. Megkatnehek sa' xépxa megkóllegassáseykegkoho, ének sa' xépxa m'a kélyeta nak egheykok.

Jeremías 50:29

“¡Kólwónmakha apyókxoho apkelmeykha nak chá'a yágke, yaqwayam sa' ektamagkok ma'a Babilonia! ¡Kólpakxenák sa' ma'a nepyáwa nak tegma apwányam, yaqwayam sa' megyenyehek exyenmok xama énxet enxoho! ¡Kólhésho mók ma'a apteméssessamakxa axta! ¡Kóltemésses ma'a apteméssessamakxa axta! Hakte cheymáxkók axta chá'a appeywa sexéneykencha'a ekmaso ko'o, ko'o sektáha nak Wesse' Dios Appagkanamap ma'a Israel.

Jeremías 51:56

Apkelxegakmek yaqwayam emasséssók Babilonia; apkelmeyk kaxwók ma'a kempakhakma yapmeyk apagkok, apkelekkexchessek yágke apagkok. Hakte Wesse' egegkok, apteme xama Dios, apyaqmagkáseykekxohol'a chá'a aptémakxa xama énxet ekpayhawo nak chá'a etnéssesek.

Ezequiel 30:3

eyágketwa'a nak; ¡chágketwa'ak Wesse' egegkok ekhem apagkok! ¡Katnehek sa' xama ekhem yaphope néten, xama ekhem ekmaso agko' apagkok ma'a pók aptémakxa nak chá'a énxet'ák!

Ezequiel 35:11

Naqsók eyke ko'o sekxéna sektáha nak Wesse' mamassegwayam peya atnéssesek ekhawo m'a ektémakxa nak chá'a eklo, eknathahéyak tén han ektaqnagko, ekteméssessamakxa nak chá'a m'a Israel. Eklegassásegkók sa' agkok ko'o exche', hey'ásegwók sa' ko'o m'a énxet'ák nak.

Ezequiel 35:15

Payhekxeyk axta exche' awáxok kélmasséssekmo axta m'a apchókxa, apxaweykxa axta apagkok apagko' ma'a énxet'ák Israel, kaxhok sa' eyke nahan ektáhakxa exche' m'a: katnekxak sa' ekmaso m'a egkexe Seír, cham'a apchókxa Edom nak. Keñe sa' kólya'ásegwók ko'o sektáha Wesse'.”

Joel 1:15

¡Cha'asagko nak la'a, chágketwa'ak Wesse' egegkok ekhem apagkok! ¡Ekhem ekyentaxno, eksáyam nak sẽlmassésseyam, segáphássesso nak ma'a ekha nak Apyennaqte!

Joel 2:1

Kólpáwés kélaqkahasso m'a egkexe Sión; kólpáwés kélaqkahasso éltennasso nak énxet'ák ma'a Wesse' egegkok nak egkexe ekpagkanamaxchexa apagkok. Kólpexyennem kélaye kélyókxoho kélheykha nak Judá, hakte chágketwa'ak Wesse' egegkok ekhem apagkok:

Joel 2:11

Kaxtegyók chá'a appeywa Wesse' egegkok epaqmétek apmonye'e nak sẽlpextétamo apagkok. Apxámok apagko' ma'a sẽlpextétamo apagkok; mogwanchek ólyetsetek ma'a apkelyaheykekxoho nak chá'a appeywa. ¡Yentexók agko' Wesse' egegkok ekhem apagkok! Méko awanchek kalenmaxaxkoho'.

Amós 5:18

¡Énxet'ák sa' laye, élpekhésso nak kawak Wesse' egegkok ekhem apagkok! ¿Kélya'ásegkóya kéxegke yaqwánxa katnehek xa ekhem nak? Ekyáqtéssóxma sa' katnehek, háwe sa' élseyéxma.

Amós 5:20

Naqso', ekyáqtéssóxma sa' katnehek ma'a Wesse' egegkok ekhem apagkok, háwe sa' élseyéxma, ekyáqtéssóxma ekyentaxno, meyke negwete exma.

Miqueas 5:15

Yetlo seklo sa' ko'o ayaqmagkásekxak setnéssessamakxa m'a pók aptémakxa énxet'ák, mehelyaheykekxa nak.”

Habacuc 2:8

Épetchekxak sa' pók, pók aptémakxa énxet'ák yenmexek xép, elyementók sa' aqsok apagkok, ekhawo aptémakxa axta chá'a exchep, apkelyementamoma aqsok apagkok ma'a. Exnéshok sa' mók ma'a ekyókxoho aptémakxa ekmaso axta, apyennaqteyáseykencha'a axta apyempehek ma'a apchókxa, apkenmexma axta m'a tegma apkelyawe nak, yetlo énxet'ák apheykha m'a kañe'.

Jueces 1:7

Tén axta aptáha Adonisédec se'e: “Ko'o axta sekxók emonye' sélyaqténchesso apophék élyawe apmék ma'a setenta apkelwesse'e nak, tén han ma'a apophék élyawe apmagkok nak, éltémok axta chá'a ko'o eyekhamha sekto ekpalleykha m'a kóneg mésa ahagkok. Keñe kaxwo' setnéssesa ko'óxa Dios sekteméssessamakxa axta m'a énxet'ák nak.” Keñe axta kélyentamákxo m'a Jerusalén, cha'a apketsapweykekxexa axta han ma'a.