Abdías 1:11 - Biblia Enxet

¹¹ Apyetnakha'ak axta aqsa exchep apkelmenyexágko axta aqsok tegma apwányam ma'a apkelenmexma nak Jerusalén, tén han apkelekkexa axta atña'ák ma'a sẽlpextétamo. Xama axta apmelassékpo aqsok apkelméyak tén han apkelsákxo, apheyásekpok axta exchep ma'a.

Abdías 1:11 ပူးပေါင်းရင်းမြစ်များ

2 Reyes 25:11

Tén axta Nebuzaradán apnaqlákxo Babilonia m'a apkeleymomap axta makham apheykha m'a tegma apwányam nak, ekweykekxoho m'a appasmeykekxa axta wesse' apwányam Babilonia, tén han ma'a apkeleymomap axta apkeláneyak chá'a aqsok.

Salmos 137:7

Wesse', kaxénwakxoho apwáxok ma'a edomitas, aptéyeykmo axta m'a Jerusalén, aptéma axta apkelpaqmeyesma s'e: “¡Kóltegkes, kólmasséssem ekweykmoho apowhók!”

Salmos 50:18

Kólmok chá'a takha' kéxegke m'a apkelmenyexma nak; ¡kélyepetcheykekxeyk ma'a apnaqtawáseykegkoho nak chá'a apnaqteyegka'a!

Salmos 83:5

Apheyásawók mók apkelpaqhetchásamákpoho peya yenmexek xép, apyepetchákxeyk pók apkelánegkokxo aptamhágkaxa yaqwánxa etnéssesek se'e énxet'ák nak:

Salmos 83:6

cham'a énxet'ák Edom, tén han Ismael, tén han ma'a Agar, tén han Moab aptawán'ák neptámen,

Ezequiel 35:10

“Temék chá'a exche' ekpaqméteykencha'a s'e: Ko'o sa' atnehek ahagkok ma'a Israel apchókxa, yetlo m'a ánet apchókxa agkok nak; ko'o sa' atnehek ahagkok, neyseksa apha eykhe Wesse' egegkok ma'a.

Joel 3:3

Apmelassamákpek axta énxet'ák ahagkok, aptawáseykegko chá'a xama aqsok, apkexeykekxeyk axta ekha ekyánmaga wokma'ák apketkók, tén han kelwán'ák étkók, keñe axta selyaqye apyánmagkassama chá'a vino, tén han ma'a kelán'a ekyaqmagkáseyak nak pók énxet ekpathetéyak ekma chá'a ekyánmaga.

Amós 1:6

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Gaza, megkatnehek sa' mallegassáseykegkoho; hakte apkelmomchek axta apyókxoho énxet'ák, keñe apkexakhagweykmo ekha ekyánmaga m'a Edom, yaqwayam etnahagkok kélásenneykha naqsa.

Amós 1:9

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Tiro, megkatnehek sa' mallegassáseykegkoho; hakte apkelméssegkek énxet'ák apkelma m'a énxet'ák Edom, cham'a apyókxoho énxet'ák aphéssamo axta mók apkelpaqhetchásamákpoho m'a apnámakkok.

Nahúm 3:10

Axta eyke kahaxanmak apkelmomakpo énxet'ák Tebas kélnaqleykekxo megkatnahakxa apchókxa'; kélyenhassegkek axta chá'a xapop apketchek ma'a máséyak nak ámay; tawásamaxcheyk axta xama aqsok kélexpánchessama m'a kelwesse'e apagkok nak, tén axta kélpextehetma cadenas ma'a apkelámha apmonye'e apagkok ekha nak kéláyo.

Sofonías 2:10

Cháxa yaqwánxa sa' katnehek apkelxawéyak ekyaqmageykekxa apkeltémakxa m'a énxet'ák Moab tén han ma'a Amón, eñama apkelxéneykha ekmaso m'a Wesse' egegkok énxet'ák apagkok, tén han eñama apkelyennaqteyásamákpoho apkelyementaméyak chá'a xapop apagkok ma'a Wesse' ekha nak apyennaqte énxet'ák apagkok.