2 Samuel 7:5 - Biblia Enxet

⁵ “Ey'ókxa sa' epaqhetchessekxak séláneykha David, eltennés sa' sektáha ko'o seyaphássesa sekpeywa s'e, sektáha nak Wesse': ‘Háwe sa' xép yaqwayam hélanaksek xama tegma yaqwánxa ko'o axek.

2 Samuel 7:5 ပူးပေါင်းရင်းမြစ်များ

2 Samuel 7:4

Appaqhetchessek axta eyke Wesse' egegkok Natán xa axta'a nak, aptáhak axta apcháneya s'e:

1 Reyes 5:17

Apkeltémók axta kólhaxyawaksek wesse' apwányam meteymog élyawe éltaqmalma nak, yaqwayam kólnegkenek apowhók ma'a tegma, keñe han ma'a meteymog kélyaqtenneykekxa nak.

1 Reyes 6:12

“Cháxa tegma apkelana nak, peyk atnehek wának xép, apkelanak sa' agkok ma'a ekhawo ektémakxa nak segánamakxa ahagkok, tén han seyánamakxa nak etnehek, tén han ekyókxoho séltémókxa nak etnehek, apyetlókasa enxoho m'a ektémakxa nak, alának sa' ko'o m'a séltennassama axta alának ma'a David, apyáp axta, sekxeyenma exchep;

1 Crónicas 17:4

“Ey'ókxa sa' epaqhetchessekxak séláneykha David, eltennés sa' sektáha ko'o seyaphássesa sekpeywa s'e, sektáha nak Wesse': ‘Háwe sa' xép yaqwayam hélanaksek xama tegma yaqwánxa ko'o axek.

1 Crónicas 28:3

Axta eyke aptemék seyánagkama Dios se'e: ‘Háwe exchep yaqwayam etnehek sélánésso xama tegma, hakte kempakhakma yáp xép, apxámok énxet apkelnapma.’

Proverbios 16:1

Énxet chá'a sekxók apkeláneykekxa yaqwánxa elának aqsok; keñe Wesse' egegkok apkeltémo chá'a katyapok.

Isaías 66:1

Aptáhak Wesse' egegkok se'e: “Néten ekteme sekhamakxa ko'o keñe xapop sélteyeykemxa. ¿Háxko kélwanchek héllanaksek ko'o xama tegma? ¿Háxko sa' kélwanchek héllanaksek ko'o séllókassamakxa sekyampe?