2 Samuel 7:9 - Biblia Enxet

⁹ sekxegexma axta chá'a ektemék ma'a apmahágkaxa enxoho chá'a, eksawhomók axta han sekmassésseykmo m'a apyókxoho katnaha axta apnámakkok, apkelenmexma axta exchep, keñe han sekteméssessama apxénamap chá'a ekyókxoho yókxexma, ekhawo aptamheykegkaxa nak ma'a énxet'ák ekha nak kéláyo s'e ekyókxoho nélwanmeygkaxa nak.

2 Samuel 7:9 ပူးပေါင်းရင်းမြစ်များ

Génesis 12:2

Axámassásekxak sa' ko'o aptawán'ák neptámen, énxet apxámokma sa' etnekxa'; apasmok sa' xép, apeykessásekxak sa' apwesey ekyókxoho yókxexma, xép sa' nahan kañenták apasmok ma'a pók énxet'ák nak.

2 Samuel 22:1

Apmeneykmássessek axta David Wesse' egegkok se'e negmeneykmasso nak, apwagkasa axta teyp Wesse' egegkok megyahayo emok ma'a Saúl, keñe han ma'a apyókxoho apkelenmexma nak.

2 Samuel 22:30

Epasmeyk sa' agkok xép, aktamagkok sa' sélenmexma, almallanagkok sa' ma'a meteymog kélhaxtegkesso nak tegma apkelyawe apagkok.

2 Samuel 22:43

¡Ektepelchamók axta ektémól'a yagkamex náxop! ¡Élteyammeykha axta, ektémól'a ólteyammaha yelpa' m'a ámay!

2 Samuel 23:1

Keso ektemegwánxa néxa appeywa David se'e: “David, Jesé apketche, énxet apteméssesso axta Dios ekyawe kéláyo, wesse' apwányam ektáha axta apkelyéseykha m'a Dios apagkok nak Jacob, apteme axta apkelánéyak ekmátsa apmeneykmasso m'a kañe' nak Israel. Aptáhak appeywa s'e:

2 Samuel 5:10

Yágweykmók axta apteme ekha kéláyo m'a David, aphegkek axta han xamo' ma'a Wesse', Dios ekha nak apyennaqte.

2 Samuel 8:13

Payheykekxeyk axta apwesey David, natámen apkelnapma axta dieciocho mil edomitas ma'a éltamhomaxchexa nak Ekyapwátegweykenxa Yásek Xapop, natámen axta aptaqhémo.

2 Samuel 8:14

Tén axta apkelhésseykmo sẽlpextétamo apagkok ma'a ekyókxoho Edom yaqwayam elanha, apkeláneykha axta han aptemék David ma'a edomitas, cham'a apméssama axta chá'a apmallane Wesse' egegkok ma'a apmahágkaxa enxoho chá'a.

2 Samuel 8:6

Keñe axta David apkelhésseykmo sẽlpextétamo apagkok yókxexma Siria, cham'a Damasco, yaqwayam elanha, kóneg axta han aptemessáseykekxak ma'a Siria, apkeltémók axta han chá'a eyánmagkasek apkelmaxneyakxa enxoho chá'a aqsok. Cháxa ektémakxa axta chá'a apmallahanchessama Wesse' egegkok apmahágkaxa enxoho chá'a m'a David.

1 Crónicas 17:8

sekxegexma axta chá'a ektemék ma'a apmahágkaxa enxoho chá'a, eksawhomók axta han sekmassésseykmo m'a apyókxoho katnaha axta apnámakkok, apkelenmexma axta exchep, keñe han sekteméssessama apxénamap chá'a ekyókxoho yókxexma, ekhawo aptamheykegkaxa nak ma'a énxet'ák ekha nak kéláyo s'e ekyókxoho nélwanmeygkaxa nak.

Salmos 21:6

Megkamassegwomek sa' apteméssesso apkeleñémo; kapayhekxohok agko' sa' chá'a apwáxok ma'a apha enxoho xamo' xép.

Salmos 89:23

Amasséssók sa' ma'a apkelenmexma nak; ¡alántekkesek sa' nápaqto'! ¡Alnáhakkasek sa' chá'a m'a aptaqnagko nak chá'a!

Josué 6:27

Appasmomchek axta Wesse' egegkok ma'a Josué, payheykekxeyk axta apwesey m'a ekyókxoho yókxexma apheykegkaxa nak.

1 Samuel 18:14

Tásek axta chá'a katnehek ekteyapma ekyókxoho aqsok apkelanakxa enxoho chá'a m'a David, hakte Wesse' egegkok axta chá'a appasmók.

1 Samuel 18:30

Apkelántekkek axta agkok chá'a ey'ammok kempakhakma m'a apkelámha apmonye'e nak sẽlpextétamo filisteos, David axta aqsa chá'a emallánek, eyeykhássamhok axta chá'a m'a apyókxoho sẽlpextétamo apkelwesse'e apagkok nak Saúl. Axta keñamak kéláyo kélagko' chá'a.

1 Samuel 2:8

Yempásekxak chá'a néten Dios náxop ma'a meyke nak aqsok apagkok, etekkessekxak chá'a kélchexakhamakxa aqsok apák ma'a ekha nak chá'a eyeyméxchexa aqsok, exnések chá'a nepyeseksa énxet'ák ekyawe nak kéláyo, exnéssók chá'a ekyetnamakxa nak taháno eyeymáxkoho; hakte Wesse' egegkok apagkok ma'a ekyennaqtéssamakxa nak xapop, cháxa appekkenmakxa nak han nélwanmeygkaxa xa néten nak.

1 Samuel 31:6

Cháxa ektáhakxa axta apkeletsapa xa ekhem nak, Saúl yetlo apqántánxo apketchek, ekweykekxoho m'a apchásenneykha nak, keñe han ma'a apyókxoho apkelxegexma'a.

1 Samuel 5:10

Tén axta filisteos apya'ásekxo Dios yántéseksek apagkok ma'a Ecrón; xama axta ekwokmo yántéseksek ma'a, aptáhak axta apkelyennaqtésawo apkelpeywa apheykha nak Ecrón se'e: “¡Ẽlsókasakmek Dios Israel yántéseksek apagkok, yaqwayam hẽlnápok negyókxoho!”