2 Samuel 8:6 - Biblia Enxet

⁶ Keñe axta David apkelhésseykmo sẽlpextétamo apagkok yókxexma Siria, cham'a Damasco, yaqwayam elanha, kóneg axta han aptemessáseykekxak ma'a Siria, apkeltémók axta han chá'a eyánmagkasek apkelmaxneyakxa enxoho chá'a aqsok. Cháxa ektémakxa axta chá'a apmallahanchessama Wesse' egegkok apmahágkaxa enxoho chá'a m'a David.

2 Samuel 8:6 ပူးပေါင်းရင်းမြစ်များ

2 Samuel 10:19

Xama axta apkelwet'a apmenxena israelitas apyókxoho apkelwesse'e apkelwányam appasmeykekxa axta m'a Hadad-ézer, apkeltamhók axta elwátésagkok apkelnápomap ma'a israelitas, apkelmeyásekpek axta m'a yaqwayam etnehek apkeláneykha. Cháxa apchekakxa axta han kaxwók epasmok sirios ma'a amonitas.

2 Samuel 23:14

Aphegkek axta David ma'a tegma apyennaqte, keñe axta sẽlpextétamo filisteos apheykencha'a m'a Belén.

2 Samuel 3:18

Wokmek kaxwók yaqwánxa kóllána', hakte apxeyenmeyk axta Wesse' egegkok ma'a David, apteme nak apkeláneykha, elwagkasek teyp énxet'ák Israel, cham'a énxet'ák apagkok, neyseksa apkelma m'a filisteos, tén han ma'a apyókxoho katnaha nak apnámakkok.”

2 Samuel 5:10

Yágweykmók axta apteme ekha kéláyo m'a David, aphegkek axta han xamo' ma'a Wesse', Dios ekha nak apyennaqte.

2 Samuel 7:9

sekxegexma axta chá'a ektemék ma'a apmahágkaxa enxoho chá'a, eksawhomók axta han sekmassésseykmo m'a apyókxoho katnaha axta apnámakkok, apkelenmexma axta exchep, keñe han sekteméssessama apxénamap chá'a ekyókxoho yókxexma, ekhawo aptamheykegkaxa nak ma'a énxet'ák ekha nak kéláyo s'e ekyókxoho nélwanmeygkaxa nak.

2 Samuel 8:14

Tén axta apkelhésseykmo sẽlpextétamo apagkok ma'a ekyókxoho Edom yaqwayam elanha, apkeláneykha axta han aptemék David ma'a edomitas, cham'a apméssama axta chá'a apmallane Wesse' egegkok ma'a apmahágkaxa enxoho chá'a.

2 Samuel 8:2

Apmenxenchek axta han ma'a moabitas, apnegkenchek axta náxop, tén axta apkelyetsátegko chá'a táma: apqántánxo sẽlpextétamo axta chá'a, keñe apkelnapa chá'a apqánet, keñe axta xama apcha'awo aqsa chá'a apweynchámeyncha'a. Apkelásenneykha axta aptáhak David ma'a moabitas, keñe apyánmagkassama chá'a m'a apkelmaxneyakxa enxoho chá'a.

2 Samuel 8:7

Tén axta apkelmoma David ma'a apkeláhakkásamap élánamáxche axta sawo ekyátekto ekmomnáwa, apkelmeykha axta m'a Hadad-ézer axta sẽlpextétamo apkelwesse'e apagkok, keñe apkelseykekxo m'a Jerusalén.

1 Reyes 4:21

Salomón axta apkeláneykha ekyókxoho apkelókxa, eyeynmo m'a wátsam Éufrates, ekweykekxoho m'a filisteos apchókxa', tén han ma'a néxa xapop nak Egipto, apyánmagkassama axta chá'a selyaqye eknegkenamaxche', apkeláneykha axta han chá'a aptemék Salomón, neyseksa apha makham.

2 Reyes 1:1

Natámen apketsapma axta Ahab, keñe apkelenmexeykekxo énxet'ák Moab ma'a énxet'ák Israel.

2 Reyes 14:28

Ektémakxa axta apweynchámeykha Jeroboam, tén han ekyókxoho aqsok apkelane, tén han megyesseykekxa axta chá'a apkelane aqsok, tén han ektémakxa axta chá'a apkempakhe, tén han apmeykekxo makham ma'a Damasco, tén han Hamat yaqwayam katnekxak makham agkok ma'a Israel, hágkek eknaqtáxésamaxche m'a weykcha'áhak apagkok axta apkelwesse'e apkelwányam nak Israel.

2 Reyes 18:7

Axta keñamak appasmoma chá'a Wesse' egegkok, aptaqmelchessessegkek axta chá'a ekyókxoho aqsok apkelanakxa enxoho chá'a. Apkenmexeykekxeyk axta Ezequías ma'a wesse' apwányam nak Asiria, apxénchek axta metnehek apkeláneykha.

2 Reyes 3:4

Nepkések apxámaseykekxa axta eyke aptemék aptamheykha m'a Mesá, wesse' apwányam axta Moab, elméshok axta han chá'a cien mil nepkések apketkók yaqwayam etnehek apagkok ma'a wesse' apwányam nak Israel, tén han cien mil nepkések apkelennay'awók élwenaqte nak apwa'ák

1 Crónicas 18:13

Tén axta apkelhésseykmo han David sẽlpextétamo apagkok ma'a Edom yaqwayam elanha, apkeláneykha axta han aptemék ma'a apyókxoho edomitas; hakte Wesse' egegkok axta chá'a emallanchesek David ma'a apmahágkaxa enxoho chá'a.

2 Crónicas 17:2

Apkekhésseykmek axta sẽlpextétamo m'a apyókxoho tegma apkelyawe élyennaqte nak kélhaxtegkáseyak nepyáwa m'a Judá, tén han apheykegkaxa nak chá'a sẽlpextétamo ekyókxoho m'a kañe' nak Judá, keñe han ma'a tegma apkelyawe nak Efraín, apkelma axta m'a apyáp Asá.

Salmos 140:7

Wesse', Dios Sewagkasso nak teyp, etaqmelchessegkek axta exchep neyseksa kempakhakma.”

Salmos 60:10

Hakte egkexakhamchek negko'o exchep Dios; ¡massék apkelyetlawa m'a sẽlpextétamo egagkok!

Proverbios 21:31

Eltahanchesek chá'a apchánte énxet yaqwayam emhagkok kempakhakma, Wesse' egegkok akke apmallahanchesso chá'a.

1 Samuel 13:3

Apsawhomók axta han apmassésseykmo Jonatán ma'a sẽlpextétamo filisteos, apheykha axta m'a Guibeá, apkelleg'ak axta han ma'a pók filisteos. Apkeltamhók axta han Saúl kólpáwássesek kélaqkahasso m'a ekyókxoho apheykegkaxa nak, yaqwayam enxoho eltennasagkok ma'a hebreos.

1 Samuel 14:1

Xama ekhem axta Jonatán, apketche nak Saúl, aptáha apcháneya m'a apchásenneykha: —Exegma', óltámeyekxak alwáta' agketamagkok apheykegkaxa nak sẽlpextétamo filisteos, cham'a neyp nak. Axta eyke eltennásak apyáp Jonatán,

1 Samuel 14:15

Apkelmeneygkók apagko' axta han apyókxoho apheykha axta m'a apkelpakxeneykegkaxa nak, tén han ma'a teyp apkelpakxeneykegkaxa nak. Apkelmeneygkók apagko' axta han ma'a sẽlpextétamo apheykha axta mók apkelpakxeneykegkaxa, tén han ma'a kempakhakma yapmeyk. Chaqhawók axta han ekyawheyncha'a xapop, kelyegweyxcheyk axta ekwányam agko'.

1 Samuel 14:6

Tén axta Jonatán aptáha apcháneya m'a apchásenneykha: —Nók, ólyeykhekxak ma'a neyp nak, apheykegkaxa nak ma'a énxet'ák meyke nak kélyenyekhássáseyak nekha apyempe'ék. Lapmaxcheyk sa' elának aqsok Wesse' egegkok hempasmok negko'o, hakte yeskohok hegmallahanchesek ma'a, megkeyxek nenxámokma essenhan egqántawo'.